جامبىل وبلىسى اۋماعىندا ەنزووتيالىق اۋرۋلارعا قارسى كۇرەس قارقىندى جۇرۋدە. بۇل ماقساتتا ايماقتا 388 ملن تەڭگە ءبولىنىپ، ءمۇيىزدى ءىرى قارا مالىنىڭ تەيلەريوز اۋرۋىنا، جىلقىنىڭ ساقاۋىنا جانە اۋىل شارۋاشىلىعى مالدارىنىڭ سالمونەللەز اۋىرۋىنا قارسى ەگىلەتىن ۆاكسينالارى الىنىپ، الدىن الۋ جۇمىستارى جوسپارعا سايكەس جۇرگىزىلۋدە.

وبلىس كولەمىندە ازىق-تۇلىك ونىمدەرىنىڭ قاۋىپسىزدىگىن قامتاماسىز ەتۋدى باقىلاۋ جانە قاداعالاۋ جۇمىستارى جۇرگىزىلۋدە. وڭىردە 14 ستاسيونارلىق، 4 جىلجىمالى ۆەتەريناريالىق-سانيتاريالىق لابوراتوريا جۇمىس اتقارۋدا.

وبلىس بويىنشا مال ولەكسەلەرىن زالالسىزداندىراتىن 41 بيوتەرميالىق شۇڭقىر جانە مال ولەكسەلەرىن ورتەيتىن 16 ستاسيونارلى، 5 جىلجىمالى بارلىعى 21 ينسينەراتور ىسكە قوسىلعان.

وبلىستاعى بارلىق ۆەتەريناريالىق نىساندار ۆەتەريناريا بولىمدەرىمەن باقىلاۋعا الىنعان. ۆەتەريناريالىق زاڭناما تالاپتارى بۇزعىلعان جاعدايدا اكىمشىلىك قۇقىق بۇزۋشىلىق كودەكىسىنىڭ 406 بابىمەن ايىپپۇل سالىنادى. وسى رەتتە، 2019 جىلدىڭ 9 ايىندا زاڭدى جانە جەكە تۇلعالارعا 8 ملن. 509 مىڭ 748 تەڭگە ايىپپۇل سالىنىپ، ۆەتەريناريالىق-سانيتاريالىق تالاپتاردى ورىنداۋ ءۇشىن 1186 نۇسقاما بەرىلگەن.

ءسىبىر جاراسى كومىندىلەرىنىڭ كاداسترى بويىنشا وبلىس اۋماعىندا 189 ءسىبىر جاراسى وشاعى بەلگىلەنگەن. بارلىق وشاقتار سانيتاريالىق-ەپيدەميولوگيالىق تالاپتارعا سايكەستەندىرىلىپ، تۇراقتى جەر پايدالانۋ قۇقىعىن بەرەتىن اكتىسى الىنىپ، ءبىرىڭعاي اۆتوماتتاندىرىلعان اقپاراتتىق جۇيەگە ەنگىزىلگەن.

سونىمەن قاتار، ايماقتا اۋىل شارۋاشىلىق جانۋارلارىن بىردەيلەندىرۋ جۇمىستارى دا جۇرگىزىلۋدە. بۇل ماقساتتا ق ر اۋىل شارۋاشىلىعى مينيسترلىگىنەن وبلىسقا بولىنگەن 188 388 دانا ءمۇيىزدى ءىرى قارا مالدىڭ، 1629954 دانا قوي-ەشكىنىڭ قۇلاق جاپسىرمالارى اۋداندارعا تاراتىلدى.

اۋىلدىق وكرۋگتەردە 160 ۆەتەريناريالىق پۋنكتتەر قۇرىلعان، ونىڭ 75ء-ى 2018 جىلى قىزمەتتىك ۇي-جايمەن قامتاماسىز ەتىلدى. 2019 جىلى 48 ۆەتەريناريالىق پۋنكتتەرگە قىزمەتتىك ۇي-جايمەن قامتاماسىز ەتۋ جوسپارلانعان. قالعان 37 ۆەتەريناريالىق پۋنكتتەردى قىزمەتتىك ۇي-جايمەن قامتاماسىز ەتۋ 2020 جىلعا جوسپارلاندى. ەلدى مەكەندەردى مالعا دارى-دارمەك ەگۋگە، قان سىنامالارىن الۋعا ارنالعان الاڭدارمەن جانە ءىرى قارا مالداردى ەكتوپارازيتتەرگە قارسى دارىلەۋگە ارنالعان دۋشتارمەن قامتۋ جۇمىستارى جۇرگىزىلۋدە.

اعىمداعى جىلى 9 ۋاق مالدارداردى كەنەگە قارسى شومىلدىراتىن مال توعىتپالارىمەن قامتۋ جوسپارلانعان، جىل سوڭىنا دەيىن قامتاماسىز ەتىلىپ بارلىعى 152 نىسان بولادى.