ەلباسى ن.ءا.نازاربايەۆ «بولاشاققا باعدار: رۋحاني جاڭعىرۋ» اتتى ماقالاسىندا قازاقستاننىڭ ءۇشىنشى جاڭعىرۋى باستالعانىن ايتا كەلە: «ءبىزدىڭ ماقساتىمىز ايقىن، باعىتىمىز بەلگىلى، ول - الەمدەگى ەڭ دامىعان 30 ەلدىڭ قاتارىنا قوسىلۋ»، - دەپ اتاپ كورسەتكەن بولاتىن. بۇل تۇرعىدا سيفرلىق تەحنولوگيانىڭ مۇمكىندىكتەرىن مپايدالانۋدىڭ دا ماڭىزى زور. وسى ورايدا 2017-2020 جىلدارعا ارنالعان «سيفرلى قازاقستان» مەملەكەتتىك باعدارلاماسى قابىلدانىپ، جۇزەگە اسۋدا. قۇندى قۇجاتتا سيفرلىق جىبەك جولىن ىسكە اسىرۋ، جاسامپاز قوعامدى دامىتۋ، ەكونوميكا سالاسىنداعى سيفرلىق قايتا وزگەرتۋ، الدىن الا بەلسەندى مەملەكەتكە كوشۋ سىندى قاداۋ-قاداۋ مىندەتتەر بەلگىلەنگەن.

بۇگىندە م.ح.دۋلاتي اتىنداعى تاراز مەملەكەتتىك ۋنيۆەرسيتەتىندە باعدارلامانى جۇزەگە اسىرۋ باعىتىندا ءبىرقاتار جۇمىستار اتقارىلۋدا. وقۋ ورداسىنداعى «اقپاراتتىق جۇيەلەر» كافەدراسىنىڭ ۇجىمى سيفرلاندىرۋ ۇدەرىسىن جەدەلدەتۋ باعىتىندا بىلىكتى جانە ساپالى ماماندار دايىنداۋ جولىندا ايانباي ەڭبەك ەتىپ كەلەدى. قازىرگى كومپيۋتەرلىك تەحنولوگيالار وتە زور جىلدامدىقپەن دامۋدا. زامان اعىمىنان كەيىن قالماۋ ءۇشىن ماماندار جاڭا تەحنولوگيالاردى جەتىك مەڭگەرۋى ءتيىس. وسى ماقساتتاردى جۇزەگە اسىرۋ ءۇشىن كافەدرا جانىنان جاڭا زاماناۋي زەرتحانا اشىلىپ، كوپتەگەن كومپيۋتەرلىك جاڭا تەحنولوگيالارمەن تولىقتىرىلۋدا. ال زەرتحانا جۇمىسىنپ عالىم، فيزيكا-ماتەماتيكا عىلىمدارىنىڭ كانديداتى ع.التىبايەۆ جەتەكشىلىك ەتۋدە.

-بۇگىندە وقىتۋ باعدارلامالارىنا قازىرگى كەزدە كەڭ تاراعان GPS-ارالىقتى، ۋاقىتتى جانە ورنالاسۋ نۇكتەسىن انىقتاۋعا ارنالعان ناۆيگاسيانىڭ جەرسەرىكتىك جۇيەسى ەنگىزىلدى. GPS جەردىڭ كەز كەلگەن جەرىندە، كەز كەلگەن اۋا-رايىندا، سونىمەن قاتار عالامشاردىڭ عارىشتىق ايماعىندا نىساننىڭ ورنى مەن ءجۇرۋ جىلدامدىعىن انىقتاپ بەرە الادى. العاش رەت بۇل جۇيەنى اقش قورعانىس مينيسترلىگى جاساعان. سيستەمانى قولدانۋدىڭ نەگىزگى ءپرينسىپى - مەكەنجايدى، ۋاقىتتى ولشەۋ باعىتى مەن سينحروندى قابىلداۋلار ارقىلى سپۋتنيكتىك ناۆيگاسيالىق انتەننالار ارقىلى تابۋ. بۇل جۇيەنى قازاقستاننىڭ ۇلكەن قالالارىنداعى جولاۋشىلار تاسىمالداۋ اۆتوبۋستارىنا ەنگىزدى جانە ساتىلىمعا ءتۇسىپ جاتقان اۆتو كولىكتەرگە ورناتىلىپ جاتقاندىقتارى بەلگىلى.

قازاقستاننىڭ ءۇشىنشى جاڭعىرتىلۋىن جۇزەگە اسىرۋ ەسەبىنىڭ ءبىرىنشى باسىمدىلىعى سيفرلىق تەحنولوگيانى قولدانا وتىرىپ، ەكونوميكانى جەدەلدەتىلگەن تەحنولوگيالىق جاڭعىرتۋ بولىپ تابىلاتىندىعىن ەلباسىمىز ايتىپ ءوتتى. سوندىقتان سيفرلىق يندۋستريانى دامىتۋ بارلىق باسقا سالالاردىڭ جىلدام دامۋىن قامتاماسىز ەتەتىندىگى ايقىن. ءبىز سيفرلىق تەحنولوگيانى قولدانۋ ارقىلى قۇرىلاتىن جاڭا يندۋستريالاردى وركەندەتۋگە ءتيىسپىز. بۇل – ماڭىزدى كەشەندى مىندەت،-دەيدى م.ح.دۋلاتي اتىنداعى تارمۋ «اقپاراتتىق جۇيەلەر» كافەدراسىنىڭ اعا وقىتۋشىسى ل.ابدىكەريموۆا.