جامبىل وبلىسىنىڭ توتەنشە جاعدايلار دەپارتامەنتىنىڭ باستاماسىمەن تاراز قالاسى تۇرعىندارىنىڭ ازاماتتىق قورعاۋ ورگاندارىنىڭ قىزمەتى تۋرالى اقپاراتتاندىرىلۋىن جانە حالىقپەن ءوزارا ءىس-قيمىلدى ارتتىرۋ ماقساتىندا «جولداعى قابىلداۋ» رەسپۋبليكالىق اكسياسى ۇيىمداستىرىلدى. اكسيا اعىمداعى جىلعى تاراز قالاسىنداعى «جەڭىس» قالالىق ساياباعىنىڭ اۋماعىندا توتەنشە جاعدايلار دەپارتامەنتى باستىعى، ازاماتتىق قورعاۋ پولكوۆنيگى باعدات دانيلوۆتىڭ باسشىلىعىمەن ءوتتى.
اكسيا بارىسىندا قالا تۇرعىندارى مەن قوناقتارىنا ءورت قاۋىپسىزدىگى، ازاماتتىق قورعانىس، ءورت ءسوندىرۋ قىزمەتى سالاسىنداعى ماسەلەلەر بويىنشا تۇسىنىكتەمەلەر بەرىلدى. سونداي-اق ازاماتتىق قورعاۋ ورگاندارىنا قىزمەتكە كىرۋ ەرەجەلەرى ءتۇسىندىرىلدى.
نەگىزىنەن تۇرعىنداردى ءورت سوندىرۋشىلەردىڭ ءورت شىعۋ ورنىنا سۋسىز كەلۋ، ازاماتتىق قورعاۋ ورگاندارىنا قىزمەتكە كىرۋ، كاسىپكەرلىك قىزمەتتى جۇرگىزۋ ماسەلەلەرى بويىنشا ازاماتتىق قورعاۋ ورگاندارىنان قورىتىندى الۋ قىزىقتىردى. سونىمەن قاتار، اتتراكسيوندار مەن باتۋتتارداعى قاۋىپسىزدىك ءۇشىن جاۋاپكەرشىلىك، ازاماتتىق قورعانىس قىزمەتى جايلى جانە وزگە دە قوعامدىق جانە قالا تۇرعىندارى ءۇشىن ماڭىزى اسا زور سۇراقتار قويىلدى.
ستۋدەنتتەر مەن مەكتەپ وقۋشىلارىن قازاقستان رەسپۋبليكاسى ىشكى ىستەر مينيسترلىگىنىڭ ۆەدومستۆولىق جوعارى وقۋ ورنىنا وقۋعا جانە ءورت سوندىرۋشىلەر مەن قۇتقارۋشىلار قاتارىنا وقۋعا ءتۇسۋ ماسەلەلەرى قىزىقتىردى. كادر ساياساتى ءبولىمىنىڭ قىزمەتكەرلەرى قازاقستان رەسپۋبليكاسى ىشكى ىستەر مينيسترلىگىنىڭ توتەنشە جاعدايلار كوميتەتى كوكشەتاۋ تەحنيكالىق ينستيتۋتىنا وقۋعا ءتۇسۋ بويىنشا تۇسىنىك بەرىپ، كورنەكىلىك بروشيۋرالار تاراتىلدى، ءورت ءسوندىرۋ جانە اۆاريالىق – قۇتقارۋ جۇمىستارى قىزمەتىنە جۇمىسقا قابىلداۋ ەرەجەلەرى ءتۇسىندىرىلدى.
اكسياعا قاتىسقان م. ح. دۋلاتي اتىنداعى تاراز مەملەكەتتىك ۋنيۆەرسيتەتىنىڭ «تىرشىلىك ارەكەتىنىڭ قاۋىپسىزدىگى جانە قورشاعان ورتانى قورعاۋ» كافەدراسىنىڭ مەڭگەرۋشىسى دەپارتامەنت باستىعىنا ءوز ارىپتەستەرىن ولاردىڭ كافەدرالارىنا ارنايى باعىتتالعان پاندەردى وقىتۋ ءۇشىن جىبەرۋدى ۇسىندى.
مۇنداي ءىس-شارالار حالىقپەن جۇمىس جاساۋدا حالىققا ازاماتتىق قورعاۋ ورگاندارىنىڭ قىزمەتى تۋرالى جەتكىزۋ، توتەنشە جاعدايلار دەپارتامەنتىنىڭ كورسەتەتىن قىزمەتتەرى تۋرالى ساۋاتتىلىق دەڭگەيىن كوتەرۋ، سونىمەن بىرگە، جالپى ازاماتتىق قورعاۋ ورگاندارى جۇيەسىن وڭ باعالاۋعا ىقپال ەتەدى.
پىكىر قالدىرۋ