مەملەكەت باسشىسى قاسىم-جومارت توقايەۆ «سىندارلى قوعامدىق ديالوگ-قازاقستان تۇراقتىلىعى مەن وركەندەۋىنىڭ نەگىزى» اتتى جولداۋىندا سىبايلاس جەمقورلىققا قارسى كۇرەستىڭ كۇشەيە تۇسەتىندىگىن ايتقان بولاتىن. وسى ورايدا جامبىل وبلىسىندا اشىقتىق پرينسيپتەرىنە نەگىزدەلگەن جۇمىستار جالعاسۋدا.

مىسالى، تاراز قالاسى مەن شۋ جانە مەركى اۋداندارىندا «سەرۆيستىك اكىمدىكتەر» اشىلدى. بۇل جوبانىڭ ماقساتى – مەملەكەتتىك قىزمەت كورسەتەتىن مەكەمەلەردى ءبىر جەردە شوعىرلاندىرۋ مەن ازاماتتارعا قولايلى جاعداي جاساۋعا ارنالعان. ياعني، بۇل جەردە اتقارۋشى بيلىك وكىلدەرىنىڭ جەرگىلىكتى تۇرعىندارمەن بەتپە-بەت وتىرىپ جۇمىس جاساۋىنا ەش كەدەرگى جوق. ونىڭ ۇستىنە شارۋاسى قاۋىرت ادام قالانىڭ تۇكپىر-تۇكپىرىندە ورنالاسقان بولىمدەردى ىزدەپ سابىلماي، قاجەتتى قىزمەت تۇرلەرىن ءبىر عيماراتىڭ ىشىندە قينالماي-اق بىتىرۋىنە قول جەتكىزەدى.

سونداي-اق جامبىل وبلىسى پوليسيا دەپارتامەنتى جەرگىلىكتى تۇرعىندارمەن اشىق جۇمىس جۇرگىزۋ ماقساتىندا جۋالى جانە مەركى اۋداندارىندا جاڭا بولىمشەلەردى جاڭا فورماتتا اشتى. «ازاماتتاردى قابىلداۋ» بولمەلەرى ارقىلى قۇقىقتىق كەڭەستەر مەن قاجەتتى اقپاراتتى، قۇقىق بۇزۋشىلىقتار مەن قىلمىستاردىڭ الدىن الۋ شارالارىنا قاتىستى ۇسىنىس-پىكىرلەرىن بىلدىرۋگە بولادى. الداعى ۋاقىتتا وبلىستىڭ وزگە اۋداندارىندا دا «سەرۆيستىك اكىمدىكتەردىڭ» اشىلۋى جوسپارلانۋدا.

وبلىس بويىنشا 133 باسشى كابينەتتەرىن 1ء-شى قاباتقا كوشىرىپ، حالىقپەن تىعىز قارىم-قاتىناس جاساۋعا كىرىستى.

اشىقتىقتى قامتاماسىز ەتۋدەگى تاعى ءبىر شارا ول – مەملەكەتتىك ورگاندارىنىڭ ءبىرىنشى باسشىلارىنىڭ «جامبىل – ادالدىق الاڭى» جوبالىق كەڭسەسىندە ازاماتتاردى قابىلداۋىن ۇيىمداستىرۋ. وندا جەكە ازاماتتاردىڭ شاعىم-ۇسىنىستارى قارالىپ، ءتيىستى جاۋاپتار قايتارىلادى. بۇگىنگى كۇنگە مۇندا ءبىلىم، دەنساۋلىق ساقتاۋ، الەۋمەتتىك قامسىزداندىرۋ، قۇرىلىس، جولاۋشىلار كولىگى، جەرلەردى پايدالانۋ، مەملەكەتتىك كىرىستەر، سوت جۇيەسى، پوليسيا، مەملەكەتتىك قىزمەت، سىبايلاس جەمقورلىققا قارسى كۇرەس سالالارى بويىنشا بىرنەشە قابىلداۋ وتكىزىلىپ، وڭ ناتيجەسىن بەرىپ وتىر.

جالپى مەملەكەتتىك قىزمەتشىلەردىڭ بويىندا پاراساتتىلىق قاسيەتتەرىن دامىتۋ ماقساتىندا ق ر سىبايلاس جەمقورلىققا قارسى ءىس-قيمىل اگەنتتىگى جانىنان پاراساتتىلىق دەپارتامەنتى اشىلعان بولاتىن. دەپارتامەنت جۇمىسىنىڭ ماقساتى – جاڭا فورماتتا، اشىقتىق پرينسيپىندە جۇمىس ىستەيتىن، كاسىبي شىڭدالعان مەملەكەتتىك قىزمەتشىلەردەن تۇراتىن كاسىبي اپپارات قۇرۋ. بۇل باعىتتاعى جۇمىستار الداعى ۋاقىتتا دا جالعاسىن تاباتىن بولادى.