ەلباسى ن.نازاربايەۆتىڭ سارابدال ساياساتىنىڭ ناتيجەسىندە ەلىمىزدە ۇلتارالىق تاتۋلىق پەن كونفەسسيا ارالق كەلىسىم بەرىك ورنىقتى. بۇگىندە كەڭ بايتاق قازاق دالاسىندا 130-دان استام ەتنوستىڭ وكىلى ءبىر ءۇيدىڭ بالاسىنداي، ءبىر قولدىڭ سالاسىنداي ءتاتۋ-تاتتى عۇمىر كەشۋدە. قازاقستان رەسپۋبليكاسىنىڭ پرەزيدەنتى قاسىم-جومارت توقايەۆ تا «سىندارلى قوعامدىق ديالوگ-قازاقستان تراقتىلىعى مەن وركەندەۋىنىڭ نەگىزى» اتتى قازاقستان حالقىنا جولداۋىندا تاتۋلىق پەن تۇراقتىلىقتى نىعايتۋعا، ازاماتتىق قوعام ينستيتۋتتارىن دامىتۋعا ايرىقشا نازار اۋداردى.

وسى ورايدا جاڭا مەشىتتەردىڭ اشىلۋى دا جاقسىلىقتىڭ نىشانى ىسپەتتەس. كۇنى كەشە شۋ اۋدانىنىڭ جۇرتشىلىعى وسىنداي قۋانىشتى ساتتەردىڭ كۋاسى بولدى.

الدىمەن العا اۋىلدىق وكرۋگىنە قاراستى ساۋىتبەك اۋىلىندا «اسايىن كالپە» اتىنداعى مەشىتتىڭ اشىلۋ سالتاناتى ءوتتى. اۋدان جۇرتشىلىعى جينالعان شاراعا قازاقستان مۇسىلماندارى ءدىني باسقارماسىنىڭ جامبىل وبلىسى بويىنشا وكىلى، «ھيباتۋللا تارازي» مەشىتىنىڭ باس يمامى قانات جۇماعۇل ارنايى كەلىپ، مەشىتتىڭ لەنتاسىن قيۋ راسىمىنە قاتىستى. ءوز كەزەگىندە مەسەنات تا مەشىت قۇرىلىسىنا قول ۇشىن تيگىزگەن ازاماتتارعا العىس ءبىلدىرىپ، سىيلىق تاپسىردى.

سونىمەن قاتار شۋ قالاسىنىنىڭ باتىس مولتەك اۋدانىندا كەلبەتى كەلىسكەن «كارىباي مولدا» مەشىتى ءوز جاماعاتىنا ەسىگىن ايقارا اشتى.

كوپتىڭ كومەگىمەن، دەمەۋشىلەردىڭ قولداۋىمەن بىتكەن مەشىتتىڭ اشىلۋىنا جامبىل وبلىسى بويىنشا قازاقستان مۇسىلماندارى ءدىني باسقارماسىنىڭ وكىلى، «ھيباتۋللا تارازي» مەشىتىنىڭ باس يمامى قانات جۇماعۇل ارنايى كەلىپ، اشىلۋ راسىمىنە قاتىستى.قۇرمەتتى قۇران وقىلۋىمەن باستالعان شاراعا، قۇتتى بولسىن ايتىپ، قۋانىپ كەلگەن جاماعاتتىڭ قاتارى كوپ بولدى. رەسپۋبليكالىق ماندەگى جولدىڭ بويىندا ورىن تەپكەن بۇل مەشىتكە قيىن قىستاۋ كەزەڭدە ءدىن ۇيرەتىپ، ۇستازدىق ەتكەن كارىباي مولدانىڭ ەسىمى بەرىلدى. اشىلۋ سالتاناتىندا كەلگەن كارىباي مولدانىڭ ۇرپاقتارى، كوزىن كورگەن كىسىلەر مەن قۇدا جەگجاتتارى ءسوز سويلەپ، باتالارىن بەردى.قۇتتىقتاۋلاردان كەيىن مەشىتتىڭ لەنتاسىن قيۋ ءراسىمى ءوتىپ، جاماعات مەشىتتەگى العاشقى نامازىن وقىدى. ونان بولەك وسى شارادا كىر تاسىن كوتەرۋ، قوي كوتەرۋ سىندى ۇلتتىق ويىن تۇرلەرىنەن جارىس ءوتىپ، جيىلعان جۇرتقا اس بەرىلدى. «كارىباي مولدا» مەشىتى قالاداعى 4، اۋدانداعى 28 مەشىت بولماق.