ەلوردادا الماتى اۋدانى اكىمىنىڭ ورىنباسارى پارا العانى ءۇشىن سوتتالدى، دەپ Qamshy.kz اقپارات اگەنتتىگى حابارلايدى، ق ر سىبايلاس جەمقورلىققا قارسى ءىس-قيمىل اگەنتتىگىنە سىلتەمە جاساپ.
نۇر-سۇلتان قالاسىنىڭ سىبايلاس جەمقورلىققا قارسى قىزمەتى قالاداعى الماتى اۋدانى اكىمىنىڭ بۇرىنعى ورىنباسارى ت.م. تىلەۋوۆ پەن «لاين گرۋپپ» ج ش س جانە "اقجايىق ەنەرگو" ج ش س ديرەكتورى ب.ك. ابدييەۆكە قاتىستى سوتقا دەيىنگى تەرگەۋدى اياقتادى.
"ت.تىلەۋوۆ الماتى اۋدانىن جارىقتاندىرۋعا قىزمەت كورسەتۋ بويىنشا مەملەكەتتىك ساتىپ الۋ تۋرالى شارتتا ورىندالعان جۇمىستار اكتىلەرىنە قول قويعانى ءۇشىن، سونداي-اق جالپى قامقورلىعى ءۇشىن ب.ابدييەۆتەن 5 ملن تەڭگە سوماسىندا پارا الدى دەگەن كۇدىككە ءىلىندى"، – دەلىنگەن حابارلامادا.
ەسىل اۋدانىنىڭ №2 اۋداندىق سوتىنىڭ ۇكىمىمەن ت.تىلەۋوۆ پارا العانى ءۇشىن كىنالى دەپ تانىلىپ، وعان 3 جىل مەرزىمگە باس بوستاندىعىنان ايىرۋ جانە مەملەكەتتىك قىزمەتتە لاۋازىمدى قىزمەتپەن اينالىسۋ قۇقىعىنان ءومىر بويىنا ايىرۋ جازاسى تاعايىندالدى. وسى ۇكىممەن ب.ابدييەۆ پارا بەرگەنى ءۇشىن سوتتالدى جانە وعان 71 ملن تەڭگە كولەمىندە ايىپپۇل سالىندى.
پىكىر قالدىرۋ