جامبىل وبلىسىنداعى ت.رىسقۇلوۆ اۋدانىن بىلايعى جۇرت: «سپورت ساڭلاقتارىنىڭ ۇستاحاناسى» دەيدى. ونىڭ ءجونى دە بار. ەشبىر اۋداندا وليمپيادا ويىندارىنا قاتىسىپ، ءبىر التىن، ەكى كۇمىس، ءبىر قولا مەدال العان سپورتشىلار جوق شىعار. ال قۇلان ءوڭىرىنىڭ اتاعىن ابسەنت اتتى سايكۇلىك بۇكىل الەمگە پاش ەتتى. بوكسشى ەرماحان ىبىرايىموۆ، پالۋاندار يسلام بايرامۋكوۆ پەن ەلدوس سمەتوۆ، اقجۇرەك تاڭاتاروۆ، الەمگە اتى ايگىلى بولعان الىشەر ەرعالي، ادىلەت داۋلامبايەۆ، بوكسشى قىز ادينا قالدىباي ايماقتىڭ عانا ەمەس، مەملەكەتتىڭ ماقتانىشىمىز. كۇنى كەشە عانا زەينەتكە شىققان بەكەن ءابدىرايىموۆ، دۇنيەدەن ەرتە وزعان، جاۋىرىنى جەرگە تيمەگەن پالۋاندار قوشان تانىكەيەۆ، سەرىك نۇرمانبەتوۆ، داڭقتى ۆولەيبولشى تاڭات قامبارالييەۆتەردى ەل ۇمىتقان جوق.

«ات تۇياعىن تاي باسار» دەمەكشى بۇگىندە الدىڭعى تولقىن اعالارىنىڭ ءىزىن باسىپ، ەكى بىردەي جاسوسپىرىمدەر سپورت مەكتەبىندە بالالاردى سپورتقا باۋلىپ جۇرگەن ۇلان وماربەكوۆتىڭ، ارداگەر سپورتشى ەسداۋلەت قۇرمانبەكوۆ، نۇراسىل مولدابەكوۆ، باقىتبەك تولىمبەتوۆ، قاناعات وزبەكوۆ، اسحات تىلەكەيەۆتىڭ اۋدان سپورتىنا سىڭىرگەن ەڭبەگى زور. باۋىرجان مومىش ۇلى اتىنداعى مەكتەپتە جاتتىقتىرۋشى بولىپ جۇرگەن ءجۇنىس بەكتەمىسوۆتىڭ دە شاكىرتتەرى بيىك تۇعىردان كورىنۋدە. 10-شى سىنىپ وقۋشىسى ەلەنا حۋگول جەڭىل اتلەتيكادان قازاقستان بىرىنشىلىگىنە قاتىسىپ، 200 مەتر قا-شىقتىققا جۇگىرۋدەن ءۇشىنشى ورىن الدى.

-اۋداندا ەلباسى ن.نازاربايەۆتىڭ تاپسىرماسىنا سايكەس، سپورتتىڭ بۇحارالىعىن ارتتىرۋ جونىنەن كوپتەگەن يگى شارالار جۇزەگە اسىرىلۋدا. ماسەلەن، قونايەۆ اۋىلىندا «راۋشانبەكتەگى» شارۋا قوجالىعىنىڭ دەمەۋشىلىك ەتۋىمەن، كوكدونەندە اۋىل اق-ساقالدارىنىڭ قولداۋىمەن كىشى فۋتبول الاڭدارى سالىنۋدا. مۇنداي ستاديون كامەنكا اۋىلىندا، قاراقاتتا بار. اقىرتوبەدە بايىرعى سپورت ارداگەرى ءا.قايىنبەردييەۆ اشقان سپورت مەكتەبى جۇمىس ىستەيدى. ءقازىر اۋدانىمىزدا فۋتبول كلۋبى قۇرىلىپ، اياقدوپتان اۋداننىڭ نامىسىن قورعايتىن جاستارىمىز وبلىس بىرىنشىلىگىنە قاتىسۋدا. ەندى الداعى ۋاقىتتا قازاقتىڭ ۇلتتىق ات سپورتى ويىندارىن دامىتۋ ءبىزدىڭ باستى نازارىمىزدا تۇر. ويتكەنى، ءبىز ابسەنت سىندى سايگۇلىگىمىزدىڭ اتىن جوقتاتپاۋىمىز كەرك دەپ ويلايمىن. سوندىقتان كوپارشىلار مەن اتبەگىلەر، ساياتشىلار، قۇسبەگىلەر كلۋبتارىن قۇرىپ، ونى جانداندىرعانىمىز ءجون،-دەيدى اۋدان اكىمدىگى دەنە شىنىقتىرۋ جانە سپورت ءبولىمىنىڭ باسشىسى ە.شابەيەۆ.