الماتىنىڭ قوعامدىق قابىلداۋىنا قالا تۇرعىندارى اباتتاندىرۋ، قوعامدىق كولىك جانە جولدار، ينجەنەرلىك جەلىلەر، تۇكش ماسەلەلەرى بويىنشا ءجيى ءوتىنىش تۇسىرەدى، دەپ حابارلايدى اكىمدىكتىڭ باسپا ءسوز قىزمەتى.

الماتى اكىمدىگىنىڭ Open Almaty قوعامدىق قابىلداۋى 2017 جىلدىڭ قىركۇيەك ايىنان باستاپ جۇمىس جاساۋدا. جوبا Smart Almaty كونسەپسياسىن جۇزەگە اسىرۋدىڭ ءبىر بولىگى بولىپ تابىلادى جانە ونىڭ قۇرامىنا فرونت-وفيس، قالالىق اقپاراتتىق پورتال جانە بايلانىس ورتالىعى ەنگەن.

«ءبىر تەرەزە» قاعيداسى بويىنشا ءاربىر قالالىق Open Almaty-داعى اۋداندىق اكىمدىكتەر، الەۋمەتتىك ءال-اۋقات، تۇرعىن ءۇي ساياساتى، جاسىل ەكونوميكا، قالالىق جوسپارلاۋ جانە ۋربانيستيكا، قالا قۇرىلىسىن باقىلاۋ، جەر قاتىناستارى، قالالىق موبيلدىلىك باسقارمالارى، تجد، پد، سوتتان تىس تاتۋلاستىرۋ ورتالىعى، «اتامەكەن» ۇكپ، «ءتۇرعىنۇيقۇرىلىسجيناق بانكى»، كوممۋنالدىق كاسىپورىندار وكىلدەرىنەن كەڭەس الۋىنا بولادى.

بارلىق وتىنىشتەر ءبىرىڭعاي اقپاراتتىق جۇيەگە تىركەلەدى. اۋداندار اكىمدىكتەرىنىڭ، باسقارمالاردىڭ، كوممۋنالدىق قىزمەتتەردىڭ ورىنداۋشىلارى ۇسىناتىن جاۋاپتاردىڭ ساپاسى مەن ۋاقتىلى بەرىلۋىن Open Almaty-دىڭ ينسپەكتورلارى باقىلايدى. قالا باسشىلىعىنا اپتا سايىن وتىنىشتەر بويىنشا ستاتيستيكا بەرىلەدى.

Open Almaty-دا 2019 جىلدىڭ 9 ايى ىشىندە قالالىقتاردىڭ 106،2 مىڭ وتىنىشتەرى تىركەلگەن. ولاردىڭ 62،9 مىڭى نەمەسە 59 پايىزى بايلانىس ورتالىعى؛ 19،6 مىڭى نەمەسە 18%-ى الەۋمەتتىك جەلىلەر ارقىلى تۇسكەن؛ 17،3 مىڭى نەمەسە 16%-ى Open Almaty فرونت-وفيسىنە جەكە كەلىپ بەرىلگەن؛ 6،4 مىڭى نەمەسە 6%-ى پورتال ارقىلى تۇسكەن.

2019 جىلدىڭ شىلدە–قىركۇيەك ايلارى ارالىعىندا Open Almaty-دا 42،9 مىڭ ءوتىنىش تىركەلگەن، بۇل 2018 جىلدىڭ (26،2 مىڭ.) وسى كەزەڭىمەن سالىستىرعاندا شامامەن 60%-عا كوپ.

اعىمداعى جىلدىڭ III توقسانىندا تۇسكەن وتىنىشتەر بويىنشا قالالىقتار ءۇشىن مىنا ماسەلەلەر وزەكتى بولعان، ولار: قالانى اباتتاندىرۋ – 6،3 مىڭ (ونىڭ ىشىندە قالا وبەكتىلەرىن، اۋالاردى ۇستاۋ، تقق شىعارۋ، اعاشتى سانيتارلىق كەسۋ، ارىقتاردى تازالاۋ)؛ كولىك پەن جولدار شاعىمى – 3،6 مىڭ (اۆتوبۋستار قوزعالىسى، جول، جاياۋ جۇرگىنشى جولى قۇرىلىسى، باعدارشام ورناتۋ)؛ ينجەنەرلىك جەلىلەر جانە تكش ماسەلەلەرى – 1،8 مىڭ (سۋمەن قامتۋ جانە ءبولۋ، جىلۋ جەلىسى، گازبەن قامتۋ، ەلەكتروەنەرگياسى)؛ تۇرعىن ءۇي ءجان پيك (ليفتەر، پيك-تەردىڭ قىزمەتى) – 1،2 مىڭ جانە ءبىلىم (ورتا ءبىلىم، بالالار باقشالارى، كوللەدجدەر) – 699 ءوتىنىش.

Open Almaty ءفرونت-وفيسى (26،2 مىڭ) اباي داڭعىلى مەن جاروكوۆ كوشەسىنىڭ قيىلىسىندا (اباي داڭعىلى، 90) ورنالاسقان، اۋداندا جاقسى كولىك ينفراقۇرىلىمى (اۆتوبۋستار، مەترو) قالىپتاسقان. جەكە كەلۋدەن وزگە Open Almaty-عا الەۋمەتتىك جەلىلەر (Facebook، Instagram، Twitter)، ۆەب-پورتال http://open-almaty.kz  جانە بايلانىس ورتالىعى 1308 (ۇيالى تەلەفوننان تەگىن)، 338 33 88 ءنومىرى ارقىلى وتىنىشتەر جىبەرۋگە بولادى.