ەلىمىز نارىقتىق ەكونوميكاعا بەت تۇرعالى شاعىن جانە ورتا كاسىپكەرلىكتى دامىتۋ ماسەلەسى كۇن تارتىبىنەن تۇسكەن ەمەس. ەلباسىمىزدىڭ تاپسىرمالارى ناتيجەسىندە بۇل باعىتتا اۋىز تولتىرىپ ايتارلىقتاي اۋقىمدى جۇمىستار اتقارىلدى.

مەملەكەت باسشىسى قاسىم-جومارت توقايەۆ «سىندارلى-قوعامدىق ديالوگ – قازاقستاننىڭ تۇراقتىلىعى مەن وركەندەۋىنىڭ كەپىلى» اتتى حالىققا ارناعان جولداۋىندا دا «شاعىن، اسىرەسە، ميكروبيزنەس ەلىمىزدىڭ الەۋمەتتىك-ەكونوميكالىق جانە ساياسي ومىرىندە ماڭىزدى ءرول اتقارادى. اتاپ ايتقاندا، ەڭ الدىمەن اۋىل تۇرعىندارىنا تۇراقتى جۇمىس بەرەدى، جۇمىسسىزدىقتى ازايتادى. سونىمەن قاتار سالىق بازاسىن قۇراپ، جەرگىلىكتى بيۋدجەتتى نىعايتادى. سونداي-اق جاپپاي كاسىپكەرلىكتى دامىتۋ ساناعا سىڭگەن پاتەرناليستىك پيعىل مەن ماسىلدىقتان ارىلۋعا مۇمكىندىك بەرەدى. ەلىمىزدە كاسىپكەرلىكتى دامىتۋدىڭ ۇلگى بولارلىق مىسالدارى جەتكىلىكتى. ءبىز شاعىن كاسىپكەرلىكتى بۇكىل قوعام بولىپ قولداۋىمىز كەرەك»،– دەپ اتاپ كورسەتىپ، ناقتى مىندەتتەردى بەلگىلەدى.

ستراتەگيالىق ماقساتتاردىڭ اياسىندا ەلىمىزدە ءتۇرلى باعدارلامالار قابىلدانىپ، ىسكە اسىرىلۋدا. سونىڭ ءبىرى- «ەڭبەك» ناتيجەلى جۇمىسپەن قامتۋدى جانە جاپپاي كاسىپكەرلىكتى دامىتۋدىڭ 2017-2021 جىلدارعا ارنالعان مەملەكەتتىك باعدارلاماسى. اتالمىش باعدارلامانى ىسكە اسىرۋعا «دامۋ» كاسىپكەرلىكتى دامىتۋ قورىنىڭ جامبىل وبلىستىق فيليالى دا ايرىقشا اتسالىسۋدا.

وسى باعدارلامانى ىسكە اسقاننان بەرى وبلىستا جالپى ميكرونەسيە سوماسى 2 ميلليارد 120 ميلليون تەڭگەنى قۇرايتىن 189 جوبا قارجىلاندىرىلدى. ونىڭ ىشىندە قوردىڭ كەپىلدىگىمەن 77 جوبا، ياعني بۇل رەتتە ولاردىڭ جالپى نەسيە سوماسى 825،1 ميلليون تەڭگەنى، ال قوردىڭ كەپىلدىگىنىڭ جالپى سوماسى 425،7 ميلليون تەڭگەنى قۇراپ وتىر.

اعىمداعى جىلدىڭ 6 ايىندا جالپى نەسيە سوماسى 791،5 ميلليون تەڭگەنى قۇرايتىن 67 جوبا قارجىلاندىرىلعان. ونىڭ 19 جوباسى «دامۋ» قورىنىڭ كەپىلدىگى كومەگىمەن جۇزەگە اسقان.

ونىڭ ىشىندە 61 جوبا 2018 جىلعى قاراجات ەسەبىنەن. بۇل رەتتە جالپى نەسيە سوماسى 715،1 ميلليون تەڭگەنى قۇراپ وتىر. ونىڭ ىشىندە تاراز قالاسىندا جالپى نەسيە سوماسى 655،2 ميلليون تەڭگەگە 55 جوبا، قاراتاۋ قالاسىندا 37،4 ميلليون تەڭگەگە 4 جوبا جانە جاناتاس قالاسىندا 22،5 ميلليون تەڭگەگە 2 جوبا قارجىلاندىرىلدى.

ونىڭ ىشىندە 18 نەسيە بويىنشا قوردىڭ جالپى سوماسى 122،1 ملن. تەڭگەنى قۇرايتىن كەپىلدىگى بەرىلدى. 6 جوبا 2019 جىلعى قاراجات ەسەبىنەن. بۇل رەتتە جالپى نەسيە سوماسى 76،4 ميلليون تەڭگەنى قۇراپ وتىر. ولاردىڭ بارلىعى تاراز قالاسىندا جۇزەگە اسىرىلۋدا. ونىڭ ىشىندە 1 عانا جوباعا قوردىڭ 5،8 ميلليون تەڭگەنى قۇرايتىن كەپىلدىگى بەرىلدى.