بۇگىندە جامبىل وبلىسىندا ۇلتتىق سپورت تۇرلەرىن دامىتۋعا كوپتەپ كوڭىل بولىنۋدە. بۇل مىندەت ەلباسىنىڭ بۇقارالىق سپورتتى دامىتۋ تۋرالى تاپسىرماسىمەن تىعىز استاسىپ جاتىر. ونىڭ جارقىن مىسالىن تالاس اۋدانىنداعى تىندىرىمدى تىرلىكتەردەن دە اڭعارۋعا بولادى.

اۋداندا ۇلتتىق سپورت تۇرلەرىن دامىتۋ بويىنشا ات سپورتىنان 2 شتات، ال توعىزقۇمالاق سپورت تۇرىنە 1 شتات ءبولىنىپ، ءتيىستى ماماندار جۇمىسقا قابىلدانعان.

جالپى اۋدان بويىنشا بالالار جاسوسپىرىمدەر سپورت مەكتەپتەرى مەن اۋلا جانە سپورت كلۋبتارىندا 7-دەن 18 جاسقا دەيىنگى سپورتپەن شۇعىلدانۋ كورسەتكىشى 24،7 پايىزدى نەمەسە 2 مىڭ 96 بالانى قۇرادى.

اۋداندا كولەمىندە بيىلعى 7 ايدىڭ قورىتىندىسى بويىنشا سپورتپەن جۇيەلى تۇردە شۇعىلداناتىن دەنە مۇمكىندىگى شەكتەۋلى ادامدار قاتارى 117 ادامدى نەمەسە 7،0 پايىزدى قۇرايدى.

ەسەپتى مەرزىمدە اۋدان بويىنشا دەنە مۇمكىندىگى شەكتەۋلى سپورتشىلار اراسىندا 6 سپورتتىق ءىس-شارا ۇيىمداستىرىلىپ، وعان 57 ادام قاتىستى.

-2019 جىلى «ءۇمىت» قيمىل-تىرەك اپپاراتى بۇزىلعان بالالارعا ارنالعان مەكتەپ ينتەرناتى مەملەكەتتىك مەكەمەسىنىڭ 35 وقۋشىسى «شانىراق» فيتنەس كلۋبىنا تۇراقتى دەنە شىنىقتىرۋ جانە سپورتپەن شۇعىلدانۋدا. بۇل وتكەن جىلمەن سالىستىرعاندا 13 بالاعا ارتىپ وتىر.

سونىمەن قاتار، وسىنداي ناسيحات شارالارى اۋدانداعى قۇزىرلى ورگانداردىڭ ەسەبىندە تۇراتىن «قيىن توبىنداعى» كامەلەتكە تولماعاندار اراسىندا تۇراقتى سپورتقا تارتۋ جۇمىستارى دا نازاردان تىس قالعان ەمەس. جىل باسىندا اۋداندىق ىشكى ىستەر بولىمىمەن بىرلەسە وتىرىپ، سپورت مەكەمەلەرىنىڭ تاراپىنان 7 ءجاسوسپىرىم سپورتقا تارتىلدى. ولار سپورت مەكتەپتەرىندە كوگالداعى حوككەي، بوكس، باسكەتبول جانە قازاق كۇرەسى سپورت تۇرلەرىمەن اينالىسۋدا. الداعى ۋاقىتتا دا وسى باعىتتا جۇمىستار جالعاسىن تابادى،-دەيدى تالاس اۋدانى اكىمدىگى دەنەشىنىقتىرۋ جانە سپورت ءبولىمىنىڭ باسشىسى ەرىك مامادياروۆ.

جالپى، 7 ايدىڭ قورىتىندىسى بويىنشا اۋداندا سالاۋاتتى ءومىر سالتىن ناسيحاتتاۋ باعىتىندا بارلىعى 201 سپورتتىق ءىس-شارا ۇيىمداستىرىلىپ، اتالعان ءىس-شارالارعا 18 مىڭنان استام ادام قاتىستى.

وسىلايشا تاعىلىمدى تالاس جەرىندە بۇقارالىق سپورتتى دامىتۋعا باسا كوڭىل بولىنۋدە. بۇل تۇرعىدا بارلىق ساناتتاعى تۇرعىنداردى قامتۋعا باسىمدىق بەرىلىپ جاتقاندىعى قۋانتادى. اۋقىمدى جۇمىستاردىڭ الداعى ۋاقىتتا دا جۇيەلى جالعاسا بەرەتىندىگىنە سەنىم مول.