جىل باسىنان بەرى جامبىلدىق وقۋشىلار رەسپۋبليكالىق جانە حالىقارالىق دەڭگەيدەگى وليمپيادالار مەن عىلىمي جوبا جارىستارىندا 132 مەدالعا يە بولدى. ناتيجەسىندە وڭىردەگى 10 مەكتەپ رەسپۋبليكاداعى «100 ۇزدىك مەكتەپتىڭ» قاتارىنا ەندى. دارىندى وقۋشىلارمەن بىرگە وبلىس ۇستازدارىنىڭ ءبىلىم سايىستارىندا قول جەتكىزگەن تولايىم تابىستارى دا ءبىر توبە، دەپ جازادى Qamshy.kz اقپارات اگەنتتىگى.
وتكەن وقۋ جىلىندا جامبىلدىق وقۋشىلاردىڭ رەسپۋبليكالىق جانە حالىقارالىق دەڭگەيدەگى وليمپيادالار مەن عىلىمي جوبا جارىستارىندا ولجالاعان جالپى مەدال جيىنتىعى 132 دانا بولسا ونىڭ 28ء-ى التىن مەدال. قالعان 35ء-ى كۇمىس، 69-ى قولانى قۇرايدى. سونداي-اق بيىل مەكتەپ بىتىرگەن 8813 تۇلەكتىڭ 317ء-ى «التىن بەلگى» ءتوس بەلگىسىنە يە بولسا، 242 وقۋشى «ۇزدىك اتتەستاتقا» قول جەتكىزدى. مەكتەپتى ءتامامداعان تۇلەكتەردىڭ 75،5 پايىزى جوعارى وقۋ ورىندارىنا تۇسكەن. وسىناۋ مول جەتىستىكتەرگە قول جەتكىزگەن جامبىلدىق وقۋشىلار رەسپۋبليكالىق «ۇلتتىق مەكتەپ ليگاسىندا» جالپى كوماندالىق ەسەپتە ءى ورىنعا يە بولعان.
شاكىرتتەرىن ءبىلىم نارىمەن سۋسىنداتىپ، ولاردىڭ تالانتىن تانىپ جۇرگەن جامبىلدىق ۇستازدار دا جەتىستىكتەردەن قۇر الاقان ەمەس. وتكەن وقۋ جىلىندا وبلىس مەكتەپتەرىندە ساباق بەرەتىن 1232 پەداگوگ رەسپۋبليكالىق، حالىقارالىق بايقاۋلار مەن قاشىقتىق وليمپيادالارىندا ۇزدىك شىقتى. سونىمەن قاتار جاقىندا عانا «ۇزدىك پەداگوگ – 2019» رەسپۋبليكالىق كونكۋرسىنان 4 جامبىلدىق ۇستاز جەڭىس تۇعىرىنان كورىندى. اتاپ ايتساق جامبىل اۋدانى ب.بەسبايەۆ اتىنداعى مەكتەپ-گيمنازياسىنىڭ ورىس ءتىلى مەن ادەبيەت ءپانىنىڭ ءمۇعالىمى ايگۇل قالماحانوۆا، بايزاق اۋدانى عاني مۇراتبايەۆ اتىنداعى گيمنازيانىڭ قازاق ءتىلى مەن ادەبيەت ءپانىنىڭ ءمۇعالىمى باقىت كۇدەرييەۆا، ەرەكشە دارىندى بالالارعا ارنالعان مامانداندىرىلعان "دارىن" مەكتەپ-ينتەرناتىنىڭ ماتەماتيكا ءپانى ءمۇعالىمى مۇحتار تالقانبايەۆ، قۇلان اگروتەحنيكالىق كوللەدجىنىڭ ۆەتەرينارلىق وقىتۋشىسى ەركەبۇلان ەرتايەۆتار ۇزدىك ۇستازداردىڭ تىزىمىنەن تابىلدى.
ال جاقىندا 5 جامبىلدىق ۇستازعا قازاقستان رەسپۋبليكاسى پرەزيدەنتى قاسىم-جومارت توقايەۆتىڭ العىس حاتىنا يە بولدى. بۇل مارتەبەلى ماراپات سالاعا 30 جىلدان استام ەڭبەك سىڭىرگەن بىلىكتى پەداگوگتەرگە بۇيىردى.
تاياۋ بولاشاقتا مەملەكەت باسشىنىڭ قازاقستان حالقىنا جولداۋىنا ساي اۋىل مەكتەبى مەن قالا مەكتەپتەرى اراسىنداعى ايىرماشىلىقتى جويۋ ارقىلى اۋىلدىق ورەندەردىڭ دە ءبىلىم باسىندە جوعارى جەتىستىكتەرگە قول جەتكىزەدى.
