ەلباسى ۇسىنعان «سيفرلى قازاقستان-2020» باعدارلاماسى كىتاپحانا سالاسىندا دا ءوز ناتيجەسىن بەرۋدە. ونىڭ جارقىن جەمىسىن اۋليەاتا وڭىرىنەن دە ايقىن اڭعارۋعا بولادى. مىسالى، ايماقتاعى كىتاپحانالاردا بۇگىنگە دەيىن 130 سيفرلاندىرىلعان اقپاراتتىق جانە كوۆوركينگ ورتالىقتارى اشىلعان. ولاردى پايدالانۋشىرا قاتارى دا كۇننەن كۇنگە كوبەيىپ كەلەدى. ش. ءۋاليحانوۆ اتىنداعى وبلىستىق امبەباپ عىلىمي كىتاپحاناسىنىڭ كىتاپحانانى دامىتۋ ءبولىمىنىڭ مەڭگەرۋشىسى جانات جەتپىسبايەۆانىڭ ايتۋىنشا، بۇگىندە جالپى 112 سيفرلاندىرىلعان اقپاراتتىق ورتالىقتى پايدالانۋشىلار سانى 85662 ادامعا جەتكەن.

–پايدالانۋشىلاردىڭ ءتۇرلى باعىتتاعى 71732 سۇرانىسى ينتەرنەت جەلىسى ارقىلى قاناعاتتاندىرىلدى. 20 مىڭنان اسا سۇرانىس – قالا تۇرعىندارىنان تۇسسە، اۋىل تۇرعىندارىنىڭ 52 مىڭعا جۋىق سۇرانىسىن اۋىلدىق كىتاپحانالارداعى سيفرلاندىرىلعان اقپاراتتىق ورتالىقتار قىزمەتكەرلەرى جان-جاقتى اقپاراتپەن قامتاماسىز ەتكەن.

اقپاراتتىق ورتالىقتاردا «cao-zhambyl» سايتى ارقىلى اۋىل تۇرعىندارىنىڭ كۇندەلىكتى تۇرمىسىنا قاجەتتى اقپاراتتار، egov.kz پورتالىنداعى بىرنەشە قىزمەت تۇرلەرىن الۋعا مۇمكىندىك جاسالعان. بۇگىنگى كۇنى ورتالىقتاردا 10 مىڭنان اسا انىقتاما بەرىلىپ، تىكەلەي سايت ارقىلى 3000-نان استام سۇرانىس قاناعاتتاندىرىلدى. مىسالى، egov.kz پورتالى ارقىلى وسى ۋاقىتقا دەيىن 8 قىزمەت ءتۇرى كورسەتىلسە، بۇگىنگى تاڭدا بۇل قىزمەت اياسى كۇننەن-كۇنگە كەڭەيتىلىپ، قىزمەت ءتۇرى 13-گە جەتتى. 10649 انىقتامانىڭ باسىم بولىگى: 6054 - مەكەن-جايلىق، 1337 - زەينەتاقى قورى، 1013 - سوتتالعان نەمەسە سوتتالماعان تۋرالى (بار/جوق) انىقتامالار،-دەيدى جانات قالماعانبەت قىزى.

ال، جامبىل اۋداندىق ورتالىقتاندىرىلعان كىتاپحانالار جۇيەسىندە وتكەن جىلى اۋداندىق ورتالىق كىتاپحانا، ءايشابيبى، گرودەكوۆو، تاستوبە، ەرنازار، بەساعاش، توعىزتاراۋ اۋىلدىق كىتاپحانالارىندا 7 سيفرلاندىرىلعان اقپاراتتىق ورتالىق اشىلسا، بيىل تاعى 5 سيفرلاندىرىلعان اقپاراتتىق ورتالىق پايلادانۋعا بەلىلىپ وتىر. اتاپ ايتقاندا، اششىبۇلاق اۋىلدىق كلۋبىندا ورنالاسقان اششىبۇلاق اۋىلدىق كىتاپحاناسىنان، جەكە عيماراتتا ورنالاسقان شايقورىق اۋىلدىق كىتاپحاناسىنان، بەكتوبە اۋىلدىق مادەنيەت ۇيىندە ورنالاسقان بەكتوبە اۋىلدىق كىتاپحاناسىنان، ەڭبەك اۋىلدىق كلۋبىندا ورنالاسقان ەڭبەك اۋىلدىق كىتاپحاناسىنان، بىرلەسۋ-ەڭبەك اۋىلدىق كلۋبىندا ورنالاسقان بىرلەسۋ-ەڭبەك اۋىلدىق كىتاپحاناسىنان سيفرلاندىرىلعان اقپاراتتىق ورتالىعى جۇمىس ىستەۋدە. اشىلعان بۇل ورتالىقتار بۇگىندە ەل يگىلىگىنە جاراپ وتىر.