ەلباسى نۇرسۇلتان نازاربايەۆ: «بولاشاققا باعدار: رۋحاني جاڭعىرۋ» اتتى باعدارلامالىق ماقالاسىندا الدىمىزعا قويعان بيىك ماقساتقا جەتۋ ءۇشىن ءبىزدىڭ سانامىز ىسىمىزدەن وزىپ ءجۇرۋىن، ياعني ودان بۇرىن جاڭعىرىپ وتىرۋىن، ول ءۇشىن بولاشاققا قالاي قادام باساتىنىمىز جانە بۇقارالىق سانانى قالاي وزگەرتەتىنىمىز تۋرالى كوزقاراسىن ورتاعا سالعان بولاتىن. سونداي-اق، ۇلتتىق مادەنيەت – بۇل ءبىزدىڭ ۇلتتىق كودىمىز ەكەنىن ايتقان ەدى. ال ۇلتتىق مادەنيەتىمىزدى جاس ۇرپاقتىڭ بويىنا سىڭىرەتىن ۇلكەن شاڭىراقتىڭ ءبىرى – اۋىل-اۋىلداعى ونەر مەكتەپتەرى. بويىندا ونەرگە دەگەن قىزىعۋشىلىعى بار بالانىڭ بارلىعى العاش ءبىلىمىن وسى ونەر مەكتەبىنەن الادى.

بالالاردىڭ بويىنا ۇلتتىق ونەرگە دەگەن سۇيىسپەنشىلىك ءدانىن سەۋىپ وتىرعان ءبىلىم وردالارىنىڭ ءبىرى – جۋالى اۋدانىنداعى №1 بالالار ونەر مەكتەبى.

ونەر مەكتەبىنىڭ ىرگەتاسى 1950 جىلى قالانعان. 1971 جىلى مۋزىكا مەكتەبى بولىپ اشىلعان. 1993 جىلدان باستاپ بالالار ونەر مەكتەبى بولىپ قايتا قۇرىلدى. ونەر مەكتەبىندە 2019-2020 وقۋ جىلىندا 1141 بالا تاربيە-بىلىم الۋدا. ۇستىمىزدەگى جىلدىڭ قاڭتار ايىنان باستاپ كۇرەڭبەل ورتا مەكتەبىنىڭ بازاسىنان ونەر مەكتەبىنىڭ №1 فيليالى اشىلدى. سول سەبەپتەن 200 بالا قوسىمشا قوسىلدى. بارلىعى 1141 بالانى قۇراپ وتىر. ونىڭ 34ء-ى وزگە ۇلت وكىلدەرى.

مەكتەپتە 46 ءمۇعالىم ەڭبەك ەتەدى. بالالاردىڭ ونەرگە دەگەن قىزىعۋشىلىعى جىل ساناپ ارتىپ كەلەدى. وقۋشىلار ەكى اۋىسىمدا وقيدى. مەكتەپتە 10 ۇيىرمە بار. ولار: دومبىرا، بايان، اككوردەون، فورتەپيانو، گيتارا، تەاتر، حورەوگرافيا، ساندىك قولدانبالى ونەر، كوركەمسۋرەت، ەسترادالىق ءان.

ونەر مەكتەبىنىڭ ۇستازدارىنان قۇرالعان فولكلورلىق انسامبل، ۆوكالدى-ينسترۋمەنتالدى انسامبل اۋداندىق ۇلكەن ءىس-شارالاردا ۇنەمى ونەر كورسەتىپ كەلەدى. كاسىبي مامانداردىڭ ونەرگە باۋلىعان شاكىتتەرى دە ەلىمىزدەگى ونەر جۇلدىزدارىن تاربيەلەيتىن ارناۋلى جانە جوعارى وقۋ ورىندارىندا بىلىمدەرىن شىڭداپ، ەڭبەك ەتۋدە.

مەكتەپ شاكىرتتەرى جىل سايىن ءتۇرلى وبلىستىق، رەسپۋبليكالىق، حالىقارالىق بايقاۋلارعا قاتىسىپ، جۇلدەلى ورىنداردى يەلەنىپ كەلەدى. ماسەلەن، وتكەن وقۋ جىلىندا «ءبىز باقىتتى بالامىز!» اتتى رەسپۋبليكالىق ءان-بي بايقاۋىندا «جۇلدىزاي»، «قازىنا» بي توپتارى ءى ورىندى يەلەنسە، گۇلىم مەيىرحان باس جۇلدەنى جەڭىپ الدى. ءىى رەسپۋبليكالىق «دارابوز جۋالى» بايقاۋىندا «مۇراگەر» دومبىراشىلار ءانسامبلى، «شابىت» تەاتر توبى، اسەل ءابىلحايىروۆا، «قازىنا» بي توبى، ەرجان ءامينوۆ، باۋىرجان حوجا-احمەدوۆ جانە «تۇمار» بي توبى ءى ورىندى يەلەندى. ءى رەسپۋبليكالىق «تالانتتى قازاقستان» ونەر بايقاۋىندا ارسلان جۇمان باس جۇلدەنى جەڭىپ السا، «ۇركەر- 19» رەسپۋبليكالىق بايقاۋىندا ءارتۇرلى نوميناسيالار بويىنشا بەس وقۋشى ءى ورىندى يەلەندى. سونىمەن بىرگە وبلىستىق، اۋداندىق دەڭگەيلەردەگى بايقاۋلاردا دا كوپتەگەن شاكىرتتەرى توپ جاردى.