قازاقستان رەسپۋبليكاسى تۇڭعىش پرەزيدەنتى ن.نازاربايەۆتىڭ 2018 جىلعى 5 قازانداعى «قازاقستاندىقتاردىڭ ءال-اۋقاتىنىڭ ءوسۋى: تابىس پەن تۇرمىس ساپاسىن ارتتىرۋ» اتتى قازاقستان حالقىنا جولداۋىن ىسكە اسىرۋ جونىندەگى جالپى ۇلتتىق ءىس-شارالار جوسپارىنىڭ «قوعامدىق كەڭىستىكتەردى، پاركتەردى، سكۆەرلەردى جانە ت.ب.، ونىڭ ىشىندە بۇقارالىق سپورتپەن جانە دەنە شىنىقتىرۋمەن اينالىسۋ ءۇشىن اباتتاندىرۋ بويىنشا شارالار كەشەنىن قابىلداۋ» 56-تارماعىن ىسكە اسىرۋ ماقساتىندا بيىل جامبىل وبلىسىنىڭ تالاس اۋدانىندا ايماقتىق جول كارتاسى جاساقتالىپ، بەكىتىلدى. ءارى بۇل مىندەت اۋدان اكىمى مەن اۋىلدىق وكرۋگ اكىمدەرى اراسىنداعى كەلىسىمدەردىڭ ءتۇيىندى نىسانالى ينديكاتور كورسەتكىشتەرىمەن دە ساباقتاسىپ وتىر.

جالپى 2019 جىلى اۋداندىق ايماقتىق جول كارتاسى اياسىندا 6 سپورت نىسانى ايقىندالدى. ولار بەرىكقارا، ءقىزىلاۋىت، قاراتاۋ، تامدى، س.شاكىروۆ اۋىلدىق وكرۋگتەرىندە سپورت الاڭشالارىن، ياعني ستريتۆوركاۋت، كىشى فۋتبول الاڭشالارىن ورناتۋ جانە ءۇشارال اۋىلدىق وكرۋگىندە سپورت كەشەنىنىڭ قولدانىسقا بەرۋ بويىنشا ازىرلەنگەن.

قازىرگى كەزدە دەمەۋشىلەر ەسەبىنەن ءقىزىلاۋىت اۋىلىندا «ستريت ۆوركاۋت» سپورت الاڭشاسىنىڭ قۇرىلىسى تولىق اياقتالىپ، جەرگىلىكتى تۇرعىنداردىڭ يگىلىگىنە بەرىلدى.

بۇگىنگى كۇنگە تۇرعىنداردىڭ، ونىڭ ىشىندە جاستاردىڭ بۇقارالىق سپورتپەن شۇعىلدانۋى ءۇشىن سپورت نىساندارىنا قولجەتىمدىلىگىن ارتتىرۋدا 211 سپورت نىسانى انىقتالدى. ونىڭ 70ء-ى قاراتاۋ قالاسىندا بولسا، 141ء-ى اۋىلداردا.

ولاردا تۇرعىندار ءۇشىن ارنايى كەستەلەر جاسالىپ، ول كەستەلەر جەرگىلىكتى گازەتتە جاريالاندى. جالپى، قولجەتىمدى سپورت نىساندارىنىڭ سانى 2018 جىلمەن سالىستىرعاندا 99-عا وسكەن. اۋدان تۇرعىندارىنىڭ سپورتپەن تۇراقتى تۇردە شۇعىلدانۋ ماقساتىندا سپورت نىساندارعا قولجەتىمدىلىگىن ارتتىرۋ ءۇشىن تۇراقتى مونيتورينگ جۇرگىزۋ جۇمىستارى ءالى دە جالعاسۋدا.

بۇگىنگى تاڭدا اۋدان كولەمىندە 7 سپورت مەكەمەلەرى جۇمىس اتقارىپ كەلەدى. ونىڭ ىشىندە: 4 بالالار-جاسوسپىرىمدەر سپورت مەكتەبى، «جۇلدىز» اۋلا جانە بالالار جاسوسپىرىمدەر دەنە شىنىقتىرۋ سپورت كلۋبى جانە «دەنە شىنىقتىرۋ ساۋىقتىرۋ كەشەنى» قىزمەت ەتۋدە.

سونىمەن قاتار، اعىمداعى جىلدىڭ اقپان ايىندا اۋدان اكىمىنىڭ قولداۋىمەن اۋىل جاسوسپىرىمدەرىنىڭ بوس ۋاقىتتارىن ءتيىمدى پايدالانۋ جانە بۇقارالىق سپورتتى دامىتۋ ماقساتىندا ويىق اۋىلدىق وكرۋگىندە «ويىق اۋىلىنداعى بالالار مەن جاسوسپىرىمدەر اۋلا جانە دەنە شىنىقتىرۋ سپورت كلۋبى» كوممۋنالدىق مەملەكەتتىك مەكەمەسى قۇرىلىپ، قازىرگى تاندا جۇمىس اتقارۋدا.