جامبىل وبلىسى اكىمدىگىنىڭ مادەنيەت، ارحيۆتەر جانە قۇجاتتاما باسقارماسى وبلىستىق حالىق شىعارماشىلىعى ورتالىعىنىڭ ۇيىمداستىرۋىمەن وبلىستىق «Taraz سيمفونياسى» ونەر فەستيۆالىنىڭ گالا كونسەرتى ءوتتى. ك.ازىربايەۆ اتىنداعى «بالاساعۇن» ورتالىق كونسەرت زالىندا وتكەن شارانى شاھار تۇرعىندارى ىستىق ىقلاسپەن قابىل الدى.

«رۋحاني جاڭعىرۋ» باعدارلاماسى اياسىندا ۇيىمداستىرىلعان وسىناۋ ايتۋلى ءىس-شارانى وتكىزۋدەگى باستى ماقسات – وبلىس اۋماعىندا كلاسسيكا، دجاز، رومانس جانرلارىن دامىتۋ، شىعارماشىلىق دەڭگەيىن كوتەرۋ جانە ونەرلى، دارىندى ورىنداۋشىلاردىڭ شىعارماشىلىق تۇرعىدا جەتىلۋىنە جاعداي جاساۋ بولاتىن.

شارانى جامبىل وبلىسى اكىمىنىڭ ورىنباسارى سۇلۋشاش قۇرمانبەكوۆا اشىپ بەردى. بايقاۋعا قاتىسۋشىلارعا ساتتىلىك تىلەگەن ايماق باسشىسىنىڭ ورىنباسارى ءوز سوزىندە وڭىردەن شىققان جاس تالانتتاردىڭ كوپەتەپ تانىلۋىنا جاعداي جاساي وتىرىپ، مادەنيەتىمىزدىڭ، ۇلتتىق ونەرمىزدىڭ وركەندەۋىنە ىقپال ەتۋىمىز كەرەكتىگىن تىلگە تيەك ەتتى.

ەڭ ءبىرىنشى مۇقاعالي ماقاتايەۆتىڭ سوزىنە جازىلعان نۇرلان بايكوزوۆتىڭ ءانى «اداسقان شاعالا» ءانىن قورداي اۋدانىنىڭ ونەرپازى ايداي جاناي شىرقادى. بارلىق اندەردى وڭتۇستىك سيرك ۇجىمىنىڭ «ح-Band» ەسترادالىق-دجاز وركەسترى سۇيەمەلدەدى. گالا-كونسەرتتە قاتىسۋشىلاردىڭ ءارقايسىسىن مادەنيەت سالاسىندا ەلەۋلى ەڭبەك ەتىپ جۇرگەن ءبىرقاتار تۇلعالار ماراپاتتادى. اتاپ ايتقاندا، قازاقستان رەسپۋبليكاسىنىڭ مادەنيەت سالاسىنىڭ ۇزدىگى اۋەسحان سالابەكوۆ، قازاقستان رەسپۋبليكاسى مادەنيەت سالاسىنىڭ ۇزدىگى، اقىن ءۇمىت بيتەنوۆا، قازاقستان رەسپۋبليكاسىنىڭ ەڭبەك سىڭىرگەن قايراتكەرى مۇحتار راحمانقۇلوۆ، قازاقستان رەسپۋبليكاسىنىڭ مادەنيەت سالاسىنىڭ ۇزدىگى، انشى-كومپوزيتور جاندوس وماروۆ، اكتەر، كومپوزيتور مالىك اقۇرپەكوۆ ت.ب بار.

كونسەرتتە «ءۇش باقىتىم»، «تارانتەللا»، «اجارلىم»، «SWAY»، «وت ۆسەگو سەردسا»، «زازدراۆنايا رومانس»، «Mariage d amour»، «توككاتا»، «ي سنوۆا كارناۆال»، «بالالىق شاقپەن قوشتاسۋ»، «ەركەتايىم»، «ەل، جەر - انا»، «ءوز ەلىم» اندەرى مەن ن.بايكوزوۆتىڭ «شولپان اتاعا حات»، حالىق ءانى «قىزدار-اي»، «باللادا و ليۋبۆي»، «الماتىم»، «عاشىقتار مۇڭى»، «كەربەزىم»، «ساعىنىش تامشىسى»، «شاتتانايىق» سەكىلدى ءبىرقاتار كومپوزيتورلىق شىعارمالارى ورىندالدى.

گالا-كونسەرت سوڭىندا قازاق ەستراداسىنىڭ جۇلدىزى جۇبانىش جەكسەن ۇلى «ءوز ەلىم» مويىنقۇم اۋدانىنىڭ ونەرپازى باعلان شۋبايەۆپەن بىرگە ورىندادى. شارا سوڭىندا جامبىل وبلىسى اكىمىنىڭ ىقىلاس گ ۇلى تابىس ەتىلدى.