ەلباسى ن.نازاربايەۆتىڭ باستاماسىمەن قولعا الىنعان «سيفرلى قازاقستان» باعدارلاماسى بۇگىندە قوعامنىڭ بارلىق سالاسىندا دەندەپ قولدانىسقا ەنە باستادى. سول قاتاردا كىتاپحانالار جۇيەسى دە جاڭا تەحنولوگيالاردىڭ يگىلىگىن كورىپ، وڭ وزگەرىستەرگە بەت بۇرۋدا. وسى ورايدا جامبىل وبلىسىنداعى رۋحانيات وشاقتارى دا زامان تالابىنا بەيىمدەلىپ كەلەدى.

ش.ءۋاليحانوۆ اتىنداعى جامبىل وبلىستىق عىلىمي-امبەباپ كىتاپحاناسىنىڭ ديرەكتورى ەلميرا ءابدينوۆانىڭ ايتۋىنشا، جەرگىلىكتى جەردەگى كىتاپحانالاردا سيفرلاندىرىلعان ورتالىقتار اشۋ ءىسى قارقىندى جۇرگىزىلۋدە.

–كەيىنگى جىلدارى كىتاپحانالاردى جاڭا تەحنولوگيالارمەن جاراقتاندىرا وتىرىپ، جۇرتشىلىقتىڭ يگىلىگىنە جاراتۋعا باسىمدىق بەرىلۋدە. بۇل تۇرعىدا وبلىس اكىمى اسقار مىرزاحمەتوۆتىڭ باستاماسىمەن كوپتەگەن جۇمىستار اتقارىلۋدا. وتكەن جىلدان باستاپ اعىمداعى 8 ايدىڭ ىشىندە وبلىس كىتاپحانالارىنان 130 سيفرلاندىرىلعان اقپاراتتىق جانە كوۆوركينگ ورتالىقتارى اشىلعان. سول 130 ورتالىقتىڭ 18 –ءى كوۆوركينگ، 112 –ءسى سيفرلاندىرىلعان اقپاراتتىق ورتالىق. 112 سيفرلاندىرىلعان اقپاراتتىق ورتالىقتىڭ بەسەۋى تاراز قالاسىندا ورنالاسقان كىتاپحانالاردىڭ جانىنان اشىلسا، قالعان 107ء-سى – اۋداندارداعى 91 اۋىلدىق وكرۋگتى قامتىپ وتىر.

53 سيفرلاندىرىلعان اقپاراتتىق ورتالىق 2018 جىلى، 59-ى وسى جىلدىڭ 8 ايىندا اشىلدى.

سونىمەن قاتار، بيىلعى جىلدىڭ سوڭىنا دەيىن جوسپارعا سايكەس 19 وكرۋگتە 20 ورتالىق ىسكە قوسىلادى، جانە، قوسىمشا 17 اۋىلدىق وكرۋگتەگى 19 كىتاپحانادا وسىنداي ورتالىقتار اشۋ مۇمكىندىگى بار. بۇل باعىتتا جۇيەلى جۇمىستار جۇرگىزىلۋدە،-دەيدى شوقان ءۋاليحانوۆ اتىنداعى وبلىستىق امبەباپ عىلىمي كىتاپحاناسىنىڭ ديرەكتورى ەلميرا ابدينوۆا. سونداي-اق بۇگىنگى تاڭدا ورتالىق قىزمەتكەرلەرى http://zhambyl.cao-zhambyl.kz سايتى ارقىلى جەرگىلىكتى تۇرعىنداردى اۋىل، اۋدان، وبلىستىڭ قوعامدىق، مادەني، ەكونوميكالىق، الەۋمەتتىك ءومىرى اياسىندا جان-جاقتى اقپاراتپەن قامتاماسىز ەتۋ مۇمكىندىگىنە يە بولىپ وتىر.

ش. ءۋاليحانوۆ اتىنداعى وبلىستىق امبەباپ عىلىمي كىتاپحاناسىنىڭ كىتاپحانانى دامىتۋ ءبولىمىنىڭ مەڭگەرۋشىسى جانات جەتپىسبايەۆانىڭ ايتۋىنشا، بۇگىندە جالپى 112 سيفرلاندىرىلعان اقپاراتتىق ورتالىقتى پايدالانۋشىلار سانى - 85662 ادامعا جەتكەن.

مىنە، وسىلايشا «سيفرلى قازاقستان» باعدارلاماسىنىڭ جەمىسىن كىتاپحانالار دا ايقىن سەزىنۋدە.