ەلباسى نۇرسۇلتان نازاربايەۆتىڭ «بولاشاققا باعدار: رۋحاني جاڭعىرۋ» اتتى ماقالاسىندا «تاياۋ جىلدارداعى مىندەتتەر» بولىمىندە كورسەتىلگەندەي، بۇل باعدارلاما ءبىلىم بەرۋ سالاسىندا اۋقىمدى ولكەتانۋ جۇمىستارىن جۇرگىزۋدى، ەكولوگيانى جاقسارتۋعا جانە ەلدى مەكەندەردى اباتتاندىرۋعا باسا ءمان بەرۋدى، جەرگىلىكتى دەڭگەيدەگى تاريحي ەسكەرتكىشتەر مەن مادەني نىسانداردى قالپىنا كەلتىرۋدى كوزدەيدى. بۇل رەتتە ولكەتانۋ جۇمىستارىن جۇرگىزۋ باعىتىندا مۋزەيدىڭ ءوز مىندەتتەرى بار. مۋزەي - ولكەنىڭ تاريحى، حالىقتىڭ قازىناسى، ەل-جۇرتتىڭ تاعدىرى - ءبارىمىزدىڭ تاعدىرىمىز.
وسى ورايدا، مويىنقۇم اۋدانى اكىمى اپپاراتىنىڭ باسشىسى، ادەپ جونىندەگى ۋاكىلى امانگەلدى نامەتقۇلوۆتىڭ ۇيىمداستىرۋىمەن ەلباسىنىڭ «بولاشاققا باعدار: رۋحاني جاڭعىرۋ» باعدارلامالىق ماقالاسى اياسىندا اۋدان اكىمى اپپاراتىنىڭ قىزمەتكەرلەرى ج.قۋانىشبايەۆ اتىنداعى اۋداندىق مۇراجايعا ساياحات جاسالدى. وندا مۇراجاي ەكسكۋرساۆودى مەرۋەرت قانقوجايەۆا تابيعات بولمەسىندەگى اۋدانداعى قىزىل كىتاپقا ەنگەن اڭ قۇستاردى، وسىمدىكتەردى، ارحەولوگيالىق بولمەدەگى اۋداننىڭ كارتاسى، بىرلىك اۋىلىنىڭ وڭتۇستىگىنەن شىعىسقا قاراي 5 شاقىرىم جەردەگى «تورتكۇل»قالاشىعىنان تابىلعان قىش قۇمىرانىڭ سىنىقتارى، كەراميكانىڭ تۇرلەرى، جاز-اتانىڭ ارنايى بۇرىشىمەن، ونداعى جاز-اتانىڭ ءوزىنىڭ جاتقان توسەگى، ءار جىلدارداعى سۋرەتتەرى مەن قۇجاتتارى، قۇتتى اق تاياعى جانە سۋرەتشى زاڭعار مەدەتبەكوۆتىڭ جاز –اتانىڭ قوس ۇلىمەن جايلاۋداعى بەينەسى، قازاق حاندىعىن العاش قۇرعان جانىبەك پەن كەرەي حاننىڭ ات ۇستىندەگى بەينەلەرى تاعى دا باسقا قۇندى جادىگەرلەرمەن قىزىقتى ءارى تۇسىنىكتى ەتىپ مەملەكەتتىك قىزمەتكەرگە جەتكىزدى.سونداي-اق مەملەكەتتىك قىزمەتشىلەر وزدەرىنىڭ ساۋالدارىن قويىپ، جاۋاپتار الدى. اۋداننىڭ تاريحى تۋرالى ەرەكشە مالىمەتتەر ءبىلىپ، رۋحاني بايىپ، ءبىر سەرپىلىپ قالعان مەملەكەتتىك قىزمەتكەرلەر مۇراجايدىڭ قىزمەتكەرلەرىنە العىستارىن ءبىلدىردى.
ايتا كەتەيىك، مويىنقۇم اۋداندىق جازىلبەك قۋانىشبايەۆ اتىنداعى مۋزەيى – 1973 جىلى قۇرىلعان. 1986 جىلعا دەيىن «وبلىستىق تاريحي-ولكەتانۋ مۋزەيىنىڭ» فيليالى رەتىندە ەسەپتەلىپ، 1987 جىلى 9 ساۋىردە مويىنقۇم اۋداندىق دەپۋتاتتارىنىڭ جانە اۋدان جۇمىسكەرلەرىنىڭ №33-153-8 شەشىمىمەن اۋداندىق مۋزەيگە ەكى مارتە سوسياليستىك ەڭبەك ەرى اتانعان جازىلبەك قۋانىشبايەۆتىڭ ەسىمى بەرىلدى.
مۋزەي عيماراتىنىڭ 219 شارشى مەترى قورعا قاراستىرىلعان بولسا، 319،2 شارشى مەتردەن اساتىن ەكسپوزيسيالىق 5 زالى: ولكەتانۋ، تابيعات، ارحەولوگيالىق، شوپاندار تۇرمىسى جانە ەتنوگرافيا زالدارى حالىققا قىزمەت كورسەتەدى.
مۋزەيدىڭ ارحەولوگيالىق ەكسپوزيسياسىنا قويىلعان جادىگەرلەردىڭ بارلىعى قولا داۋىرىنە تيەسىلى «قوجابالا قورىمىنان» (ب.ە.د. ءحىىى-حىىع.ع.) جەرگىلىكتى جەردەگى زەرتتەۋ قازبا جۇمىستارىنىڭ ناتيجەسىندە تابىلعان. نەگىزگى كورسەتەتىن قىزمەتى – حالقىمىزدىڭ مادەني-تاريحي مۇراسىن ساقتاۋ جانە ولاردى تۇرعىنداردىڭ تاماشالاۋىنا جاعداي جاساپ، تانىستىرىپ وتىرۋ بولىپ تابىلادى. سونداي-اق، ەكسپوزيسياداعى ەكسپوناتتار ءۇش تىلدە جازىلعان.
پىكىر قالدىرۋ