جامبىل وبلىسىندا «جامبىل – ادالدىق الاڭى» جوباسى اياسىندا «ادالدىق كىتاپحاناسى» سالتاناتتى تۇردە اشىلدى. تاراز مەملەكەتتىك پەداگوگيكالىق ۋنيۆەرسيتەتىندە اشىلعان «ەرەكشە» كىتاپحانا جاستاردى پاراساتتىلىققا باۋلىپ، سىبايلاس جەمقورلىققا قارسى سانا مەن جوعارى مادەنيەتتى قالىپتاستىرۋ ماقساتىندا اشىقتىق، ادالدىق پرينسيپىنە نەگىزدەلگەن.
قازاقستان رەسپۋبليكاسىنىڭ سىبايلاس جەمقورلىققا قارسى ءىس-قيمىل اگەنتتىگىنىڭ جامبىل وبلىسى بويىنشا دەپارتامەنتى باسشىسىنىڭ ءبىرىنشى ورىنباسارى راۆيل تولەبايەۆ يگى ءىس-شارادا وسىنداي ادالدىققا، پاراساتتىلىققا تاربيەلەيتىن جوبالار ارقىلى وسكەلەڭ ۇرپاقتىڭ بويىنا جاقسى قاسيەتتەردى ءسىڭىرىپ، ولاردى ادامگەرشىلىككە، ەڭبەكسۇيگىشتىك پەن سانالى ازامات بولىپ قالىپتاسۋىنا ۇلەس قوسۋعا بولاتىندىعىن ايتتى.
«ادالدىق كىتاپحانادا» جەكە، ەركىن جانە توپتىق جۇمىس جاساۋعا ارنالعان بولىمدەر بار. جاستاردىڭ تىنىش وتىرىپ دايىندالاتىن كابينالارى، ەركىن وتىرىپ دەمالاتىن كەڭىستىگى، توپپەن جۇمىس جاساۋعا جانە ترەنينگتەر وتكىزۋگە بولادى. بوس ۋاقىتىن شاحمات، دويبى سىندى ويىندارىمەن قىزىقتى جانە ءتيىمدى وتكىزۋگە، جۇمساق ورىندار كىتاپ وقۋعا جانە جۇرەگىنە جاقىن اۋەن تىڭداپ دەمالۋىنا جاعداي جاسالعان. مۇندا كىتاپحاناشىلار قىزمەتى ءداستۇرلى فورماتتان ەركىن كەڭەسشى فورماتىنا كوشتى، ياعني ستۋدەنت ءوزى ەركىمەن قاجەتتى قۇرالدارىن تاڭداپ، ەركىن پايدالانۋىنا مۇمكىندىك بار.
– كىتاپحانانى اشۋداعى ماقسات – قوعامدا سەنىم ءبىلدىرۋ اتموسفەراسىن قالىپتاستىرۋ. وسىعان ۇقساس مەحانيزم ونداعان جىلدار بويى سكانديناۆيا ەلدەرىندە قولدانىلىپ كەلەدى. جوبا تۇرعىنداردىڭ بويىندا پاراساتتىلىق جانە ادىلدىك سياقتى مورالدىق سيپاتتاردى تاربيەلەۋگە باعىتتالعان. بۇل فاكتورلار سىبايلاس جەمقورلىققا قارسى يممۋنيتەتتىڭ پايدا بولۋىنا تىكەلەي اسەرىن تيگىزەدى، – دەيدى راۆيل تولەبايەۆ.
كىتاپحانا اشۋ باستاماسىن كوتەرۋشىلەر «ادالدىق» باستاماسىنان ءسوزسىز كۇماندانبايدى. مۇنداي دۇكەندەر مەن كىتاپحانالار ءتىپتى مەكتەپتەردە دە اشىلا الاتىنىنا سەنىمدى.
ايتا كەتۋ كەرەك، وسىنداي دۇكەندەر ءقازىردىڭ وزىندە كەيبىر سكانديناۆيا ەلدەرىندە بار. ولاردى ەنگىزۋ – ىشكى قاسيەتتەردى قوسا العاندا، وڭ قاسيەتتەردى دامىتۋ، جاستاردىڭ اقىل-پاراساتىندا سىبايلاس جەمقورلىققا قارسى سانا مەن جەمقورلىققا قارسى جوعارى مادەنيەتتى قالىپتاستىرۋعا باستايدى.
پىكىر قالدىرۋ