جامبىل وبلىسى اۋماعىنىڭ جارتىسىنا جۋىعىن الىپ جاتقان مويىنقۇم اۋدانى كەيىنگى جىلدارى دامۋدىڭ جاڭعىل جولىنا ءتۇسىپ، وركەندەۋگە ءورىس اشۋدا. ايماقتا اۋىل شارۋاشىىعىمەن قاتار ءوندىرىس سالاسى دا وركەندەۋدە. بۇل ارينە، ەلباسى ن.نازاربايەۆتىڭ سارابدال ساياساتىنىڭ جەمىسى ەكەندىگى داۋسىز. قازاقستان رەسپۋبليكاسى تۇڭعىش پرەزيدەنتىنىڭ تىكەلەي تاپسىرماسىمەن قولعا الىنعان مەملەكەتتىك باعدارلامالاردىڭ ناتيجەسىندە جارقىن جوبالار جۇزەگە اسۋدا. ونىڭ جەمىسىن جەرگىلىكتى جۇرتشىلىق ايقىن سەزىنىپ كەلەدى.

مەملەكەت باسشىسى ق.توقايەۆ ەلباسىنىڭ كورەگەندىلىگىمەن ىسكە اسقان ستراتەگيالق ماقساتتاردى ودان ءارى ناتيجەلى جالعاستىرۋ ءۇشىن تىڭ مىندەتتەردى مەجەلەدى. مەملەكەت باسشىسى «سىندارلى قوعامدىق ديالوگ-قازاقستان تۇراقتىلىعى مەن وركەندەۋىنىڭ نەگىزى» اتتى قازاقستان حالقىنا جولداۋىندا اۋىلدى جانە اۋىل شارۋاشىلىعىن دامىتۋعا دەن قويعانى شالعايداعى اعايىند ايرىقشا قۋانتىپ وتىر.

وسى ورايدا پرەزيدەنت: «اۋىل تۇرمىسىنىڭ ساپالى بولۋىن قامتاماسىز ەتپەي، اۋىل شارۋاشىلىعىنىڭ ونىمدىلىگىن ارتتىرۋ مۇمكىن ەمەس.

ءبىز ەلباسىنىڭ «اۋىل – ەل بەسىگى» ارنايى جوباسىن جۇزەگە اسىرۋدى جالعاستىرامىز.

ءبىز شاعىن ەلدى مەكەندەردى دامىتۋعا قاتىستى وتە كۇردەلى ماسەلەنى شەشۋىمىز قاجەت.

وڭىرلىك ستاندارتتار ازىرلەندى. ەندى ولاردى ءۇش مىڭنان استام نەگىزگى جانە قاناتتاس اۋىلدىق ەلدى مەكەندەرگە ەنگىزۋ قاجەت.

ۇكىمەتكە «اۋىل – ەل بەسىگى» جوباسىن جۇزەگە اسىرۋ ءۇشىن بيىل بولىنگەن 30 ميلليارد تەڭگەگە قوسىمشا الداعى ءۇش جىل ىشىندە 90 ميلليارد تەڭگە ءبولۋدى تاپسىرامىن.

بۇل قاراجات كولىك، اۋىز سۋ جانە گازبەن قامتاماسىز ەتۋ سياقتى ينفراقۇرىلىمدىق ماسەلەلەردى شەشۋمەن قاتار، مەكتەپ، اۋرۋحانا، سپورت الاڭدارىن سالۋعا جانە جوندەۋگە جۇمسالادى» دەپ اتاپ كورسەتتى.

بۇگىندە مويىنقۇم اۋدانىندا ساپالى اۋىزسۋعا قول جەتكىزۋ باعىتىندا ناقتى جۇمىستار اتقارىلۋدا. مىسالى، جامبىل اۋىلىندا اۋىز سۋ جۇيەسىنىڭ بۇزىلعانىنا ءبىرشاما ۋاقىت بولعان. الايدا اۋىل حالقىنا قاجەتتى سۋ اۋدان ورتالىعىنان تاسىمالدانىپ بەرىلىپ كەلدى. بۇل سۋ حالىق سۇرانىسىن تولىقتاي قاناعاتتاندىرا قويماعانى دا راس. سوندىقتان دا اۋىل ارداگەرلار كەڭەسىنىڭ ءتوراعاسى كارىباي وسپانوۆ پەن ەڭبەك ارداگەرى تۇرسىنتاي قالداربەكوۆ اۋىلداعى اۋىز سۋدان كورگەن قيىندىقتارىن اۋدان اكىمى مادەن مۇسايەۆتىڭ قابىلداۋىندا بولعاندا ايتقان. اتالعان اپتادا جابىل اۋىلىنان كەلگەن اعايىنداردىڭ سۇرانىسى ورىندالىپ، اۋىلداعى اۋىز سۋ جۇيەسى ىسكە قوسىلدى.