ەلباسى ن. نازاربايەۆتىڭ «بولاشاققا باعدار: رۋحاني جاڭعىرۋ» باعدارلاماسى ماقالاسى اياسىندا كىتاپحاناشىلار اراسىندا تاجىريبە الماسۋ ماقساتىندا ش.ءۋاليحانوۆ وبلىستىق امبەبەاپ-عىلىمي كىتاپحاناسىندا وتكەن «اۋىلدىق كىتاپحانا- جەرگىلىكتى قوعامداستىق ورتالىعى» اۋىلدىق كىتاپحانالار كۇندەرىنە سارىسۋ اۋداندىق ورتالىقتاندىرىلعان كىتاپحانالار جۇيەسىنە قاراستى يگىلىك اۋىلدىق كىتاپحانا «اي استىنداعى كەنتاۆر» تاقىرىبىندا پوەزيا قوناقجايى ءىس-شاراسىن وتكىزگەن بولاتىن. وبلىستىق كىتاپحانانىڭ «بۋككروسسينگ» زالىنىڭ تورىندە جامبىل وبلىسىنىڭ تۋماسى، ءتورت مارتە ق ر پرەزيدەنتىنىڭ ستيپەندياتى جانە ق ر پرەزيدەنتىنىڭ گرانتىن يەلەنگەن قازاقستان جازۋشىلار وداعىنىڭ مۇشەسى. ق ر ەڭبەك سىڭىرگەن قايراتكەرى. مەملەكەتتىك “دارىن” جاستار سىيلىعىنىڭ لاۋرەاتى مارالتاي رايىمبەك ۇلى جۇرتشىلىقپەن جۇزدەسكەن-دى. تارپاڭ اقىن مارالتايمەن بىرگە قالام تارتىپ اقىندىقتىڭ اتىندا ۇزەڭگىلەس بولىپ جۇرگەن بەرىك ءجۇسىپ، جازۋشى نەسىپبەك ءداۋتاي ۇلى كەلىپ مارالتايدىڭ شىعارماشىلىعىنا توقتالدى. پوەزيا قوناقجايىنىڭ قۇرمەتتى قوناقتارىمەن بىرگە «ەگەمەن قازاقستان» گازەتىنىڭ جامبىل وبلىسى بويىنشا مەنشىكتى ءتىلشىسى، جامبىل وبلىستىق جازۋشىلار وداعى فيليالىنىڭ ديرەكتورى حاميت ەسامان، قازاقستان جۋرناليستەر وداعىنىڭ مۇشەسى، ايتىسكەر اقىن ەسەت دوسالى، اقىن جۋرناليست تۇرسىنبەك سۇلتانبەك قاتىسىپ وتىردى. كىتاپحانا مەڭگەرۋشىسى اقمارال بەكبەرگەنوۆا «جەرلەسىممەن ماقتانامىن» ونلاين بايلانىس ارقىلى العاشقى ۇستازى ساقتاعان يمبەتوۆانىڭ، قالام تارتىپ العاش ولەڭىن ارناعان كلاستاسى گۇلبانۋ ماحانبەتوۆالاردىڭ قىزىقتى ەستەلىكتەرىن تىڭداپ مارالتاي ەرەكشە ءبىر تولقىپ الدى.

«بەينە پوەزيا» بولىمىندە سلايد ارقىلى اۋىل اقساقالى زاۋالماحان ابزالبەكوۆ، 4 جاسار نۇرگۇل ءابدىقادىر، جانداۋلەت اسحات ۇلى اقىن ولەڭدەرىن مانەرلەپ وقىدى.

«كوڭىل كوكتەمى» اتتى جىر ەللەگياسىندا جەرلەستەرى «جەز قوڭىراۋ» ولەڭىن ماعجان سەردالى، «ءاسانالى باعدات» پوەماسىن

اقبوتا سارسەنبەكوۆا ، «يگىلىك» ولەڭىن نۇرجىگىت قىرىقباي ولەڭدەرىن ناقىشىنا كەلتىرىپ مانەرلەپ جاتقا وقىپ بەردى. اقىنمەن قاۋىشۋ ساتىندە مارالتاي جالپى كىتاپحانا دەگەن رۋحاني كيەلى ورداعا، كىتاپحاناشى دەگەن ماماندىق يەلەرىنە دەگەن العىسىم شەكسىز دەپ العىسىن ءبىلدىردى.

-تاياۋدا «اۋىلدىق كىتاپحانا- جەرگىلىكتى قوعامداستىق ورتالىعى» اتتى وبلىستىق بايقاۋى ءوز مارەسىنە جەتتى. جوعارىدا اتاپ وتكەنىمىزدەي، سەرپىندى، كرەاتيۆتى، زاماناۋي وي-پىكىر مەن جوعارى كاسىبي شەبەرلىك كورسەتكەنى ءۇشىن يگىلىك اۋىلدىق كىتاپحاناسى باس جۇلدەنى يەلەنىپ، كىتاپحاناعا جاڭا ۇلگىدەگى مونوبلوك سىيعا الدى، -دەيدى سارىسۋ اۋداندىق ورتالىقتاندىرىلعان كىتاپحانالار جۇيەسى ديرەكتورىنىڭ ورىنباسارى ايتبالا جولماحانوۆا.