مەملەكەت باسشىسى قاسىم-جومارت توقايەۆ «سىندارلى قوعامدىق ديالوگ-قازاقستان تۇراقتىلىعى مەن وركەندەۋىنىڭ نەگىزى» اتتى قازاقستان حالقىنا جولداۋىندا شاعىن جانە ورتا كاسىپكەرلىكتى دامىتۋ ماسەلەسىنە ايرىقشا توقتالعان بولاتىن. بۇل تۇرعىدا 2010 جىلدان بەرى جۇزەگە اسىرىلىپ كەلە جاتقان «بيزنەستىڭ جول كارتاسى-2020» باعدارلاماسىنىڭ تيگىزىپى جاتقان كومەگى كوپ.

باعدارلاما ىسكە اسا باستاعان كەزەڭنەن بەرى قاراي «دامۋ» كاسىپكەرلىكتى دامىتۋ قورى ارقىلى 800-دەن استام جامبىلدىق كاسىپكەرگە قولداۋ كورسەتىلگەن. ونىڭ ىشىندە سۋبسيديالاۋ قۇرالى بويىنشا 2010 جىلدان باستاپ 2019 جىلدىڭ ءبىرىنشى جارتىجىلدىعىن قوسا العاندا جالپى نەسيە سوماسى 100 ميلليارد 400 ميلليون تەڭگەنى قۇرايتىن بارلىعى 889 جوبا سۋبسيديالانعان. ال وسى جوبالار بويىنشا «دامۋ» قورى تاراپىنان سۋبسيديا رەتىندە تولەنگەن قارجىنىڭ كولەمى 9 ميلليارد تەڭگەنى قۇراپ وتىر. ال، اعىمداعى جىلدىڭ ءبىرىنشى جارتىلىعىندا جالپى نەسيە سوماسى 3،4 ميلليارد تەڭگەنى قۇرايتىن 73 جوبا سۋبسيديالانىپ، ولار بويىنشا 529 ميلليون تەڭگەدەن استام قارجى سۋبسيديا رەتىندە تولەندى.

كەپىلدەندىرۋ قۇرالى بويىنشا: جالپى، 2010 جىلدان بەرى وسى كۇنگە دەيىن بارلىعى 369 جوبا بويىنشا دامۋ قورى تاراپىنان كەپىلدەندىرىلدى، بۇل وبلىسىمىزدىڭ كاسىپكەرلەرىنە جالپى العاندا 11 ميلليارد 900 ميلليون تەڭگە نەسيە الۋلارىنا مۇمكىندىك بەردى، بۇل رەتتە دامۋ قورىنىڭ بەرگەن كەپىلدىكتەرىنىڭ جالپى سوماسى 4،3 ميلليارد تەڭگەنى قۇرادى.

ونىڭ ىشىندە، اعىمداعى جىلدىڭ التى ايىندا جالپى نەسيە سوماسى 1 ميلليارد 447 ميلليون تەڭگەنى قۇرايتىن 40 كەپىلدەندىرۋ شارتىنا قول قويىلدى، وندا «دامۋ» قورى شىعارعان كەپىلدىكتەردىڭ جالپى سوماسى 435،6 ملليون تەڭگەنى قۇراپ وتىر.

ال قارجىلاي ەمەس قولداۋ قۇرالى بويىنشا 2013 جىلى كونسۋلتاسيالىق قىزمەتتەردى كورسەتۋ ءۇشىن دامۋ قورى جانىنان كاسىپكەرلىكتى قولداۋ ورتالىعى اشىلدى. ورتالىقتىڭ جۇمىسى دامۋ قورىنىڭ باعدارلامالارىن عانا ەمەس، سونىمەن قاتار «بايتەرەك» ۇلتتىق باسقارۋشى حولدينگىنىڭ ەنشىلەس ۇيىمدارىنىڭ دا مەملەكەتتىك قولداۋ قۇرالدارى بويىنشا كەڭەس بەرۋ بولىپ تابىلادى.

وسىلايشا، ورتالىق اشىلعانىنان بەرى كاسىپكەرلەرگە جانە كاسىپكەرلىك الەۋەتى بار حالىققا 21 مىڭنان استام كەڭەس بەرىلىپ، ونىڭ 1000-نان استامى اعىمداعى جىلى ورىن الدى.

وسىلايشا ورتالىق وڭدى ىستەرگە ۇيىتقى بولۋدا.