جامبىل وبلىسى ت. رىسقۇلوۆ اۋدانىنداعى قۇلان اگروتەحنيكالىق كوللەدجىندە ەلباسى نۇرسۇلتان نازاربايەۆتىڭ «بولاشاققا باعدار: رۋحاني جاڭعىرۋ» اتتى جالپىۇلتتىق ماقالاسىنىڭ اياسىندا جانە جاستار جىلىنا وراي اۋداندىق جاستار رەسۋرستىق ورتالىعىنىڭ مۇرىندىق بولۋىمەن، سونداي-اق، اتالمىش ءبىلىم وشاعىنىڭ العاشقى اسكەري دايىندىق ءپانىنىڭ وقىتۋشى-ۇيىمداستىرۋشىسى، قورداعى III دارەجەلى سەرجانت، تاجىك-اۋعان شەكاراسىنداعى قاقتىعىستارىنىڭ ارداگەرى مادي يساكۋلوۆتىڭ قولداۋىمەن «بەيبىت ەلدىڭ ۇلانىمىز» اتتى اسكەري-پاتريوتتىق سپورتتىق ويىندار ءوتتى.

اۋداندىق دەڭگەيدە ۇيىمداستىرىلعان بۇل ءىس-شارانىڭ ماقساتى — جاستار اراسىندا پاتريوتتىق تاربيەنى نىعايتۋ، جاستارىمىزدىڭ وتانسۇيگىشتىك قاسيەتتەرىن شىڭداۋ، جاسوسپىرىمدەردىڭ بوس ۋاقىتىن ءتيىمدى پايدالانىپ، وسكەلەڭ ۇرپاقتىڭ اسكەري شەبەرلىگىن ارتتىرۋ. سپورتتىق ءىس-شارانىڭ اشىلۋ راسىمىنە اۋدان اكىمدىگى ىشكى ساياسات ءبولىمىنىڭ باسشىسى ءلاززات وتەۋلييەۆا، 03811 اسكەري ءبولىمىنىڭ كومانديرى، پولكوۆنيك اليحان مۋلداگالييەۆ، اۋداندىق اقساقالدار كەڭەسىنىڭ ءتوراعاسى قوجايحان بيجانوۆ، قۇلان اۋىلدىق وكرۋگىنىڭ اكىمى مۇرات يمانبايەۆ، اۋدان اكىمدىگى دەنەشىنىقتىرۋ جانە سپورت ءبولىمىنىڭ باسشىسى ەرلىك شابەيەۆ قاتىستى. شارانىڭ العى ءسوزىن اۋدان اكىمدىگى ىشكى ساياسات ءبولىمىنىڭ باسشىسى ءلاززات شاكۋالى قىزى ءسوز سويلەپ، اشىپ بەردى.

سودان سوڭ، 03811 اسكەري ءبولىمىنىڭ كومانديرى، پولكوۆنيك اليحان مۋلداگالييەۆ، اۋداندىق اقساقالدار كەڭەسىنىڭ ءتوراعاسى قوجايحان بيجانوۆ، قۇلان اۋىلدىق وكرۋگىنىڭ اكىمى مۇرات يمانبايەۆقا ءسوز كەزەگى بەرىلىپ، ولار دا ءوز كەزەگىندە قاتىسۋشىلارعا ساتتىلىك تىلەدى.

ىزگى تىلەكتەردەن كەيىن قاتىسۋشىلار 03811 اسكەري ءبولىمى قىزمەتكەرلەرىنىڭ قويان قولتىق ۇرىس كەزىندەگى جاتتىعۋلارىن، سونداي-اق، وسى ءىس-شاراعا ارنايى ۇيىمداستىرىلعان اسكەري كورمە جۇمىسىمەن تانىستى. جاۋىنگەرلەردىڭ ونەرىنەن كەيىن جارىس باستالىپ كەتتى. الدىمەن مەكتەپ وقۋشىلارى اتىس دايىندىعىنان، كەرمەگە تارتىلۋدان، شالقالاپ جاتىپ كەۋدەنى كوتەرۋدەن، 1 شاقىرىم قاشىقتىققا جۇگىرۋ، اسكەري-سپورتتىق قولدانبالى ەستافەتا تۇرلەرىنەن ، ۆولەيبولدان ءوزارا مىقتىنى انىقتادى.

ماراپاتتاۋ راسىمىندە قورىتىندى ءسوز «جاستار رەسۋرستىق ورتالىعى» كمم-نىڭ ديرەكتورى ايبەك سارسەحانۇلىنا بەرىلىپ، جۇلدەگەرلەر مەن جەڭىمپازدار انىقتالىپ، ولارعا العىس حاتپەن قوسا، باعالى سىيلىقتار تابىس ەتىلدى.