ەلباسىنىڭ ەلىمىزدە بۇقارالىق سپورتپەن اينالىسۋشىلار قاتارىن 2020 جىلعا دەيىن 30 پايىزعا پايىزعا جەتكىزۋ جونىندەگى تاپسىرماسىنا سايكەس جامبىل وبلىسىنىڭ تالاس اۋدانىندا تىندىرىمدى تىرلىكتەر اتقارىلۋدا.

جالپى اۋدان سپورتىن وركەندەتۋ بويىنشا ءتورت نىسانالى ينديكاتور بەلگىلەنگەن. ونىڭ ءبىرى «جۇيەلى تۇردە دەنە شىنىقتىرۋمەن شۇعىلداناتىن بارلىق جاستاعى تۇرعىنداردىڭ سانىڭ ارتتىرۋ» بولسا، ەكىنشى نىسانالى ينديكاتور «اۋىلدى ەلدى مەكەندەردە تۇرعىندار دەنە شىنىقتىرۋمەن اينالىسۋ ءۇشىن سپورت الاڭشالارىن (امبەباپ الاڭشا، ستريتۆوركاۋت، سپورتتىق كۇش قۇرىلعىلارمەن جابدىقتالعان الاڭشا جانە ت.ب.) سالۋ». سونىمەن قاتار ءۇشىنشى نىسانالى ينديكاتور «تۇرعىنداردىڭ سپورت نىساندارىنا قولجەتىمدىلىكتى ارتتىرۋ» جانە ءتورتىنشى باعىت رەتىندە «7-دەن 18 جاسقا دەيىنگى بالالار مەن جاسوسپىرىمدەردىڭ سپورت مەكتەپتەرىندە جانە دەنە دايىندىعى سپورت كلۋبتارىندا دەنە شىنىقتىرۋمەن جانە سپورتپەن شۇعىلداناتىن بالالار مەن جاسوسپىرىمدەردى قامتۋ» كورسەتكىشتەرى بەلگىلەنگەن.

-سپورت سالاسىنداعى مەملەكەتتىك ساياساتتىڭ باسىم باعىتتارىنىڭ ءبىرى اۋدان تۇرعىندارىنىڭ دەنى ساۋ ۇلت بولىپ قالىپتاسۋىن قامتاماسىز ەتۋگە جانە دامىتۋعا نەگىز بولاتىن بۇقارالىق سپورتتى ءتيىستى دەڭگەيدە دامىتۋ ءۇشىن جاعداي جاساۋ بولىپ تابىلادى.

وسى ورايدا 2019 جىلدىڭ قاڭتار – تامىز ايىنىڭ قورىتىندىسى بويىنشا اۋداندا دەنە شىنىقتىرۋ جانە سپورتپەن جۇيەلى تۇردە شۇعىلدانۋشىلار قاتارى 29،78 پايىزدى قۇراپ، 16 مىڭ 407 ادامعا جەتىپ وتىر. بۇل كورسەتكىش 2018 جىلمەن سالىستىرعاندا 0،5 پايىزعا نەمەسە 318 ادامعا ارتتى.

سونىمەن قاتار، دەنە شىنىقتىرۋ جانە سپورتپەن جۇيەلى تۇردە شۇعىلداناتىن 14 جاستان 29 جاسقا دەيىنگى جاستار سانى 6 مىڭ 325 ادامعا جەتتى،-دەيدى تالاس اۋدانى اكىمدىگى دەنەشىنىقتىرۋ جانە سپورت ءبولىمىنىڭ باسشىسى ەرىك مامادياروۆ.

قازىرگى تاڭدا ستاتيستيكالىق مالىمەتتەرگە سايكەس اۋداندا سپورت نىسانداردىڭ جالپى سانى 213-تى قۇراپ وتىر. ولاردىڭ قاتارىندا 1 ستاديون، 1 سپورت كەشەنى، 35 سپورت زال، 85 فۋتبول الاڭى، 84 سپورت الاڭشالارى، 1 اتۋ ءتيرى جانە يكەمدەلگەن 6 سپورت زالدار بار.

اۋداندىق سپورت ينفراقۇرىلىمىن كەڭىنەن دامىتۋ ماقساتىندا بيىلعى جىلدىڭ ءساۋىر ايىندا قاراتاۋ قالاسىنداعى ورتالىق ستاديوننىڭ قورشاۋلارىن اۋىستىرۋعا جانە ويىق اۋىلىنداعى ۇلكەن فۋتبول الاڭىڭ قورشاۋعا جالپى 4 ميلليون 587 مىڭ تەڭگە ءبولىنىپ، قورشاۋلارىن اۋىستىرۋ-جوندەۋ جۇمىستارى تولىق اياقتالىپ وتىر.