كەيىنگى جىلدارى جامبىل وبلىسىنداعى جۋالى اۋدانىنىڭ داڭقى سپورت سالاسى بويىنشا دا اسقاقتاپ كەلەدى. وعان نەگىز دە جوق ەمەس. ويتكەنى، ەلباسى ن.نازاربايەۆتىڭ بۇقارالىق سپورتتى دامىتۋ تۋرالى تاپسىرماسىنا سايكەس مۇنداي تىڭعىلىقتى تىرلىكتەر اتقارىلۋدا. سونىڭ ناتيجەسىندە سايىپقىران ساڭلاقتار قاتارى دا ارتىپ، وبلىسىمىزدىڭ جانە ەلىمىزدىڭ ابىرويىن اسقاقتاتۋدا.

مىسالى، ەلىمىزدىڭ اتىن الەمدىك دەڭگەيدە شىعارىپ جۇرگەن سپورتشىلار، امانقۇل ءابىلحان – بوكستان الەم چەمپيوناتىنىڭ، ازيا ويىندارىنىڭ كۇمىس جۇلدەگەرى. راحمانقۇل ساعادات – ق ر چەمپيونى. ول بۇگىنگى تاڭدا اقش-تا كاسىبي بوكستا ونەر كورسەتىپ ءۇش جەكپە-جەكتىڭ ۇشەۋىندە دە جەڭىسكە جەتتى. ال قۇلاجان توعايبايەۆ - ۇلتتىق سپورت ءتۇرى كوكپاردان ق ر قۇراما كومانداسى ساپىندا الەم چەمپيونى.

رەسپۋبليكالىق جانە الەمدىك دەڭگەيدە اۋدان اتىن قورعاپ جۇرگەن سپورتشىلار: شەرۋنكوۆا ەلەنا-بوكستان الەم چەمپيوناتىنىڭ قولا جۇلدەگەرى، قانيباي ارداق – قول كۇرەسىنەن الەم چەمپيونى، ازيا چەمپيوناتىنىڭ جۇلدەگەرى، قالىپ ابىلاي – قول كۇرەسىنەن ازيا چەمپيوناتىنىڭ جۇلدەگەرى، ەدىلحان اليشەر – مۇگەدەكتەر اراسىندا قول كۇرەسىنەن ازيا چەمپيوناتىنىڭ كۇمىس جۇلدەگەرى، تاۋباي ابزال – «تاراز» فۋتبول كلۋبىنىڭ ويىنشىسى، ابدرامبەك ماقسات – تاەكۆوندودان ق ر چەمپيونى، ءابىقاي ابىكەن جانە سايلاۋباي جەڭىس دزيۋدودان ق ر چەمپيوندارى جانە جۇلدەگەرلەرى.

جالپى، وتكەن جىلى جۋالى اۋدانىندا بارلىعى 120 سپورتتىق عيمارات انىقتالدى. ونىڭ ىشىندە: 1 ورتالىق ستاديون، 1 سپورت كەشەنى، 10 اتقىشتار ءتيرى، 11 ۇلكەن فۋتبول الاڭدارى، 59 شاعىن الاڭشالار، 38 سپورتتىق زالدارى بار. سونىمەن قاتار 2018 جىلى بيلىكول، شاقپاق، قاراساز، اقتوبە اۋىلدىق وكرۋگتەرىندە جەرگىلىكتى بيۋدجەت ەسەبىنەن «Street Workout» الاڭشالارى سالىندى. ب.مومىش ۇلى اۋىلىندا اكىمشىلىك عيماراتى سپورت زالى رەتىندە پايدالانۋعا بەرىلدى. سونداي-اق قىزىلارىق اۋىلدىق وكرۋگىندە جاڭا مەكتەپ سالىنىپ، 1 سپورت زال جانە 2 الاڭشا پايدالانۋعا بەرىلدى. 2017 جىلمەن سالىستىرعاندا سپورت نىساندارىنىڭ سانى 8-گە ارتقان. 2018 جىلدىڭ 12 ايىندا ۇيىمداستىرىلعان 336 ءىس-شاراعا 63710 اۋدان تۇرعىنى قاتىستىرىلدى. ءىس-شارالاردىڭ 317ء-سى سالاۋاتتى ءومىر سالتىن ناسيحاتتاۋ بويىنشا بولسا، 19 -ى سالالىق سپارتاكيادالار.

بۇل باعىتتاعى جۇمىستار بيىل دا جەمىستى جالعاسۋدا.