جامبىل وبلىسىنداعى تالاس اۋدانىندا بۇقارالىق سپورتتى دامىتۋ باعىتىندا كوپتەگەن جۇمىستار اتقارىلۋدا. اسىرەسە، بيىل وتكىزىلىپ جاتقان دودالاردىڭ سالماعى بولەك. اتاپ ايتقاندا، جاستار جىلىنا وراي اۋەسقوي كوماندالار اراسىندا كىشى فۋتبول، ۆولەيبول، باسكەتبول، بوكستان اۋدان بىرىنشىلىگى، دويبىدان، قازاق كۇرەسىنەن جاسوسپىرىمدەر، جاستار اراسىندا وبلىس، اۋدان بىرىنشىلىگى، ۇستەل تەننيسىنەن وبلىستىق اشىق ءتۋرنيرى، ارنايى ورتا ءبىلىم بەرەتىن وقۋ ورىندارىنىڭ ستۋدەنتتەرى، مەملەكەتتىك قىزمەتكەرلەر، ارداگەرلەر اراسىنداعى سپارتاكيادالار، قازاق كۇرەسىنەن «قازاقستان بارىسى» رەسپۋبليكالىق ءتۋرنيرىنىڭ اۋىلدىق، اۋداندىق ىرىكتەۋ جارىستارى، «اكەم، انام جانە مەن-سپورتتىق وتباسى ويىندارى، «رۋحاني جاڭعىرۋ» باعدارلاماسى اياسىندا اۋداندىق «اۋلا ويىندارى، «ۇلتتىق سپورت تۇرلەرىنىڭ فەستيۆالى» مەن باسقا دا كوپتەگەن بۇقارالىق سيپاتتاعى جوسپارلى ءىس-شارالار وتكىزىلگەن.

سونىڭ ىشىندە، اۋداندىق پوليسيا ءبولىمى، اۋدان اكىمدىگىنىڭ ءبىلىم ءبولىمى جانە جاستار رەسۋرستىق ورتالىعىمەن بىرلەسە كامەلەتكە تولماعان جاسوسپىرىمدەر، پروباسيا قىزمەتىنىڭ ەسەبىندە تۇرعان ازاماتتار اراسىندا كىشى فۋتبولدان، مەكتەپ وقۋشىلارى اراسىندا «الاۋ» اسكەري-پاتريوتتىق اۋداندىق جارىستارى ۇيىمداستىرىلىپ، وتكىزىلگەن بولاتىن.

ەلباسىنىڭ «بولاشاققا باعدار: رۋحاني جاڭعىرۋ» ماقالاسىنداعى مىندەتتەردى اۋدان كولەمىندە جۇزەگە اسىرۋ ماقساتىندا 2019 جىلى «اتامەكەن» كىشى باعدارلاماسى بويىنشا 3 جوبا اۋداندىق رەەسترگە ەنگىزىلگەن. 1 سپورتتىق ءىس-شارا ءوز دەڭگەيىندە ۇيىمداستىرىلىپ وتكىزىلدى، ال 2 جوبا الداعى ۋاقىتتا، ياعني 4 توقساندا وتكىزىلەدى دەپ كۇتىلۋدە.

ايتا كەتۋ كەرەك، قانداي سايىس بولماسىن تالاستىق تولاعايلاردىڭ تابىسى تولاستاعان ەمەس. اۋدان سپورتشىلارى ءارتۇرلى دەيگەيىندەگى حالىقارالىق، رەسپۋبليكالىق جانە وبلىستىق سپورتتىق باسەكەلەردە جوعارعى سپورتتىق كورسەتكىشتەرگە قول جەتكىزدى.

2019 جىلدىڭ العاشقى جارتىجىلدىعىنىن وزىندە 11 سپورتشى «قازاقستان رەسپۋبليكاسىنىڭ سپورت شەبەرى»، 17 سپورتشى «قازاقستان رەسپۋبليكاسىنىڭ سپورت شەبەرىنە كانديدات» اتاعىنا يە بولدى.

اۋدان سپورتشىلارى حالىقارالىق جارىستاردا – 7 مەدالعا قول جەتكىزسە (4 التىن، 2 كۇمىس، 1 قولا)، رەسپۋبليكالىق جارىستاردا – 38 مەدال (8 التىن، 17 كۇمىس، 13 قولا) جانە وبلىستىق جارىستاردا – 125 مەدال (31 التىن، 43 كۇمىس، 51 قولا) ەنشىلەدى. ياعني، اۋدان سپورتشىلارىنىڭ ەنشىسىندە170 مەدال بار.