ۇدەمەلى يندۋستريالدى-يننوۆاسيالىق دامىتۋ باعدارلاماسى اياسىندا جامبىل وبلىسىنداعى قاراتاۋ قالاسىنىڭ ماڭىنان ناتريي ءسيانيدى زاۋىتىنىڭ قۇرىلىسىن قولعا العان «Talas Investment Company» جاۋاپكەرشىلىگى شەكتەۋلى سەرىكتەستىگى از ۋاقىتتىڭ ىشىندە-اق اياققا نىق تۇرىپ، دامۋدىڭ داڭعىل جولىنا ءتۇستى. ناقتى 2017 جىلى قۇنى 3،7 ميلليارد تەڭگە بولاتىن 5700 توننا ناتريي ءسيانيدى مەن 1331 توننا اممونيي سۋلفاتى ءوندىرىلدى. ال 2018 جىلدىڭ قورىتىندىسى بويىنشا ءوندىرىس كورسەتكىشتەرى 1،5 ەسەگە ءوستى، ياعني 6،2 ميلليارد تەڭگەدەن استام سومانى قۇرايتىن 8023 توننا ناتريي ءسيانيدى مەن 2259 توننا اممونيي سۋلفاتى ءوندىرىلدى. قابىلدانعان بيۋدجەتكە سايكەس بيىل ءوندىرىستىڭ جوبالىق قۋاتىن 15 مىڭ توننا ناتريي سيانيدىنە جانە 5000 توننا اممونيي سۋلفاتىنا جەتكىزۋ كوزدەلىپ وتىر. بيىلعى جىلدىڭ ناۋرىز ايىندا ناتريي ءسيانيدى ءوندىرىسىنىڭ كورسەتكىشى جوبالىق قۋاتتىلىقتىڭ ورتاشا ايلىق ەسەپتىك كورسەتكىشىنە جەتكەنىن ايتىپ وتكەن ءجون.

كومپانياداعى ونەركاسىپتىك-وندىرىستىك پەرسونالدىڭ سانى 2019 جىلدىڭ 1 ساۋىرىندە 552 ادامدى قۇرادى. ونىڭ ىشىندە 108 ادام اكىمشىلىك قىزمەتكەرلەرى. جالپى جۇمىسشىلاردىڭ 124ء-ى – ايەل ازاماتتار. كومپانيا جۇمىسشىلارىنىڭ ورتاشا جاسى 30 بەن 40 جاستىڭ اراسىن كورسەتىپ وتىر. ال 2019 جىلدىڭ اقپان ايىنداعى جۇمىسشىلاردىڭ ورتاشا جالاقىسى 116350 تەڭگە بولدى، سونداي-اق وندىرىستىك عيماراتتارداعى ەدەن جۋۋشى جۇمىسشىسىنىڭ ەڭ تومەنگى جالاقىسى 49273 تەڭگەنى قۇرادى. اي سايىنعى وندىرىستىك كورسەتكىشتەردەگى جەتىستىكتەرگە ساي نەگىزگى وندىرىستىك بولىمشەلەر جۇمىسشىلارىنا سىياقىلار قاراستىرىلعان.

بارشاعا بەلگىلى، زاۋىت جۇمىسى ەندى قارقىن الىپ كەلەدى. دەسە دە، كومپانيا باسشىلىعى جۇمىس جاعدايى زياندى كاسىپورىندارعا قويىلاتىن زاڭناما تالاپتارىن بۇلجىتپاي ورىنداۋدا. قازىرگى ۋاقىتتا كاسىپورىننىڭ قىزمەتكەرلەرى ارنايى كيىممەن، جەكە قورعانىس قۇرالدارىمەن، زاۋىت ەسەبىنەن بەرىلەتىن، قۇرامىنا ءسۇت ونىمدەرى كىرەتىن كۇندەلىكتى پروفيليكتيكالىق تاماقپەن قامتىلعان. سونىمەن قاتار، جۇمىس كەستەسىنە سايكەس قىزمەتكەرلەردى زاۋىتقا جانە كەرى تاسىمالداۋ ءۇشىن اۆتوبۋستار قاراستىرىلعان. تەحنيكا قاۋىپسىزدىگىنىڭ بارلىق امالدارى دا ساقتالۋدا.

جۇمىسشىلارعا ماتەريالدىق كومەك كورسەتۋ، سىياقىلار مەن مەرەكەلىك كۇندەرگە وراي تولەنەتىن تولەمدەر سەكىلدى ۇجىمدىق شارت بويىنشا قابىلدانعان بارلىق مىندەتتەر ورىندالۋدا. بۇدان بولەك، كومپانيا قاراتاۋ قالاسىندا تۇراتىن از قامتىلعان جانە كوپبالالى وتباسىلارعا قايىرىمدىلىق كومەك كورسەتۋدە بەلسەندىلىك تانىتىپ كەلەدى. بۇگىنگى تاڭدا از قامتىلعان وتباسىنان شىققان ستۋدەنت كومپانيا دەمەۋشىلىگىمەن جوعارى وقۋ ورنىندا ءبىلىم الۋدا.