ەلباسى ن.نازاربايەۆتىڭ قازاقستاندىقتاردىڭ 30 پايىزعا جۋىعىن بۇقارالىق سپورتپەن قامتۋ تۋرالى تاپسىرماسى جامبىل وبلىسىندا جۇيەلى جۇزەگە اسۋدا. اسىرەسە، شۋ اۋدانىدا اتقارىلىپ جاتقان جشارۋالار كوپتىڭ كوڭىلىنەن شىعۋدا. ويتكەنى، ايماقتا جاڭا سپورت نىساندارى كوپتەپ سالىنۋدا. بۇل ىسكە جەكەلەگەن ازاماتتاردىڭ دا ۇلەس قوسىپ جاتقانى قۋانتادى. مىسالى، ساۋرانبايەۆتار اۋلەتىنىڭ دەمەۋشىلىگىمەن 2018 جىلى ەسكىشۋ تىرەك اۋىلدىق وكرۋگى، بەلباسار اۋىلىندا ءزاۋلىم سپورت كەشەنىنىڭ قۇرىلىسى باستالعان. بۇل نىسان 200 كەلۋشىگە ارنالعان. مۇندا 4 سپورت زالى قامتىلاتىن بولادى. ونىڭ بىرەۋى ويىن زالى بولسا، قالعاندارى كۇرەس، بوكس، اۋىر اتلەتيكاعا ارنالعان. جاڭا نىساننىڭ قۇرىلىسى ءۇشىن 0،26 گەكتار جەر تەلىمى ءبولىنىپ بەرىلدى. ال عيماراتتىڭ جوبالىق سمەتالىق قۇنى 550 ميلليون تەڭگەنى قۇرايدى.

ناقتىراق ايتقاندا نىساننىڭ قۇرىلىس جۇمىستارى 2018 جىلدىڭ 29 ساۋىرىندە باستالدى. بۇگىندە ءبىراز جۇمىستار ەڭسەرىلىپ قالعان.

سونىمەن قاتار «قوسقۇدىق» مولتەك اۋدانىنداعى ستاديوننىڭ جوندەۋ جۇمىستارى 2019 جىلعا جوسپارلانعان.

قازىرگى تاڭدا اۋدان اكىمدىگىنىڭ قۇرىلىس، ساۋلەت جانە قالا قۇرىلىسى ءبولىمى تاراپىنان 3،5 مميلليون تەڭگەگە جوبالىق سمەتالىق جانە ساراپتاما قۇجاتتارى تولىعىمەن دايىندالعان. جوبالىق سمەتالىق قۇجاتتاردى «كمس وپتيما» جاۋاپكەرشىلىگى شەكتەۋلى سەرىكتەستىگى دايىنداسا، ساراپتاما قورىتىندىسىن «گەو نۋر قۇرىلىس» جاۋاپكەرشىلىگى شەكتەۋلى سەرىكتەستىگى ازىرلەدى. قۇرىلىستىڭ جالپى سمەتالىق قۇنى 57 ميلليون تەڭگەنى قۇرايدى.

بۇدان بولەك بيىل تولە بي اۋىلىندا شۋ-بۇرىل بايتال اۆتوجولى بويىنان دەنە شىنىقتىرۋ ساۋىقتىرۋ كەشەنىنىڭ قۇرىلىسىن جۇرگىزۋ جوسپارلانۋدا. اتالعان قۇرىلىسقا تولە بي اۋىلىنان 1،5 گەكتار جەر تەلىمى بولىنگەن. جوبالىق سمەتالىق قۇجاتتاردى دايىنداۋعا جەرگىلىكتى بيۋدجەتتەن 3 ميلليون 400 مىڭ تەڭگە بولىنگەن. قۇرىلىستىڭ سمەتالىق قۇنى 295 ميلليون تەڭگەنى قۇرايدى.

بۇگىنگى كۇنگە اۋدان اكىمدىگىنىڭ ساۋلەت، قالا قۇرىلىسى جانە قۇرىلىس ءبولىمى تاراپىنان 2019 جىلدىڭ 29 مامىر كۇنى كونكۋرس جاريالانىپ، 2019 جىلدىڭ 6 تامىز كۇنى اشىلدى. كونكۋرس جەڭىمپازى رەتىندە «تاراز قۇرىلىس ينۆەست» جاۋاپكەرشىلىگى شەكتەۋلى سەرىكتەستىگى مەن اۋدان اكىمدىگىنىڭ ساۋلەت، قالا قۇرىلىسى جانە قۇرىلىس بولىمىمەن 2019 جىلدىڭ 12 تامىز كۇنى كەلىسىم-شارتقا قول قويىلدى. قازىرگى تاڭدا قۇزىرلى مەكەمەلەرمەن قۇجاتتاردى سايكەستەندىرۋ جۇمىستارى جۇرگىزىلۋدە.