ەلباسى ن.نازاربايەۆتىڭ بۇقارالىق سپورتتى دامىتۋ تۋرالى تاپسىرماسىنا سايكەس، جامبىل وبلىسىندا جەمىستى جۇمىستار اتقارىلۋدا. وسى ورايدا جۋالى اۋدانىندا دا جىلدان جىلعا ىلگەرىلەۋ انىق بايقالىپ وتىر. مىسالى، 2017 جىلى اۋداندا بارلىعى 111 سپورتتىق عيمارات جۇمىس ىستەسە، 2018 جىلى ولاردىڭ قاتارى 120-عا ارتتى. ايتا كەتۋ كەرەك، 2017 جىلى بيلىكول اۋىلدىق وكرۋگى، قاراباستاۋ اۋىلىندا وبلىستىق بيۋدجەت ەسەبىنەن جاساندى توسەنىشى بار فۋتبول الاڭشاسى جانە دەمەۋشىلەر ەسەبىنەن ۆولەيبول الاڭشاسى پايدالانۋعا بەرىلدى. سونىمەن قاتار، ب. مومىش ۇلى اۋىلىندا «Street Workout» الاڭشاسى سالىندى. اۋدانداعى 34 سپورت نىساندارىنا اۋىل تۇرعىندارىنىڭ قولجەتىمدىلىگىن قامتاماسىز ەتۋ ماقساتىندا ءبىلىم بەرۋ مەكەمەلەرىنىڭ سپورت زالدارى مەن اۋدان ورتالىعىندا ورنالاسقان سپورت نىساندارىندا شۇعىلدانۋ كەستەسى جاسالىپ، جەرگىلىكتى بۇقارالىق اقپارات قۇرالدارىندا جاريالاندى.

اۋدان بويىنشا 14-29 جاس ارالىعىنداعى جاستار سانى 14817 ادامدى قۇرايدى. ونىڭ 7087ء-ى سپورتپەن جۇيەلى تۇردە شۇعىلداندى. سول جىلى ۇيىمداستىرىلعان 301 ءىس-شاراعا 57610 اۋدان تۇرعىنى قاتىستىرىلدى. ال 2017 جىلدىڭ قورىتىندىسى بويىنشا جۇيەلى تۇردە دەنە شىنىقتىرۋ جانە سپورتپەن اينالىساتىن تۇرعىنداردىڭ ۇلەسى 51399 تۇرعىننىڭ 14658-سىن، ياعني 28،5 پايىزىن قۇرادى.

قارجىلاندىرۋ كولەمى دە جىلدان جىلعا ۇلعايۋدا. 2017 جىلى اۋدان سپورتىن دامىتۋعا 14،0 ميلليون تەڭگە، ونىڭ ىشىندە ۇلتتىق جانە بۇقارالىق سپورت تۇرلەرىن دامىتۋعا-2،0 ميلليون تەڭگە، اۋداندىق سپورتتىق ءىس-شارالار وتكىزۋگە -3،3 ملن. تەڭگە جانە اۋدان قۇراما كوماندالارىن وبلىستىق جارىستارعا قاتىستىرۋعا – 8،7 ميلليون تەڭگە قاراستىرىلدى. ەسەپتى كەزەڭدە اۋىلدىق وكرۋگتەردە 14 ارنايى ءبىلىمى بار سپورت نۇسقاۋشىلار شتاتتىق بىرلىكتەرى اشىلىپ، جۇمىس جاسادى.

اۋداندا № 12 جانە № 13 بالالار جاسوسپىرىمدەر سپورت مەكتەپتەرى جۇمىس ىستەيدى. سپورت مەكتەپتەردىڭ 92 سەكسياسى اۋدان بويىنشا 1383 جاستاردى قامتىپ، قازاقشا كۇرەس، بوكس، دزيۋدو، تاەكۆوندو، كوكپار، ەركىن كۇرەس، فۋتبول، ۆولەيبول، گىر كوتەرۋ، توعىزقۇمالاق، ۇستەل تەننيسى، قول كۇرەسى ويىندارىنىڭ تۇرلەرىمەن اۋدان جاستارىن دەنە شىنىقتىرۋعا تارتىپ وتىر.

ءبىلىم بەرۋ مەكتەپتەرىندەگى سەكسيالار سانى – 110، وندا 5400 ءجاسوسپىرىم ءتۇرلى سپورت ۇيىرمەلەرىندە سپورتپەن شۇعىلداندى. «اۋلا كلۋبىنىڭ» سپورتتىق ۇيىرمەلەرىندە 181 ءجاسوسپىرىم تاەكۆوندو، بوكس، شاحمات جانە فۋتبولمەن شۇعىلدانۋدا.