ەلباسى ن.نازاربايەۆتىڭ جارلىعىمەن جاريالانعان جاستار جىلى اياسىندا جامبىل وبلىسىندا جەمىستى جۇمىستار جالعاسۋدا. اسىرەسە، جاستاردىڭ شىعارماشىلىعىن دامىتىپ، جاڭا ەسىمدەردى جۇرتشىلىققا تانىتۋعا باسىمدىق بەرىلۋدە. بۇل تۇرعىدا ءتۇرلى شارالار وتكىزىلىپ، جارقىن جوبالار جۇزەگە اسۋدا. جۋىردا وبلىس اكىمدىگى جاستار ساياساتى ماسەلەلەرى باسقارماسىنىڭ قولداۋىمەن «جايدارلى» جاستار كۆن ليگاسى» جاستار قوعامدىق بىرلەستىگىنىڭ ۇيىمداستىرۋىمەن تاراز قالاسىنداعى «بالاساعۇن» ورتالىق كونسەرت زالىندا جامبىل اشىق ليگاسىنىڭ ½ جارتىلاي فينال ويىنى وتكىزىلدى. شاراعا «پرەستيج» (تاراز «پاراسات» كوللەدجى)، «كتل قۇراماسى» (دارىندى ەر بالالارعا ارنالعان «ءبىلىم-يننوۆاسيا» ليسەيى)، «مەديۋم»، «8ء-شى پاتەر» (م.ح.دۋلاتي اتىنداعى تاراز مەملەكەتتىك ۋنيۆەرسيتەتى)، «Jokers»، «رايان-نۇر» (تارمپۋ) جانە نۇر-سۇلتان قالاسىنان «سارىارقا»، قىزىلوردا وبلىسىنان «بۋ قۇراماسى»، جۋالى اۋدانىنان "بولاشاق قۇراماسى" قاتىستى. ويىن قورىتىندىسى بويىنشا ءبىرىنشى ورىندى «مەديۋم» (تارمۋ) كومانداسى جەڭىپ الدى. ال ەكىنشى ورىندى «رايان-نۇر» (تارمپۋ) ەنشىلەسە، ۇزدىك ۇشتىكتى قىزىلوردا وبلىسىنىڭ «بۋ قۇراماسى» تۇيىندەدى.

ال، اعىمداعى جىلدىڭ قاراشا ايىندا وتەتىن وبلىستىق «ستۋدەنتتىك بال-2019» مەرەكەلىك كەشىنە «پرەستيج» (تاراز «پاراسات» كوللەدجى) مەن «رايان-نۇر» كومانداسى (تارمپۋ) جولداما الدى. ءوز كەزەگىندە «رايان-نۇر» كومانداسى جولداماسىن ونەردەگى ىنىلەرى «Jokers» كومانداسىنا ۇسىندى.

سونىمەن قاتار جاقىندا وبلىس اكىمدىگىنىڭ جاستار ساياساتى ماسەلەلەرى باسقارماسى جانە تاراز يننوۆاسيالىق-گۋمانيتارلىق ۋنيۆەرسيتەتىنىڭ قولداۋىمەن جامبىل وبلىستىق پىكىرسايىس وداعى "ەركىن پىكىر" جاستار قوعامدىق بىرلەستىگى "ستۋدەنت FEST" وبلىستىق كەشەندى فەستيۆالى اياسىندا "ۇزدىك پىكىرسايىس الاڭى" اتتى وبلىستىق پىكىرسايىس ءتۋرنيرىن وتكىزدى. اتالمىش تۋرنيرگە جوعارى جانە ارناۋلى ورتا وقۋ ورىندارىنان 32 فراكسيا قاتىستى. ويىن قورىتىندىسى بويىنشا ءبىرىنشى ورىندى "جاستار جالىنى"، ەكىنشى ورىندى "شىعىستىڭ قىزدارى"، ءۇشىنشى ورىندى "يۋريستى-افەريستى"، "ۇزدىك سپيكەر" نوميناسياسىن بەكتاس ساۋرانبايەۆ، "ۇزدىك تورەشى" نوميناسياسىن نۇرداۋلەت سەرىك ۇلى يەلەنىپ، وبلىستىق "ستۋدەنتتىك بال-2019" مەرەكەلىك كەشىنە جولداما الدى. جەڭىمپازداردىڭ ماراپاتتارى كەش اياسىندا سالتاناتتى تۇردە تابىستالاتىن بولادى.