شاعىن جانە ورتا بيزنەستى دامىتۋ-مەملەكەتتىك ساياساتتىڭ باعىتى. بۇل تۇرعىدا مەملەكەت باسشىسى قاسىم-جومارت توقايەۆ سالاعا سەرپىلىس سىيلايتىن تىڭ مىندەتتەر جۇكتەپ وتىر. وسى ورايدا جامبىل وبلىسىندا مەملەكەتتىك باعدارلامالاردىڭ ارقاسىندا جۇمىسىن جولعا قويعان ءوندىرىس وشاقتارى الەۋمەتتىڭ الەۋەتىن ارتتىرۋعا دا اتسالىسۋدا. سولاردىڭ ءبىرى-«Talas Investment Company» جاۋاپكەرشىلىگى شەكتەۋلى سەرىكتەستىگى.
ايتا كەتۋ كەرەك، كومپانيا جۇمىسقا قابىلدانعان قىزمەتكەرلەردى باسپانامەن قامتۋ ءۇشىن تالاس اۋدانىنىڭ ورتالىعى-قاراتاۋ قالاسىنان 5 قاباتتى، 2 كىرەبەرىستى تۇرعىن ءۇي ساتىپ الىپ، پايدالانۋعا بەردى.
پايدا بولعان بوس جۇمىس ورىندارىن قامتاماسىز ەتۋ تالاس اۋدانى اكىمدىگىنىڭ جۇمىسپەن قامتۋ جانە الەۋمەتتىك باعدارلامالار بولىمىمەن بىرلەسكەن جۇمىستار ارقاسىندا جۇزەگە اسۋدا.
بۇدان بولەك سەرىكتەستىك تاراپىنان 2015 جىلدان باستاپ مەملەكەت بيۋدجەتىنە 683،8 ميلليون تەڭگەدەن استام قاراجات سالىقتىق اۋدارىمدار ەسەبىندە تولەندى.
كومپانيا 2019 جىلدىڭ كولەمىندە تولىق جوبالىق قۋات كورسەتكىشىنە شىعۋدى جوسپارلاپ وتىر. بۇعان باسقارۋ جۇيەسىن اۆتوماتتاندىرۋ جۇمىستارى ەسەبىنەن قول جەتكىزىلمەك. سونىمەن قاتار، 2019-2022 جىلدارى «ناتريي ءسيانيدىن ءوندىرۋ قۋاتتىلىعىن جىلىنا 30 مىڭ تونناعا دەيىن جەتكىزۋ ءۇشىن زاۋىتتىڭ ەكىنشى كەزەڭىنىڭ قۇرىلىسىن جۇرگىزۋ» جوباسى ارقىلى جىلدىق قۋاتتىلىعىن ارتتىرۋ شارالارىن جۇرگىزۋ جوسپارلانىپ وتىر.
التىن ءوندىرۋ كولەمىن جىل ساناپ ارتتىرۋ باعىتىنداعى مەملەكەتتىك ساياسات قازاقستاندىق كومپانيالار تاراپىنان ناتريي سيانيدىنە سۇرانىستىڭ وسۋىنە وڭ ىقپال ەتۋدە. ال ءوز كەزەگىندە ناتريي ءسيانيدى التىن ءوندىرىسىنىڭ كولەمىن ارتتىرۋدىڭ نەگىزگى حيميالىق قوسپا سانالادى. وعان قوسا قىتايدىڭ سينسزيان-ۇيعىر اۆتونوميالىق اۋدانىندا قالىپتاسقان جاعدايعا بايلانىستى قىتايلىق ناتريي ءسيانيدى كومپانيالارى سوندا باعىتتالۋىنان تاجىكستان، قىرعىزستاننىڭ التىن وندىرۋشىلەرى تاراپىنان ءدال وسى حيميالىق قوسپاعا سۇرانىس ارتىپ، ەكسپورتتاعى قاجەتتىلىك ۇلعايا ءتۇستى. ماسەلەن قىتايدىڭ سينسزيان-ۇيعىر اۆتونوميالىق اۋدانىندا 120 مىڭ توننا ناتريي ءسيانيدىن وندىرۋگە قابىلەتتى زاۋىت بولدى. بۇل ءوندىرىس وشاعى رەسەي-قازاقستان نارىعىنا نەگىزگى باسەكەلەس سانالدى. سوڭعى 1،5 جىل ىشىندە ناتريي ءسيانيدىنىڭ باعاسى 30 پايىزدان دا كوپ ءوستى. قازىرگى تاڭدا 1 توننا ناتريي ءسيانيدىن ساتىپ الۋ بويىنشا كەلىسىمشارتتىڭ قۇنى 2500-2800 دوللاردى قۇرايدى.
پىكىر قالدىرۋ