بايزاق اۋدانىندا قانت قىزىلشاسىن جيناۋ ناۋقانى باستالدى. بايزاقتىق ديقانداردىڭ ەگىس القابىنان جينالعان ستراتەگيالىق داقىلدى تاراز قانت زاۋىتى قابىلداپ جاتىر. اعىمداعى جىلى بايزاق اۋدانىندا 1207 گەكتار القاپقا ءتاتتى ءتۇبىر ەگىلگەن.سايكەسىنشە بايزاق ديقاندار بيىل قانت زاۋىتتارىنا 35-36 مىڭ توننا ءتۇبىر وتكىزۋدى جوسپارلاپ وتىر، دەپ جازادى Qamshy.kz اقپارات اگەنتتىگى. 

جالپى اعىمداعى جىلى بايزاقتىق ديقاندار قىزىلشا القابىن كوبەيتۋ ارقىلى ونىڭ ونىمدىلىگىن ارتتىرۋعا ايرىقشا كوڭىل بولۋدە.

–اۋداندا ديقانداردىڭ الا جازداي ەككەن ەڭبەگى ەش كەتپەۋى ءۇشىن قانت قىزىلشاسىن جيناۋ ناۋقانىنا ەرتە قامداندىق. بيىل بايزاقتىق شارۋالار ءتاتتى ءتۇبىردى 1207 گەكتار القاپقا ەكتى. ءقازىر ستراتەگيالىق داقىلدىڭ گەكتارعا شاققانداعى ونىمدىلىگىن ەسكەرىپ ۇستىمىزدەگى جىلى قانت زاۋىتىنا 35-36 مىڭ قانت قىزىلشاسىن وتكىزۋدى مەجەلەپ وتىرمىز، –دەيدى اۋدان اكىمىنىڭ ورىنباسارى بولات ساعىنبەكوۆ.

اۋدانداعى قانت قىزىلشاسىن جيناۋعا العاشقىلاردىڭ ءبىرى بولىپ وسمان زۋلۋف-وگلى جەتەكشىلىك جاسايتىن «زۋلۋف-وگلى» شارۋا قوجالىعى كىرىستى. شارۋا قوجالىق ءتاتتى ءتۇبىر القابىنىڭ ءار گەكتارىنان 600 سەنتنەر ءونىم الۋدى جوسپارلاپ وتىر.

–بيىل ءبىز اۋدانداعى اۋىل شارۋاشىلىعى سالاسىنىڭ ەڭ نەگىزگى سەكتورى سانالاتىن قانت قىزىلشاسى القابىن 55 گەكتارعا دەيىن ۇلعايتا الدىق. مۇنداعى 15 گەكتار جەرگە تامشىلاتىپ سۋارۋ تەحنولوگياسى ەنگىزىلدى. نەگىزىنەن قانت قىزىلشا وتە كوپ كۇتىمدى قاجەت ەتەتىن داقىلعا جاتادى. سوندىقتان ونىڭ بابىن تاپقاندار عانا مول ونىمگە كەنەلمەك، - دەيدى وسمان زۋلۋف-وگلى.

ءوز كەزەگىندە تاراز قانت زاۋىتى دا اسا جاۋاپتى كەزەڭگە دايىندىعىن ءوز دەڭگەيىندە قامداعان. ەڭ باستىسى شارۋالار مۇنداعى جىل سايىن قايتالاتىن ءونىمدى وتكىزۋدە تۇزىلەتىن ۇزىنسونار كەزەكتىڭ ازايعانىنا ءدان ريزا. جۇك كولىكتەرى القاپتان جاڭا جينالعان قىزىلشانى تارازى تارتىپ، ءتيىستى ورىنعا اۋدارىپ ءوز جولىمەن كەتىپ بارادى.

اۋداندا ستراتەگيالىق داقىل سانالاتىن قىزىلشا القابىن ۇلعايتۋ، بۇل داقىلدى ەگۋگە ءىرى اگروقۇرلىمداردى تارتۋ جۇمىستارى ءوز دەڭگەيىندە جۇزەگە اسىرىلىپ كەلەدى. وتكەن جىلى دا بايزاقتىقتار 38 مىڭ تونناداي قانت قىزىلشاسىن جيناعان ەدى. بيىل ەگىس القابى 800 گەكتارعا ازايعانىمەن جينالاتىن ءونىم كولەمى سول كۇيىندە قالعاندىعى شارۋالاردىڭ بۇل داقىلدى ءوسىرۋ تەحنولوگياسىن جەتىك مەڭگەرگەنىن اڭعارتادى.