ەلباسى ن.نازاربايەۆتىڭ تاۋەلسىز ەلىمىزدى قالىپتاستىرۋ مەن دامىتۋداعى ەڭبەگى ۇشان-تەڭىز. تۇڭعىش پرەزيدەنت ەكونوميكادا كوپتەگەن بەتبۇرىستار جاساپ، رەفورمالىق باعدارلامالاردى جۇزەگە اسىردى. مۇنىڭ ءبارى حالىقتىڭ الەۋمەتتىك جاعدايىنىڭ وڭالۋى ءۇشىن قولعا الىنعان ۇلكەن شارۋالارمەن استاسىپ جاتىر.

سولاردىڭ ءبىرى كەزىندە ءوندىرىسى قارقىن الىپ، تاۋەلسىزدىكتىڭ العاشقى قيىن شاعىندا توقىراۋدى باستان كەشىرگەن شاعىن قالالاردىڭ قايتا ەڭسە تىكتەۋىنە ۇلكەن جاناشىرلىقپەن قارايلاسقانى جان قۋانتادى. ماسەلەن، ءبىر عانا «مونوقالالاردى دامىتۋدىڭ 2012-2020 جىلدارعا ارنالعان مەملەكەتتىك باعدارلاماسى» اياسىندا جامبىل وبلىسىنداعى جاڭاتاس قالاسىندا كوپتەگەن ءارى ناتيجەلى جۇمىستار اتقارىلدى.

«قازاگرو» ۇلتتىق باسقارۋشى حولدينگى» اق ەنشىلەس كومپانياسى – «اۋىل شارۋاشىلىعىن قارجىلاي قولداۋ قورى» اق ارقىلى اتالعان باعدارلاما بويىنشا مونوقالالار تۇرعىندارىن جۇمىسپەن قامتۋدىڭ ءتيىمدى قۇرىلىمىن قۇرۋ ءۇشىن، ەكونوميكانى ءارتاراپتاندىرۋ، شاعىن جانە ورتا بيزنەستى دامىتۋ ماقساتىندا رەسپۋبليكالىق بيۋجەتتەن قىرۋار قاراجات ءبولىندى.

باعدارلاما اياسىندا جاڭاتاس قالاسى بويىنشا 9 بيۋدجەتتىك ينۆەستيسيالىق جوبا انىقتالىپ، 2012 جىلى 82،9 ميلليون تەڭگە بولىنسە، كەلەسى جىلى بۇدان كوپ قارجى قاراستىرىلدى. ياعني 2013 جىلى جاڭاتاس قالاسىن كورىكتەندىرىپ، سۋلاندىرۋ، ىشكى كۆارتالداردىڭ جىلۋ جۇيەسىن قايتا جاڭعىرتۋ، كاسىپكەرلىكتىڭ ءورىسىن اشۋعا ارنالعان نەسيە بەرۋ، بۇزىلعان كوپقاباتتى تۇرعىن ۇيلەردىڭ ورنىن تازالاۋ باعىتىندا 660،6 ميلليون تەڭگە ءبولىنىپ، ءبىراز جۇمىس اتقارىلدى. جالپى، باعدارلاما جاڭاتاس قالاسىندا جۇزەگە اسقان 2012-2015 جىلدارى ارالىعىندا قالانىڭ الەۋمەتتىك-ەكونوميكالىق دامۋى ءۇشىن بارلىعى 2 ميلليارد 151،8 ميلليون تەڭگە ءبولىندى.

بۇل، ارينە اتقارىلعان جۇمىستاردىڭ ءبىر پاراسى عانا. قازىرگى تاڭدا كەنشىلەر شاھارى كۇننەن كۇنگە كوركەيىپ، جىلدان جىلعا جاسارىپ كەلەدى. ءوزىنىڭ جارتى عاسىرلىق بەلەسىندە قۇلپىرۋ، قۇلدىراۋ، قايتا ورلەۋ سىندى كەزەڭدەردى باستان وتكەرگەن شاعىن قالانىڭ بولاشاعى جارقىن، كەلەشەگى كەمەل. قازىرگى تاڭدا مەملەكەتتىك باعدارلامالاردىڭ ارقاسىندا كاسىپكەرلىكتىڭ كوكجيەگى كەڭەيىپ، الەۋمەتتىڭ الەۋەتى ارتۋدا. جاڭا جۇمىس ورىندارى كوبەيىپ، جۇرتشىلىقتىڭ دا ەرتەڭگە دەگەن سەنىمى نىعايا تۇسۋدە.