قازاقستاندىقتار ەرتەڭىنە، ەلىنىڭ بولاشاعىنا سەنىممەن قارايدى. ءبىز ءۇشىن بولاشاعىمىزعا باعدار بەرەتىن، ۇلتتى ۇيىستىرىپ، ۇلى ماقساتتارعا جەتەلەيتىن باعدارلاما بار. ول ەلباسىنىڭ «بولاشاققا باعدار: رۋحاني جاڭعىرۋ» اتتى باعدارلامالىق ماقالاسى. ماقالانىڭ ماقساتى - سانانى ۇلتتىق تۇرعىدا جاڭعىرتۋ دەسەك، وسى كۇنگە دەيىن بۇل باعىتتا اتقارىلعان جۇمىستار از ەمەس.

باعدارلاما اياسىندا جامبىل وبلىسىنىڭ شۋ اۋدانىنداعى «جىبەك جولى مەكتەپ - ليسەيى» جوبا بويىنشا مەكتەپ وقۋشىلارىنا ءتۇرلى باعىتتاردا ناتيجەلى ءدارىس بەرىپ الدىڭعى قاتاردان كورسەتۋى ءجيى ورىن الۋدا. اتاۋلى ليسەي وسىدان 26 جىل بۇرىن شۋ قالاسى اكىمشىلىگىنىڭ № 180 شەشىمىنە سايكەس ءوز جۇمىسىن باستاعان بولاتىن. وسى ۋاقىت ىشىندە 2018-2019 وقۋ جىلىندا «جىبەك جولى مەكتەپ-ليسەيى» كمم وقۋشىلارى مەكتەپتىڭ تاجىريبەلى مۇعالىمدەرىنىڭ جەتەكشىلىگىمەن ءتۇرلى سالاداعى تاقىرىپتارعا نەگىزدەلگەن عىلىمي جوبالار جازىپ، پاندىك وليمپيادا/بايقاۋلارعا قاتىستى. مەكتەپ-ليسەي قازاقستاننىڭ 4 جانە رەسەيدىڭ 1 جوعارعى وقۋ ورىندارىمەن، حالىقارالىق «بولشايا مەدجۋنارودنايا ەنسيكلوپەديا» مەن قازاقستان پەداگوگيكالىق اكادەمياسىمەن ۇجىمدىق كەلىسىم شارتتار قۇرعان. وسى كەلىسىم شارتتاردى جۇزەگە اسىرۋ ماقساتىندا مەكتەپ-ليسەي وقۋشىلارى ءتۇرلى بايقاۋلارعا قاتىسىپ كەلەدى. رەسپۋبليكالىق ءپان وليمپياداسىنىڭ اۋداندىق كەزەڭىندە 14 وقۋشى ءتۇرلى ورىندارعا يە بولىپ، وبلىستىق كەزەڭگە 2 وقۋشى جولداما العان. اۋداندىق ءبىلىم بولىمىنە سۇرانىس بەرۋ ارقىلى «شامشىراق»، «بىلگەن بايگە/الامان»، «كەنگۋرۋ»، «جاس ءبىلىمپاز»،«اقبوتا» ينتەللەكتۋالدى بايقاۋلارىنا قاتىسىپ، 60 ءى،ءىى،ءىىى دارەجەلى ديپلومدارعا يە بولدى. بيىلعى جىلى مەكتەپ-ليسەي وقۋشىلارى 102 ءتۇرلى دارەجەدەگى ورىنداردى يەلەنگەن. «قازاقستان تاريحى» پانىنەن «SKILLS AKADEMY» ورتالىعى ۇيىمداستىرعان رەسپۋبليكالىق وليمپياداعا قاتىسقان 10 وقۋشىنىڭ جۇمىستارى جوعارى دەڭگەيدە ورىندالعان دەپ سانالىپ، «قازاقستان ءۇمىتى» توسبەلگىسىمەن ماراپاتتالدى.«جىبەك جولى مەكتەپ-ليسەيى» كمم دارىندى وقۋشىلارى ءبىلىم مەن عىلىمنىڭ شىڭىن باعىندىرۋدى ءالى دە جالعاستىرۋدا. وسىنداي باعىتتا قارقىندى جۇمىس جاساپ وتىرعان مەكتەپ اۋلاسىنان «مەتەورولوگيالىق ستانسيا» اشىلىپ لەنتاسى قيىلدى. بۇل جاڭا اشىلعان «مەتەورولوگيالىق ستانسيا»-نىڭ قۇرامىنا مەتەورولوگيالىق الاڭ، تەرمومەترلى جانە گيدرومەترلى ۇيشىك، جەل باعىتىن ولشەيتىن اسپاپ، جاڭبىر ولشەۋىش جانە توپىراق تەرمومەترى ورناتىلعان.مەكتەپ باعدارلاماسىنىڭ ەكىنشى باعىتى ۇلى اقىن اباي قۇنانبايەۆتىڭ 175 جىلدىعىنا بايلانىستى جىلداعى ءداستۇر بويىنشا 5 سىنىپ وقۋشىلارىن «ليسەيست» قاتارىنا قابىلداپ كۋالىكتەرىن تابىستادى. ال ليسەي وقۋشىلارى ءوز ارالارىندا «ونەرلى ليسەيستتەر» «اباي – دارا، اباي – دانا» اتتى ولەڭدەرى مەن قارا سوزدەرىنەن سايىس وتكىزدى.