قازاقستان رەسپۋبليكاسىنىڭ پرەزيدەنتى قاسىم-جومارت توقايەۆ «سىندارلى قوعامدىق ديالوگ-قازاقستان تۇراقتىلىعى مەن وركەندەۋىنىڭ نەگىزى» اتتى جولداۋىندا الەۋمەتتىك ماسەلەگە باسا نازار اۋدارعانى بەلگىلى. بۇل باعىتتاعى جۇمىستارعا جامبىل وبلىسىنداعى «قازفوسفات» جاۋاپكەرشىلىگى شەكتەۋلى سەرىكتەستىگى دە وزىندىك ۇلەسىن قوسىپ، جۇمىسشىلاردىڭ جاعدايىن جاقسارتۋ ماقساتىندا جاڭا جوبالاردى جۇزەگە اسىرۋدا.
– باستى ماقساتىمىز – بىزدە قىزمەت اتقاراتىن ازاماتتاردىڭ الەۋمەتتىك قاۋىپسىزدىگى مەن ءال-اۋقاتى. بۇل قوعامداعى تۇراقتىلىقتىڭ كەپىلى. ءبىز بارلىق قازاقستاندىقتاردىڭ ءال-اۋقاتىنىڭ ارتىپ، ءوندىرىس وشاقتارىنداعى ەڭبەك قاۋىپسىزدىگىنىڭ قامتاماسىز ەتىلۋى مەملەكەتىمىزدىڭ ەڭ ماڭىزدى مىندەتى بولىپ قالا بەرەتىنىن بىلەمىز. كومپانيا وسى ماسەلەدە تولىق جاۋاپكەرشىلىكتى سەزىنەدى جانە ءوز قىزمەتكەرلەرى مەن ولاردىڭ وتباسىلارىنىڭ ءال-اۋقاتىن ساقتاۋ جانە ارتتىرۋ ءۇشىن بارلىق كۇش-جىگەرىن جۇمسايدى، – دەيدى سەرىكتەستىكتىڭ باس ديرەكتورى، قازاقستاننىڭ ەڭبەك ەرى مۇقاش ەسكەندىروۆ.
سونداي-اق كومپانيا جۇمىس جاسايمىن دەگەن جاستارعا مول مۇمكىندىكتەردى قاراستىرىپ وتىر. بۇگىندە وندا 6000 قىزمەتكەر جۇمىس ىستەيتىن بولسا، ولاردىڭ قاتارىندا جاستاردىڭ الاتىن ۇلەس سالماعى ايتارلىقتاي. ناقتىراق ايتقاندا، كاسىپورىنداعى جۇمىسشىلاردىڭ 34 پايىزى جاسى 35-كە دەيىنگى جاستاردى قۇرايدى. ياعني، 2174 جاس سەرىكتەستىك كاسىپورىندارىندا تۇراقتى جۇمىسپەن قامتىلعان. بولاشاق جاستاردىڭ قولىندا ەكەنىن جەتە تۇسىنەتىن سەرىكتەستىك باسشىلىعى 2011 جىلى بەلسەندى جاستار قوزعالىسىن قالىپتاستىرىپ، جاس مامانداردىڭ باسىن قوسىپ بىرىكتىرۋ ماقساتىندا جاستار وداعىن قۇرعان. «ارتقا قاراي شەگىنبە، ورنىڭدا قالما، تەك قانا العا!!!» اتتى ۇرانى بار ول ۇيىم جاستاردىڭ بوس ۋاقىتىن ءتيىمدى پايدالانۋ مەن حيميا سالاسى بويىنشا بىلىمدەرىن جەتىلدىرۋ باعىتىندا ىلكىمدى ىستەردى اتقارۋدا. وداق ءتورايىمى ديانا ارالبايەۆانىڭ ايتۋىنشا، بۇل ۇيىم بيىلعى جاستار جىلىنا وراي ءبىرقاتار شارانى ىسكە اسىرىپتى. الداعى ۋاقىتتا بۇل باعىتتاعى جۇمىستارى جالعاسا بەرمەك ەكەن.
– وداق تاراپىنان جاستاردى جاتاقحانا ورنالاستىرۋ ماسەلەلەرى بويىنشا دا ىلكىمدى ىستەر جاسالىنۋدا. راسىندا، ءوز ءىسىنىڭ شەبەرى بولىپ، ۋاقىت وتە كەلە قىزمەت ساتىسى دا جوعارىلايدى. بۇل تۇرعىدا ولارعا ەڭ اۋەلى ءبىلىم قاجەت. سوندىقتان وداق تاراپىنان جۇمىسشى جاستاردىڭ جوعارى ءبىلىم الۋعا شاقىرىپ، ونىڭ جولدارىن كورسەتەمىز. ەلباسىنىڭ ءوزى بيىلعى جىلدى بىزدەرگە ەنشىلەپ بەرگەننەن كەيىن جوسپارسىز وتىرعان جاراسپايدى. كومپانيانىڭ باس ديرەكتورى مۇقاش زۇلقارناي ۇلىنىڭ باسشىلىعىمەن سەرىكتەستىك جاستارى اراسىندا ۇلكەن مەگا جوبا وتكەن بولاتىن. «بولاشاق ءبىزدىڭ قولىمىزدا!» دەپ اتالعان جوبانىڭ جەڭىمپازدارى انىقتالىپ، جەڭىمپازدار ماراپاتتالدى، – دەيدى د.ارالبايەۆا.
پىكىر قالدىرۋ