قازاقستان رەسپۋبليكاسىنىڭ پرەزيدەنتى قاسىم-جومارت توقايەۆ «سىندارلى قوعامدىق ديالوگ – قازاقستاننىڭ تۇراقتىلىعى مەن وركەندەۋىنىڭ نەگىزى» اتتى حالىققا ارناعان جولداۋىندا قالا مەن اۋىل مەكتەپتەرى اراسىنداعى ءبىلىم ساپاسىنىڭ الشاقتىعىن جويۋ، «ديپلوممەن - اۋىلعا» باعدارلاماسىنىڭ اياسىن كەڭەيتۋ، وقۋشىلاردىڭ قابىلەتىن ايقىنداپ، كاسىبي باعىت-باعدار بەرۋ، دارىندى اۋىل جاستارىن ىرىكتەپ، وتاندىق جانە شەتەلدىك جوعارى وقۋ ورىندارىنا دايىنداۋ، وقۋشىلاردى ساپالى وقۋلىقتارمەن قامتاماسىز ەتۋ باعىتىندا ناقتى تاپسىرمالار بەرگەن بولاتىن.
بۇگىندە جامبىل وبلىستىق ءبىلىم سالاسىنداعى باقىلاۋ دەپارتامەنتى جولداۋ جۇكتەگەن مىندەتتەرگە سايكەس، جۇيەلى جۇمىستار اتقارۋدا. باقىلاۋدى جۇرگىزۋ بارىسىندا، دەپارتامەنتتىڭ جاۋاپتى ماماندارى مەن تارتىلعان ساراپشىلار تاراپىنان پەداگوگيكالىق ۇجىممەن كەزدەسۋ وتكىزىلىپ، انىقتالعان بۇزۋشىلىقتارعا تالداۋ جاسالادى، ولاردى جويۋ بويىنشا ۇسىنىمدار ەنگىزىلەدى، پەداگوگيكالىق قىزمەتكەرلەردىڭ ۇسىنىس-پىكىرلەرى تىڭدالىپ، ادىستەمەلىك كومەكتەر كورسەتىلەدى.
دەپارتامەنتپەن باقىلاۋ ناتيجەلەرى بويىنشا وبلىستىق ءبىلىم باسقارماسىمەن، ءبىلىم بولىمدەرىنىڭ باسشىلارىمەن، ادىستەمەلىك كابينەت مەڭگەرۋشىلەرىمەن تۇراقتى تۇردە كەڭەستەر وتكىزىلىپ، انىقتالعان بۇزۋشىلىقتاردى جويۋ جانە باسقا دا ءبىلىم بەرۋ ۇيىمدارىنىڭ قىزمەتىندە بولدىرماۋ ماقساتىندا الدىن الۋ جۇمىستارىن جۇرگىزۋ بويىنشا ناقتى تاپسىرمالار بەرىلەدى.
جەرگىلىكتى اتقارۋشى ورگاندار تاراپىنان شەشۋدى قاجەت ەتەتىن ماسەلەلەر بويىنشا وبلىستىق ءبىلىم باسقارماسىنا، اۋداندار مەن تاراز قالاسى اكىمدەرىنە، وبلىس اكىمدىگىنە تالدامالىق حاتتار جولدانىپ، ۇسىنىمدار بەرىلەدى.
دەپارتامەنت قىزمەتىنىڭ اشىقتىعىن جانە اقپاراتتاردىڭ قولجەتىمدىلىگىن قامتاماسىز ەتۋ ماقساتىندا ءبىلىم بەرۋ ۇيىمدارىنا ءاقپاراتتىق-تۇسىندىرۋ جۇمىستارى تۇراقتى تۇردە ۇيىمداستىرىلادى.
ء-بىلىم بەرۋ ساپاسىنىڭ كورسەتكىشتەرىنىڭ ءبىرى – وقۋ جەتىستىكتەرىن سىرتتاي باعالاۋ ناتيجەلەرى ەكەندىگى بەلگىلى. 2019 جىلعى 16-24 ءساۋىر ارالىعىندا وقۋ جەتىستىكتەرىن سىرتتاي باعالاۋ وبلىستىڭ 56 جالپى ورتا ءبىلىم بەرەتىن مەكتەپتەرىندە وتكىزىلدى. باعالاۋعا 4، 9، 11 سىنىپتاردىڭ 8778 وقۋشىسى قاتىستى. باعالاۋ ناتيجەسى بويىنشا قالا مەكتەپتەرىمەن سالىستىرعاندا اۋىل مەكتەپتەرىنىڭ كورسەتكىشتەرى تومەن. 4 سىنىپتار بويىنشا 19 قالالىق، 36 اۋىلدىق مەكتەپتەر قاتىسقان. قالا مەكتەپتەرى 20،5 ورتاشا بالل كورسەتسە، اۋىل مەكتەپتەرى 18،5 كورسەتكەن، 2 باللعا تومەن. 9 سىنىپتار بويىنشا 20 قالالىق، 36 اۋىلدىق مەكتەپتەر قاتىسقان. قالا مەكتەپتەرى 47،2 ورتاشا بالل كورسەتسە، اۋىل مەكتەپتەرى 41،7 كورسەتكەن، 5،5 باللعا تومەن. 11 سىنىپتار بويىنشا 12 قالالىق، 25 اۋىلدىق مەكتەپتەر قاتىسقان. قالا مەكتەپتەرى 64،1 ورتاشا بالل كورسەتسە، اۋىل مەكتەپتەرى 59،1 كورسەتكەن، 5 باللعا تومەن.
سوندىقتان، مەملەكەت باسشىسىنىڭ جولداۋىنان تۋىندايتىن تاپسىرمالاردى ءتيىمدى جۇزەگە اسىرۋ، ونىڭ ىشىندە قالا مەن اۋىل مەكتەپتەرى اراسىنداعى ءبىلىم ساپاسىنىڭ الشاقتىعىن جويۋ ءۇشىن جەرگىلىكتى اتقارۋشى ورگاندار ورىن العان ماسەلەلەردى نازارعا الىپ، ناقتى شارالار قابىلداۋى قاجەت،-دەيدى دەپارتامەنت باسشىسى د.ۋسكۋمبايەۆا.
