«Nur Otan» پارتياسى جۋالى اۋداندىق فيليالىنىڭ قوعامدىق قابىلداۋ بولمەسىندە جامبىل وبلىستىق پوليسيا دەپارتامەنتى باستىعىنىڭ ورىنباسارى باقىتجان ەرالين ازاماتتاردى جەكە سۇراقتارىمەن قابىلدادى. قابىلداۋعا «Nur Otan» پارتياسى وبلىستىق فيليالى قوعامدىق قابىلداۋ بولمەسىنىڭ مەڭگەرۋشىسى ءۇمىت يبرايموۆا، اۋدان اكىمى اپپاراتىنىڭ باسشىسى سەرىك قويباقوۆ، اۋداندىق پوليسيا ءبولىمىنىڭ باسشىسى مەرگەنباي قويكەنوۆ قاتىستى.

قابىلداۋعا جازىلعان ب.جاڭابايەۆ 25 قىركۇيەك كۇنى تۇرعىن ۇيىنە بەلگىسىز تۇلعا تەرەزەسىن اشۋ ارقىلى كىرىپ، قوماقتى قارجى مەن التىن بۇيىمدارىن ۇرلاپ كەتكەنى، سودان اراعا التى كۇن سالىپ قىلمىس اشىلماي تۇرىپ 1 قازان كۇنى قايتا ءتۇسىپ، ءۇيىن استان-كەستەنىن شىعارىپ شاشىپ، ءبىر التىن ساقينا مەن ۇيالى تەلەفونىن ۇرلاپ كەتكەنىن. بۇگىنگى تاڭدا اۋداندىق پوليسيا ءبولىمىنىڭ قىزمەتكەرلەرى كۇدىكتىنى ۇستاپ، تەرگەۋ جۇمىستارى جۇرگىزىلىپ جاتقاندىعى. پوليسيا قىزمەتكەرلەرىنىڭ ايتۋى بويىنشا كۇدىكتى ەكىنشى جاعداي بويىنشا كىناسىن مويىنداعان. ال ءبىرىنشى جاعداي، جالپى اۋداندا ورىن العان پاتەر ۇرلىعى بويىنشا قانداي جۇمىستار جۇرگىزىلىپ جاتقانىن سۇرادى.

قابىلداۋعا جازىلعان كەلەسى ازاماتشا ر.قالدىبەكوۆا جۇبايىنىڭ ۇرىپ-سوعىپ، بالاعاتتاعانى ءۇشىن جازعان جازباشا ارىزى بويىنشا اتقارىلىپ جاتقان جۇمىستاردىڭ ناتيجەسىن سۇرادى. بۇل ساۋالعا مەرگەنباي بىرلىك ۇلى ازامات ب.قالدىبەكوۆ ءوزىنىڭ زاڭدى نەكەدەگى ايەلىنىڭ العان دەنە جاراقاتى بويىنشا سوت مەديسينالىق دارىگەرلىك ساراپتاما تاعايىندالعاندىعىن، ساراپتاما قورىتىندىسى بويىنشا جينالعان ءىس-قۇجاتتار اۋداندىق سوتقا زاڭدى شەشىم قابىلداۋ ءۇشىن جولداناتىندىعى تۋرالى ايتىپ ءتۇسىندىردى.

وبلىستىق پوليسيا دەپارتامەنتى باستىعىنىڭ ورىنباسارى باقىتجان ەرالين مەرگەنباي بىرلىكۇلىنا اۋدانداعى پاتەر توناۋ ماسەلەسىن قاتاڭ باقىلاۋدا ۇستاۋدى جانە اۋداندىق اكىمدىك قىزمەتكەرلەرى، اۋىلدىق ۋچاسكەلىك پوليسيا قىزمەتكەرلەرى، اۋىلدىق اقساقالدار القاسى، جەرگىلىكتى اقپارات قۇرالدارىمەن تىعىز بايلانىستا جۇمىس ىستەۋدى تاپسىردى. الدىن الۋ جۇمىستارىن كۇشەيتىپ، پوليسيا قىزمەتكەرلەرى ءوز قىزمەتىن جاۋاپكەرشىلىكپەن، پاتريوتيزممەن اتقارۋى قاجەت جانە اۋىل تۇرعىندارى دا ءوز اۋلالارىنا قاۋىپسىزدىك ءۇشىن بەينە باقىلاۋ ورناتۋى قاجەتتىگى تۋرالى ايتتى.

قوعامدىق قابىلداۋدى اۋدان اكىمى اپپاراتىنىڭ باسشىسى سەرىك قويباقوۆ قورىتىندىلادى. ول پوليسيا بولىمىنە جاسالىپ جاتقان جاعدايلار تۋرالى ايتا كەلىپ، جۇمىستارىنا ساتتىلىك تىلەدى.