جامبىل وبلىستىق كوزى كورمەيتىن جانە ءالسىز كورەتىن ازاماتتار كىتاپحاناسىندا ەلباسى-قازاقستان رەسپۋبليكاسىنىڭ تۇڭعىش پرەزيدەنتى ن.نازاربايەۆتىڭ «ۇلى دالانىڭ جەتى قىرى» اتتى ماقالاسى اياسىندا كوشپەلى وركەنيەتىمىزدىڭ ەجەلگى ءىرى تاريحي تۇلعالارىن ناسيحاتتاۋ ماقساتىندا «ۇلى دالانىڭ ۇلى پەرزەنتتەرى» اتتى تاريحي مارافون وتكىزىلدى.
تاريحي مارافوندا ءابۋ ناسىر ءال-فارابي، اباي قۇنانبايەۆ، ت.رىسقۇلوۆ، سۇلتانبەك قوجانوۆ، تاعى دا باسقا ۇلت تاريحىندا ەسىمدەرى التىن ارىپتەرمەن جازىلعان، ەلىنىڭ سان عاسىرلىق مۇراسىنا ەڭبەگى سىڭگەن پەرزەنتتەرىنىڭ ۇرپاعىنا قالدىرعان ەڭبەكتەرى كەڭىنەن ناسيحاتتالدى.
سونىمەن قاتار ش.ءۋاليحانوۆ اتىنداعى جامبىل وبلىستىق امبەباپ عىلىمي كىتاپحاناسىندا 18 قازان - قازاقستان رەسپۋبليكاسى رۋحاني كەلىسىم كۇنىنە وراي جاس ۇرپاقتىڭ بويىنا ءدىني سالاۋاتتىلىقتى قالىپتاستىرۋ ماقساتىندا «ءدىني ەكسترەميزم، تەرروريزم – بەيبىتشىلىكپەن پەن تۇراقتىلىققا تونگەن ءقاۋىپ» تاقىرىبىندا جامبىل مەديسينالىق كوللەدجىنىڭ 3 كۋرس ستۋدەنتتەرى مەن ۇستازدارىنىڭ قاتىسۋىمەن ويتالقى ءوتتى.
ءىس-شارا بارىسىندا كىتاپحانا قىزمەتكەرلەرى ەكسترەميزم-ناداندىققا، كورسوقىرلىققا بەيىمدەلگەن كوزقاراس ەكەنىن، ورتالىقتان اۋىتقۋ، تارتىپكە باعىنباۋ، ءوز پىكىرىمەن عانا ارەكەت جاساۋشى ۇعىم ەكەنىنە توقتالىپ، ارنايى بەينەماتەريالدى ستۋدەنتتەر نازارىنا ۇسىندى. رۋح كەمەلدەنۋى ءۇشىن، ءاربىر ادام يبالى، قوعام يماندى بولۋ كەرەكتىگى دە ايتىلىپ، ۇلت زيالىسى، ەل جاناشىرى ءمىرجاقىپ دۋلات ۇلىنىڭ «ويان قازاق» ولەڭىنەن ءۇزىندى وقىلدى.
سونداي-اق د.ا.قونايەۆ اتىنداعى وبلىستىق بالالار مەن جاسوسپىرىمدەر كىتاپحاناسىندا مەكتەپ وقۋشىلارىمەن قىزىقتى جيىن ءوتتى.
تاراز قالاسىنداعى №32 ورتا مەكتەپتىڭ 8 سىنىپ وقۋشىلارى قاتىسقان «بۇگىنگى قازاق پوەزياسىنىڭ: جەتىستىكتەرى مەن ولقىلىقتارى» اتتى پىكىرتالاستىڭ ماقساتى – وقىرمانداردى كوپشىلىك الدىندا ەركىن سويلەۋگە، ءوز ويىن جەتىك، تولىق جەتكىزۋگە، سويلەۋ مادەنيەتىن دامىتۋعا باعىتتاۋ. ءىس-شارا بارىسىندا قازاق پوەزياسى تۋرالى ماعلۇمات بەرىلىپ، بەينەروليك كورسەتىلدى. وقىرماندار ەكى توپقا ءبولىنىپ پىكىرتالاس الماسىپ، وزدەرىنىڭ ۇتىمدى جاۋاپتارىن ايتىپ، ءار توپ ولەڭ جولدارىن وقىدى.
رۋحاني جاڭعىرۋعا باعىتتالعان مۇنداي شارالار الداعى ۋاقىتتا دا جالعاسا بەرەتىن بولادى.
پىكىر قالدىرۋ