بۇۇ  1992 جىلى 17 قازان كۇنىن حالىقارالىق كەدەيلىكپەن كۇرەس كۇنى دەپ جاريالادى. بۇگىن بىرىككەن ۇلتتار ۇيىمى وسى مەرەكەگە وراي ارنايى مالىمدەمە جاساپ، الەم مەملەكەتىن بالالارعا جايلى ءومىر جاعدايىن جاساۋعا شاقىردى. بۇل تۋرالى بۇۇ جاڭالىقتار سايتىندا جاريالاندى، دەپ حابارلايدى Qamshy.kz اقپارات اگەنتتىگى.

بۇۇ دامۋ باعدارلاماسىنىڭ دەرەكتەرىنە سۇيەنسەك، بۇگىندە شامامەن 1،3 ملرد ادام جوقشىلىقتىڭ تاۋقىمەتىن تارتىپ وتىر. ال قازاقستاندا رەسمي ەسەپ بويىنشا، 2 ميلليون ادام كەدەيلىك شەگىندە تۇرادى. ەلىمىزدەگى كەدەيلىك  2002 جىلى 28% قۇراپ، 2009 جىلى 2%-عا قۇلادى. 2018 جىلى كەدەيلىكتىڭ كورسەتكىشى ($5،5 كۇنىنە) 8،6% دەڭگەيىنە جەتكەن. بۇكىل الەمدىك بانك بولجامى بويىنشا، ەگەر تۇراقتى ۇستالىپ تۇراتىن بولسا، 2021 جىلعا دەيىن 6% جوعارى بولادى.

بۇعان قاراماستان، قازاقستان ورتالىق ازيا ەلدەرى ىشىندە كەدەيلىكتىڭ تومەن كورسەتكىشىندەگى ەل رەتىندە سانالادى. ەڭ جوعارى كورسەتكىش تاجىكستان مەملەكەتى.