بۇگىندە ەلىمىزدە ۆەتەريناريالىق قاۋىپسىزدىك ماسەلەسىنە باسا نازار اۋدارىلۋدا. بۇل تۇرعىدا اۋىل شارۋاشىلىق جانۋارلارىن بىردەيلەندىرۋ جۇمىستارى دا جاندانا تۇسكەن.

بىردەيلەندىرۋ جۇمىستارىن جۇرگىزۋگە ق ر اۋىل شارۋاشىلىعى مينيسترلىگىنەن جامبىل وبلىسىنا بولىنگەن 188 388 دانا ءمۇيىزدى ءىرى قارا مالدىڭ، 1629954 دانا قوي-ەشكىنىڭ قۇلاق جاپسىرمالارى اۋداندارعا تاراتىلدى.

اۋىل شارۋاشىلىق جانۋارلارىن بىردەيلەندىرۋ جۇمىستارى وبلىس اكىمىنىڭ ورىنباسارىمەن بەكىتىلگەن 2019 جىلعا ارنالعان ءىس-شارا جوسپارىنا سايكەس جۇرگىزىلىپ، بىردەيلەندىرۋدىڭ دەرەكتەر قورىنا ەنگىزىلۋدە.

جالپى، اۋىلدىق وكرۋگتەردە 160 ۆەتەريناريالىق پۋنكتتەر قۇرىلعان، ونىڭ 75ء-ى 2018 جىلى قىزمەتتىك ۇي-جايمەن قامتاماسىز ەتىلدى. 2019 جىلى 48 ۆەتەريناريالىق پۋنكتتەرگە قىزمەتتىك ۇي-جايمەن قامتاماسىز ەتۋ جوسپارلانعان. قالعان 37 ۆەتەريناريالىق پۋنكتتەردى قىزمەتتىك ۇي-جايمەن قامتاماسىز ەتۋ 2020 جىلعا كوزدەلىپ وتىر.

وبلىس اكىمدىگى ۆەتەريناريا باسقارماسىنىڭ باسشىسى وسپان بەردياروۆتىڭ ايتۋىنشا، ەلدى مەكەندەردى مالعا دارى-دارمەك ەگۋگە، قان سىنامالارىن الۋعا ارنالعان الاڭدارمەن جانە ءىرى قارا مالداردى ەكتوپارازيتتەرگە قارسى دارىلەۋگە (شومىلدىرۋعا) ارنالعان دۋشتارمەن قامتۋ جۇمىستارى جۇرگىزىلۋدە. ايماقتا بارلىق ەلدى مەكەن سانى 384، ال قامتىلعانى -126. جىل سوڭىنا دەيىن 67ء-سى قامتىلادى.

اعىمداعى جىلى 9 ۋاق مالدارداردى كەنەگە قارسى شومىلدىراتىن مال توعىتپالارىمەن قامتۋ جوسپارلانعان، جىل سوڭىنا دەيىن قامتاماسىز ەتىلىپ بارلىعى 152 نىسان بولادى.

سونىمەن قاتار كەنەگە قارسى جۇمىستار دا جۇيەلى جۇرگىزىلۋدە.

كونگو قىرىم گەمورراگيالىق قىزباسىنىڭ تابيعي وشاعىندا ورنالاسقان جەكەلەگەن ەلدى مەكەندەردە 3 جىل كولەمىندە اۋرۋ تىركەلمەگەندىكتەن جانە اۋرۋ قوزدىرعىشىن تاسىمالداۋشى كەنە انىقتالماۋىنا بايلانىستى 2019 جىلى وشاقتاعى ەلدى مەكەن سانى 83 – تەن 48 - گە كەمىدى.

وبلىستىق بيۋدجەتتەن تابيعي وشاقتا ورانالاسقان تاراز قالاسى مەن اۋداندارعا كەنەگە قارسى قولدانىلاتىن پرەپاراتتاردى ساتىپ الۋعا جانە اۋداندىق بيۋدجەتتەن كەنەگە قارسى جۇمىستاردى جۇرگىزۋگە 125 ملن. 454 مىڭ تەڭگە ءبولىندى.

كەنەگە قارسى جۇمىستاردىڭ كوكتەمگى 1 جانە 2 كەزەڭى تولىق اياقتالدى. ناتيجەسىندە جوسپارعا سايكەس 48 ەلدى مەكەندە كولەمى 4 743 647 شارشى مەتر بولاتىن 17 917 قورا جاي، 502 238 باس اۋىل شارۋاشىلىعى جانۋارلارى كەنەگە قارسى 100 پايىز دارىلەندى. قازىرگى تاڭدا زالالسىزداندىرۋ جۇمىستارىنىڭ كۇزگى 3 كەزەڭى اتقارىلۋدا.

بۇگىنگى كۇنگە تابيعي وشاقتا 22 مال توعىتپاسى جانە 38 دۋش قولدانىسقا الىنعان. قورا جايلاردى دەزينسەكسيالاۋ جۇمىستارى 17 دۋك اۆتوكولىگىمەن جۇرگىزىلۋدە. سونىمەن قاتار وبلىستىڭ مەكەمەلەرىمەن تۇرعىندار اراسىندا سانيتارلىق اعارتۋ جۇمىستارى تۇراقتى تۇردە جۇرگىزىلۋدە.

جالپى، وبلىستا ۆەتەرينارلىق جاعداي ءبىر قالىپتى جانە تۇراقتى باقىلاۋدا.