مەملەكەت باسشىسى ق.توقايەۆتىڭ اعىمداعى جىلدىڭ 2 قىركۇيەگىندەگى قازاقستان حالقىنا جولداعان جولداۋىندا الداعى ءتورت جىل ىشىندە مۇعالىمدەردىڭ ەڭبەك اقىسىن ەكى ەسە ارتتىرۋدى تاپسىرىلعان بولاتىن. بۇل – كەلەسى جىلدان باستاپ ۇستازداردىڭ جالاقىسى 25 پايىزعا وسەدى دەگەن ءسوز. وسى ورايدا جامبىل وبلىسى بويىنشا ءبىلىم سالاسىنىڭ 65467،05 شتاتتىق بىرلىك قىزمەتكەرلەرىنىڭ جالاقىسىن ۇلعايتۋعا رەسپۋبليكالىق بيۋدجەتتەن 30،5 ملرد.تەڭگە ءبولۋ جوسپارلانىپ وتىر.
ەلباسىنىڭ 2019 جىلعى 27 اقپانداعى "نۇر وتان" پارتياسىنىڭ XVIII كەزەكتى سەزىندەگى تاپسىرماسىنا سايكەس 2019 جىلعى 1 ماۋسىمنان باستاپ 73605 بىرلىك ازاماتتىق جانە شتاتتان تىس قىزمەتشىلەردىڭ جالاقىسى 15-30 پايىزعا كوتەرىلدى.
بۇدان باسقا، 2019 جىلعى 1 شىلدەدەن باستاپ ىشكى ىستەر ورگاندارى قىزمەتكەرلەرىنىڭ لاۋازىمدىق جالاقىلارى 20 پايىزدان 65 پايىزعا دەيىن ۇلعايدى. بۇل ماقساتقا رەسپۋبليكالىق بيۋدجەتتەن قوسىمشا 797،2 ميلليون تەڭگە ءبولىندى.
جامبىل وبلىسى اكىمدىگى ەكونوميكا جانە بيۋدجەتتىك جوسپارلاۋ باسقارماسىنىڭ باسشىسى، گ.جاۋىنبەكوۆانىڭ ايتۋىنشا، ەسەپتى كەزەڭدە الەۋمەتتىك كورسەتكىشتەردىڭ وڭ ديناميكاسى بايقالىپ وىر. حالىقتىڭ ورتا ەسەپپەن جان باسىنا شاققانداعى اتاۋلى اقشالاي تابىستارى 2019 جىلدىڭ 1 توقسانىندا 66361 تەڭگەنى قۇراپ، 2018 جىلدىڭ ءتيىستى كەزەڭىمەن سالىستىرعاندا اتاۋلى كورىنىستە 14،0 پايىزعا، ناقتى – 8،5 پايىزعا ارتتى.
ورتاشا ايلىق اتاۋلى جالاقى 2019 جىلدىڭ 2 توقسانىندا 126،5 مىڭ تەڭگەنى قۇراپ، اتاۋلى كورىنىستە 13،7 پايىزعا، ناقتى - 8،2 پايىزعا ءوستى.
ەڭ تومەنگى جالاقى مولشەرى 1،5 ەسەگە ءوسىپ، بيۋدجەتتىك مەكەمەلەردەگى 32،6 مىڭ قىزمەتكەردىڭ جانە 5966 جەكە سەكتورداعى 71 مىڭنان اسا جۇمىسكەردىڭ جالاقىسى ارتتى.
جۇمىسسىزدىق دەڭگەيى 2019 جىلدىڭ 2 توقسانىندا 4،8 پايىزدى قۇراپ، وتكەن جىلدىڭ ءتيىستى كەزەڭىمەن سالىستىرعاندا 0،1 پايىزدىق تارماققا تومەندەدى.
2019 جىلى 12147 جاڭا جۇمىس ورىندارىن اشۋ جوسپارلانۋدا، ونىڭ ىشىندە تۇراقتى – 5500، ۋاقىتشا – 6647. بيىلعى 8 ايدىڭ قورىتىندىسىمەن اشىلعان جۇمىس ورىندارى – 12417 بىرلىكتى قۇراپ، جىلدىق جوسپار 102،2 پايىزعا ورىندالدى.
وسىلايشا جاڭا جۇمىس ورىندارى اشىلىپ، جالاقى كولەمى دە ەداۋىر ۇلعايدى. تۇرعىنداردىڭ تابىسى ارتسا، تۇرمىسى دا جاقسارا تۇسەتىندىگى ءسوزسىز. الەۋمەتتىڭ الەۋەتىن ارتتىرۋعا باعىتتالعان جۇمىستار جۇيەلى جالعاسا بەرەتىن بولادى.
پىكىر قالدىرۋ