ەلباسى ن.ءا.نازاربايەۆتىڭ 2020 جىلعا دەيىن قازاقستان حالقىنىڭ كەم دەگەندە 30 پايىزىن بۇقارالىق سپورتقا تارتۋ مىندەتىن بەلگىلەۋى، دەنە شىنىقتىرۋ مەن سپورتتىڭ ادام ومىرىنە دەگەن ماڭىزىن بارىنشا كۇشەيتىپ وتىرعاندىعى بەلگىلى.

قازاقستان رەسپۋبليكاسىندا دەنە شىنىقتىرۋ مەن سپورتتى دامىتۋدىڭ 2011–2016 جىلدارعا سالالىق باعدارلاماسىندا دا 2020 جىلعا قاراي سالاماتتى ءومىر سالتىن سەرىك ەتكەن ازاماتتاردىڭ سانىن 30 پايىزعا جەتكىزۋ كوزدەلگەن بولاتىن. وسى ورايدا جامبىل وبلىسىنداعى مويىنقۇم اۋدانىندا دا ناتيجەلى جۇمىستار اتقارىلۋدا. وعان سپورتپەن شۇعىلدانۋشىلار كورسەتكىشىنىڭ جىلدان جىلعا ارتىپ كەلە جاتقاندىعى دالەل بولا الادى.

2011جىلى اۋداندا 5950 ادام (18،5%،) سپورتپەن شۇعىلدانسا، 2012 جىلى بۇل كورسەتكىش 6296 ادامعا نەمەسە 19،5 پايىزعا ارتتى. 2013 جىلى – 6585 ادام نەمەسە 20،5 %، 2014 جىلى – 7562 ادام نەمەسە 23،1%، 2015 جىلى – 8158 ادام نەمەسە 24،8 % ، 2016 جىلى 8742 ادام نەمەسە 26،6%، 2017 جىلى 9246 ادام نەمەسە 28،2%، 2018 جىلى 9265 ادام نەمەە 28،3% دەڭگەيىندە قالىپتاستى.

بۇگىنگى تاڭدا مويىنقۇم اۋدانىندا 104 سپورت نىسانى تىركەلگەن. ونىڭ ىشىندە 1 سپورت كەشەنى، 1 ورتالىق ستاديون، 28 سپورت زالى مەن 74 سپورت الاڭدارى مەن الاڭشالارى بار.

اتالعان سپورت نىساندارىنىڭ 86-سى جالپى ءبىلىم بەرۋ مەكەمەلەرىنىڭ، 9-ى سپورت مەكتەبىنىڭ، 4ء-ۋى ورتا ارنايى وقۋ ورنىنىڭ، 5ء-ۋى باسقا مەكەمەلەردىڭ تەڭگەرىمىندە.

اۋدانداعى بارلىق 104 سپورت نىسانىنىڭ 62ء-سى سپورت الاڭشالارى بولسا، ونىڭ 15ء-سى كىشى فۋتبول الاڭشالارىن، 4ء-ۋى جاساندى توسەنىشى بار كىشى فۋتبول الاڭشالارىن 11 قاراپايىم فۋتبول الاڭدارىن قۇرايدى. سونىمەن قاتار قاراپايىم 23 ۆولەيبول، 20 باسكەتبول، 2 گيمناستيكالىق جانە 2 قۇرامداستىرىلعان سپورت الاڭشالارى بار.

وبلىس اكىمى مەن اۋدان اكىمى اراسىنداعى كەلىسىلگەن ءتۇيىندى نىسانالى ينديكاتور بويىنشا 2019 جىلى اۋداندا قوسىمشا 12 سپورت الاڭشالارى سالىنۋ جوسپارلانعان. ياعني 5 كىشى فۋتبول، 7 ۆولەيبول الاڭشالارى. ونىڭ 2 فۋتبول الاڭشاسى اۋداندىق بيۋدجەتتەن سالىنسا (1 الاڭشا بىرلىك اۋىلىندا، 1 الاڭشا مويىنقۇم اۋىلىنداعى ورتالىق ستاديوننىڭ ىشىندە) 1 فۋتبول الاڭشاسى (اقسۇيەك) جەكە باقىلاۋ ەسەبىندەگى قولما قول اقشادان (كسن) جانە 2 فۋتبول الاڭشاسى (مىڭارال، شىعاناق) دەمەۋشىلەر ەسەبىنەن سالىنۋ جوسپارلانعان. سونىمەن قاتار كوكجەلەك، كۇشامان، جامبىل، اقباقاي، قىلىشباي، قارابوگەت، حانتاۋ اۋىلدارىندا دەمەۋشىلەر تاراپىنان قاراپايىم ۆولەيبول الاڭشالارىن سالۋ جوسپارلانۋدا.