«Nur Otan» پارتياسى شۋ اۋداندىق فيليالىنىڭ ءماجىلىس زالىندا «Nur Otan» پارتياسىنىڭ «ۇزدىك باستاۋىش پارتيا ۇيىمى» رەسپۋبليكالىق بايقاۋىنىڭ I كەزەڭى بويىنشا اۋداندىق ىرىكتەۋ كەزەڭى ءوتتى. وعان «Nur Otan» پارتياسىنىڭ «ۇزدىك باستاۋىش پارتيا ۇيىمى» رەسپۋبليكالىق بايقاۋىن وتكىزۋ جونىندەگى اۋداندىق بايقاۋ كوميسسياسىنىڭ قۇرامى، اۋداندىق فيليالدىڭ قىزمەتكەرلەرى، باستاۋىش پارتيا ۇيىمدارىنىڭ ءتوراعا-تورايىمدارى، پارتيا مۇشەلەرى قاتىستى.

الدىمەن «Nur Otan» پارتياسى اۋداندىق فيليالى ءتوراعاسىنىڭ ءبىرىنشى ورىنباسارى، كوميسسيا ءتوراعاسى ن.ك.سۇلتانبايەۆ باستاۋىش پارتيا ۇيىمدارىنا اتالمىش ىرىكتەۋ سىنىنىڭ ماقساتى مەن مىندەتىن تانىستىردى. بايقاۋ جۇمىسىن «Nur Otan» پارتياسى جامبىل وبلىستىق فيليالىنىڭ ساياسي جۇمىس ءبولىمىنىڭ كونسۋلتانتى ا.بايتيشيەۆ «Nur Otan» پارتياسى اۋداندىق فيليالىنىڭ ەسەپ جانە ستاتيستيكا سەكتورىنىڭ مەڭگەرۋشىسى كوميسسيا حاتشىسى س.ج.وڭعاربايەۆا، اۋداندىق ورتالىق اۋرۋحانانىڭ «بولاشاق» جاستار دەنساۋلىق ساقتاۋ ورتالىعىنىڭ مەڭگەرۋشىسى ە.ءا.وسپانوۆا، اۋداندىق ارداگەرلەر كەڭەسى ءتوراعاسىنىڭ ورىنباسارى د.بايباتشايەۆ سارالادى. اتالمىش بايقاۋعا اۋداندىق پارتيا فيليالىنداعى 30 باستاۋىش پارتيا ۇيىمدارى قاتىسىپ، بايقاۋدا باعالاناتىن پارتيالىق جوبالاردى ىسكە اسىرۋعا قاتىسۋى، ىشكىپارتيالىق جۇمىس، پارتيالىق جۇمىستا جاڭا ادىستەردى پايدالانۋ، ازاماتتىق باستامالاردى ىسكە اسىرۋ، بپۇ قىزمەتىن بۇقارالىق اقپارات قۇرالدارىندا جاريالاۋ، جاستارمەن جۇمىس جانە بپۇ جەتەكشىسىنىڭ جۇمىسى سىندى 7 كريتەرييگە سايكەس اتقارعان جۇمىستارىمەن تانىستىردى.

كوميسسيا مۇشەلەرى بايقاۋ سوڭىندا 100 -گە دەيىن پارتيا مۇشەسى بار بپۇ بويىنشا جۇلدەلى ءبىرىنشى ورىنعا «دالاقاينار» بپۇ، ەكىنشى ورىنعا «بالۋان شولاق» بپۇ، ءۇشىنشى ورىنعا «بالاساعۇن» بپۇ لايىق دەپ تاپسا، قۇرامىندا 100- دەن 500 –گە دەيىنگى مۇشەسى بار بپۇ بويىنشا ءبىرىنشى ورىندى «جەتىسۋ» بپۇ، ەكىنشى ورىندى «قانت زاۋىتى» بپۇ، جۇلدەلى ءۇشىنشى ورىندى «جامبىل» بپۇ، سونداي-اق 500-دەن جوعارى مۇشەسى بار «دەپو» بپۇ ءبىرىنشى ورىن جەڭىپمازى اتانىپ، ءۇش باستاۋىش پارتيا ۇيىمى وبلىستىق بايقاۋعا جولداما الدى.

ايتا كەتەيىك، بايقاۋدىڭ ماقساتى ۇزدىك باستاۋىش پارتيا ۇيىمىن انىقتاۋ، ولاردىڭ جۇمىس تاجىريبەسىن ەلدىڭ بارلىق ايماقتارىندا تاراتۋ، پارتيالىق جانە سايلانبالى قىزمەتتەرگە ۇسىنۋ ماقساتىندا بىلىكتى جانە بەلسەندى بپۇ ءتوراعا، ءتورايىمدارىنان پارتيالىق كادرلاردىڭ رەزەرۆىن قالىپتاستىرۋ جانە پارتيا جۇمىسىنا قوعامدىستىقتىڭ نازارىن اۋدارۋ بولىپ تابىلادى.