ەلباسى ن.نازاربايەۆتىڭ قازاقستاندىقتاردىڭ 30 پايىزعا جۋىعىن بۇقارالىق سپورتقا تارتۋ تۋرالى تاپسىرماسى بۇل سالانى دامىتۋعا تىڭ سەرپىلىس سىيلاعانى جاسىرىن ەمەس. بۇل تۇرعىدا قورداي اۋدانىندا دا ناتيجەلى جۇمىستار اتقارىلۋدا.
جالپى، اۋداننان شىققان سپورت ساڭلاقتارى از ەمەس. مىسالى، كيكبوكسينگتان الەم چەمپيونى، سپورتتىڭ وسى تۇرىنەن قازاقستان چەمپيونى، كيكبوكسينگتەن سپورت شەبەرى، قورداي اۋدانى بۋلار باتىر اۋىلىندا دۇنيەگە كەلگەن راشيد داۋروۆ، الەم چەمپيوناتىنىڭ كۇمىس جۇلدەگەرى، قازاقستانىڭ ەركىن كۇرەستەن ءۇش دۇركىن چەمپيونى، كوپتەگەن حالىقارالىق جارىستاردىڭ جەڭىمپازى، ەركىن كۇرەستەن سپورت شەبەرى، جەكپە-جەك سپورت تۇرىنەن حالىقارالىق دارەجەدەگى سپورت شەبەرى، قورداي اۋدانى قورداي اۋىلىندا تۋعان تولەگەن اقىلبەكوۆ، ازيا ويىندارىنىڭ ەستافەتالىق جۇگىرۋدەن كۇمىس جۇلدەگەرى، قورداي اۋىلىنىڭ تۋماسى سۆەتلانا يۆاچۋكوۆا جانە كاسىپقوي بوكستان IBا چەمپيونى، حالىقارالىق دارەجەدەگى سپورت شەبەرى، شىعىس ازيا ويىندارىنىڭ جەڭىمپازى، قارۋلى كۇشتەر اراسىنداعى الەم چەمپيوناتىنىڭ كۇمىس جۇلدەگەرى، ازيا ويىندارىنىڭ قولا جۇلدەگەرى، قورداي اۋدانى قورداي اۋىلىندا دۇنيەگە كەلگەن مارات مازىمبايەۆتاردى جەرگىلىكتى جۇرت ماقتانىشپەن ايتادى. وسكەلەڭ ۇرپاق تا وسىنداي دارابوزداردى ۇلگى تۇتىپ، شەبەرلىكتەرىن شىڭداي تۇسۋدە.
«بىتەر ءىستىڭ قاسىنا جاقسى كەلەر قاسىنا» — دەمەكشى، قورداي اۋدانىنىڭ وسىنداي قارقىندى دامي تۇسۋىنە جوعارى باسشىلىقتىڭ دا ۇلەسى ءبىر تۇيەگە جۇك ارتقانداي. ايتالىق، اۋدان اكىمى بايتولە بولاتبەك بايقونىس ۇلىنىڭ بىلىكتىلىگىنىڭ ارقاسىندا كوپتەگەن ىرگەلى جاڭا جوبالار دۇنيەگە كەلىپ ىسكە اسۋدا.
2018 جىلدىڭ قورىتىندىسى بويىنشا قازاقتىڭ سپورت جانە تۋريزم اكادەمياسىنىڭ قارا شاڭىراعىندا ايتۋلى وقۋ ورنى مەن رەسپۋبليكالىق «سپورت جۇلدىزدارى» رەداكسياسى بىرىگىپ، جىل ۇزدىكتەرىن انىقتاعان بولاتىن. سول شارا بارىسىندا ەلىمىز بويىنشا «ۇزدىك اۋدان اكىمى» جۇلدەسى قورداي اۋدانىنىڭ اكىمى بايتولە بولاتبەك بايقونىسۇلىنا بەرىلگەن ەدى. سونىمەن قاتار جامبىل وبلىسى بويىنشا «ەڭ ۇزدىك سپورت ءبولىمى» — دەگەن قۇرمەتتى ماراپاتتى قورداي اۋدانى اكىمدىگىنىڭ دەنەشىنىقتىرۋ جانە سپورت ءبولىمىنىڭ باسشىسى، جاسوسپىرىمدەر اراسىندا سامبودان الەم چەمپيونى، ەرسەكتەر اراسىندا كۇمىس جۇلدەگەر ديدار مولداعالييەۆتىڭ ەرەن ەڭبەگى ەلەنىپ، وسىنداي ماقتان بولار جەتىستىكتەرگە جەتىپ وتىر. بۇل ەڭبەكتىڭ جەمىسىنىڭ باعالانۋى دەپ بىلەمىز. وسىنداي سپورت سالاسىنداعى سەرپىندى قوزعالىستىڭ بايقالۋى، تاباندى جۇمىستىڭ ناتيجەسى ەكەنىن باسا ايتقان ءجون. ءار سالادا ءوز مامانى عانا بولىپ قويماي، يننوۆاسيالىق جاڭا وي-يدەيالاردى ىسكە اسىرۋدا قورداي ءوڭىرى مىنە، وسىنداي ىرگەلى ىستەرمەن وبلىس بويىنشا قامشى سالدىرماي الدا كەلەدى.
«اسىل تاستار اسقار تاۋدا تۋادى» — دەگەن قاناتتى ءسوز بار. قويىنى قۇت-بەرەكەگە تۇنعان قورداي جەرىندە ەكونوميكالىق ورلەۋ مەن بىرگە ۇلكەن سپورتتىڭ دا دامىپ بارا جاتقانىنىڭ وسىلايشا كۋاسى بولىپ وتىرمىز. «بۇگىنگى كۇن-كەشەگى كۇننىڭ كولەڭكەسى» — دەپ بابالارىمىز تەگىن ايتپاسا كەرەك. بۇگىنگى كۇنى قورداي ءوڭىرىنىڭ كۇننەن كۇنگە جاسارا-جاقسارا ءتۇسۋى، كەشەگى وتكەن التىن ءىزدى بابالارىمىزدىڭ قالدىرعان مۇرالارىن جاڭعىرتا وتىرىپ، زامان اعىمىنان قالىسپاي جانجاقتى دامۋدى ماقسات ەتۋى ەكەندىگى داۋسىز.
پىكىر قالدىرۋ