1 قازاندا مۇلىك، جەر، كولىك، سالىعىن تولەۋ مەرزىمى اياقتالعان بولاتىن. بەلگىلى بولعانداي پارلامەنت ءماجىلىسى دەپۋتاتتارىنىڭ تورتتەن ءبىرى سالىقتى ۋاقىتىلى تولەمەگەن. بۇنداي اقپاراتپەن جۋرناليست ءجاميلا ماريچيەۆا ءوزىنىڭ facebook-تاعى پاراقشاسىندا ءبولىستى.

كىرىس كوميتەتىندەگى دەرەكتەر بويىنشا ەڭ ۇلكەن قارىز ۆلاديمير بوجكوعا تيەسىلى. ونىڭ مەملەكەت الدىنداعى بەرەشەگى 234 948.87 تەڭگە. بۇل تىزىمنەن  دانيا ەسپايەۆا، ازات پەرۋاشيەۆ جانە بەكبولات تىلەۋحاندى كورۋگە بولادى. ەسپايەۆانىڭ قارىزى 76 476 تەڭگە بولسا، پەرۋاشيەۆتىڭ مەملەكەتكە بەرەشەگى 183 456.41 تەڭگە. ال بەكبولات تىلەۋحان 175 663 تەڭگەنى ۋاقىتىلى تولەمەگەن.

بۇدان بولەك باقتىقوجا ىزمۇحامبەت (147 177.27 تگ)، مۇحتار ەرمان (115 207.68 تگ)، ايقىن كوڭىروۆ  (109 656.39 تگ)، نۇرتاي سابيليانوۆ  (43 768.30 تگ)، ساۋىتبەك ءابدىراحمانوۆ (43 781 تگ) جانە تاعى باسقا دەپۋتاتتاردىڭ سالىق بەرەشەگى بارى انىقتالدى.