جامبىل وبلىسى اكىمدىگىنىڭ ءبىلىم باسقارماسى جامبىل پوليتەحنيكالىق جوعارى كوللەدجى، قۇلان اۋىلشارۋاشىلىق كوللەدجى، قورداي اۋىلشارۋاشىلىق كوللەدجى، №9 مەركە كوللەدجى جانە №3 بايزاق كوللەدجى ستۋدەنتتەرىنە ت.رىسقۇلوۆ اۋدانى جارلىسۋ اۋىلىندا ورنالاسقان «شاۋشەن» شارۋا قوجالىعىنا ەكسكۋرسيا ۇيىمداستىردى.

شارانىڭ ماقساتى -جالپىعا ورتاق ەڭبەك قوعامىن قۇرۋ اياسىندا ءوندىرۋشى ەڭبەكتى ىنتالاندىرۋ، جاستار اراسىندا جۇمىسشى كاسىبىن ناسيحاتتاۋ جانە جۇمىسشى اۋلەتىندەگى كوپ جىلدىق ءداستۇردى نىعايتۋ بولىپ تابىلادى.

ايتا كەتۋ كەرەك، «شاۋشەن» شارۋا قوجالىعىنىڭ باسشىسى 2018 جىلى قازاقستان رەسپۋبليكاسىنىڭ ەڭبەك ەرى اتاعىن يەلەنگەن بەلگىلى كاسىپكەر سايرامباي ءالىقۇل ۇلى دونەنبايەۆ. يا، ەردىڭ اتىن ەڭبەك شىعارادى دەگەن. جەكە كاسىپكەر بۇگىندە ءوز اۋىلىنىڭ قۇرمەتتى ازاماتى، تۋعان ولكەسىنە 150 ملن تەڭگەگە مەكتەپ-ينتەرنات، 92 ورىندىق بالاباقشا سالىپ، حالىق يگىلىگىنە بەرگەن بولاتىن. سونداي-اق 20 شوپاننىڭ وتباسى ءۇشىن جەكەشەلەندىرۋ قۇقىعىمەن 10 تۇرعىن ءۇي سالىپ بەرگەن. كاسىپكەر الەۋمەتتىك كومەك ءۇشىن جىلىنا 50 ملن قاراجات ءبولىپ، حالىقتىڭ تۇرمىس جاعدايلارىنىڭ جاقسارۋىنا كومەك كورسەتەدى. اۋىل تۇرعىندارىن تۇراقتى جۇمىسپەن قامتىپ، ولاردىڭ ءال-اۋقاتىنىڭ جاقسارۋىنا ىقپال ەتۋدە. شارۋا قوجالىعى باسشىسىنىڭ ايتۋىنشا، 2014 جىلى قىمىز ءوندىرۋ ءۇشىن ءوز قاراجاتتارىنا قۇنى 250 ملن. تەڭگە تۇراتىن جىلقى فەرماسى جوباسىن ىسكە قوسقان. بۇگىنگى تاڭدا مۇندا ءار بيەدەن 9 ليترگە دەيىن ساۋمال ساۋىلادى. قوجالىق قويماسىندا 16 مىڭ ليتر قىمىز ساقتاۋلى.

-2019 جىل -جاستار جىلى دەپ جاريالانعانىنا وراي جاستاردى جۇمىسپەن قامتۋ ماسەلەسى ەلىمىزدە باستى نازاردا ەكەنى بەلگىلى. بۇگىنگى تاڭدا رەسپۋبليكامىزدا ەكونوميكانى قايتا قۇرۋ جولىندا ونىڭ نەگىزى بولىپ تابىلاتىن كاسىپكەرلىك قاتىناستاردى دامىتىپ، جاستاردى جۇمىسپەن قامتۋ وزەكتى ماسەلەلەردىڭ ءبىرى. كاسىپتىك ءبىلىم جاستارىمىزدىڭ ماماندىق تاڭداۋى ءۇشىن قاجەتتى ءورىستى قامتاماسىز ەتۋگە، ال ەرەسەك تۇرعىندار ءۇشىن ولاردىڭ جاڭا جوسپارلى ىسپەن اينالىسۋىنا، كاسىبي شەبەرلىگىن جەتىلدىرۋىنە بەيىمدەلگەن. قازىرگى جاستاردىڭ كاسىپتىك بىلىمگە دەگەن قىزىعۋشىلىقتارىنىڭ ارتا باستاعانىن بايقايمىز. باسەكەگە قابىلەتتى جانە كاسىبي شەبەرلىگى جوعارى ماماندار دايارلاپ، كەلەشەكتە ءوز كاسىپكەرلىكتەرىن اشۋعا باعىت بەرۋ ماقساتىندا «ەل ەرتەڭى - ءبىلىمدى جاستار» دەپ جاستاردى «شاۋشەن» شارۋا قوجالىعىنىڭ تىنىس تىرشىلىگى، ورەلى ىستەرىمەن تانىسىپ، وي ءتۇيىپ قاتتى،-دەيدى جامبىل پوليتەحنيكالىق جوعارى كوللەدجىنىڭ كاسىپتىك وقىتۋ جۇمىستارى جونىندەگى ورىنباسارى تۇرلىحان ورازبايەۆ.