مەملەكەت باسشىسى قاسىم-جومارت توقايەۆ «سىندارلى قوعامدىق ديالوگ-قازاقستاننىڭ تۇراقتىلىعى مەن وركەندەۋىنىڭ نەگىزى» اتتى قازاقستان حالقىنا جولداۋىندا اگروونەركاسىپ كەشەنىن دامىتۋ ماسەلەسىنەن باسا نازار اۋدارعانى بەلگىلى.
جولداۋ جۇكتەگەن مىندەتتەر جامبىل وبلىسىنىڭ تالاس اۋدانىندا قالاي جۇزەگە اسۋدا؟ تاياۋدا اۋدان اكىمىنىڭ اپپاراتتىق كەڭەسىندە وسى ماسەلە جان-جاقتى قارالدى. جيىندا اۋىل شارۋاشىلىعى سالاسىن دامىتۋ بويىنشا اتقارىلعان جۇمىستار جايلى اۋدان اكىمدىگى اۋىلشارۋاشىلىق ءبولىمىنىڭ باسشىسى ا.ەرۋباي حابارلاما جاسادى. اۋداندا 2019 جىلدىڭ 9 ايىنىڭ قورىتىندىسىن وتكەن جىلعى وسى مەرزىمدەگى كورسەتكىشتەرمەن سالىستىرعاندا: اۋىل، ورمان جانە بالىق شارۋاشىلىعى ونىمدەرىنىڭ جالپى شىعارىلىمى 10،9%، ودان: اۋىل شارۋاشىلىعى ونىمدەرىنىڭ جالپى شىعارىلىمى 11،1%، مال شارۋاشىلىعىنىڭ ءونىمى 7،6% جانە وسىمدىك شارۋاشىلىعىنىڭ ءونىمى 12،4%-عا ءوسىپ وتىر.
2019 جىلدىڭ 9 ايىندا «سىباعا» باعدارلاماسى بويىنشا «اۋىل شارۋاشىلىعىن قولداۋ قورى» اق، «اگرارلىق نەسيە كورپوراسياسى» اق، «اۋليە-اتا» نەسيە سەرىكتەستىگى ج ش س ارقىلى 13 شارۋا قوجالىعى نەسيە الىپ، 112 باس سيىر، 5584 باس قوي مالىن ساتىپ الدى. سونىمەن قاتار، «اگروبيزنەس» باعدارلاماسى ارقىلى 4 شارۋا قوجالىعى نەسيە الىپ، 50 باس ءىرى قارا، 935 باس قوي؛ «ىسكەر» باعدارلاماسى ارقىلى 10 شارۋا قوجالىعى نەسيە الىپ، 46 باس ءىرى قارا، 794 باس قوي، 17 باس جىلقى مالىن ساتىپ الدى. 2019 جىلدىڭ ءونىمى ءۇشىن بارلىعى 12171 گەكتار القاپقا اۋىلشارۋاشىلىعى داقىلدارىن ورنالاستىرۋ جانە 1600 گا پار دايىنداۋ جوسپارلانىپ، 12222 گەكتارعا (100،4%) اۋىلشارۋاشىلىعى داقىلدارى ورنالاستىرىلعان. ونىڭ ىشىندە: 400 گا كۇزدىك بيداي، 1310 گا جازدىق ارپا، 380 گا داندىك جۇگەرى، 600 گا ماقسارى، 100 گا كۇنباعىس، 130 گا كارتوپ، 130 گا قانت قىزىلشاسى، 330 گا باقشا، 220 گا كوكونىس جانە 5022 گا كوپجىلدىق ءشوپ (801 گەكتارعا كوپجىلدىق ءشوپ جاڭادان ەگىلدى) ورنالاستىرىلىپ، 1600 گەكتارعا ءسۇر (پار) دايىندالعان. الدىن الا مالىمەتتەر بويىنشا اعىمداعى جىلدىڭ ءونىمى ءۇشىن ورنالاستىرىلعان 5310 گا ماساقتى ءداندى داقىلداردىڭ ءار گەكتارىنان ورتا ەسەپپەن 17،0 س/گا، بارلىعى 9027 توننا استىق جينالدى. جوسپارلى كورسەتكىش تولىق ورىندالدى. كارتوپ، كوكونىس-باقشا، داندىك جۇگەرى، كوپجىلدىق ءشوپ ونىمدەرى تولىق جينالىپ، جوسپارلى ءونىم الىنىپ وتىر. قازىرگى كەزدە قانت قىزىلشاسىن جيناۋ جۇمىستارى جۇرگىزىلۋدە. مەجەلەنگەن 4000 گا كۇزدىك بيداي ەگىسىن ورنالاستىرۋ جۇمىستارى اياقتالىپ كەلەدى. سونىمەن بىرگە، كەلەسى جىلدىڭ ەگىسى ءۇشىن 520 گا سۇدىگەر جىرتىلىپ دايىندالعانىن ءبولىم باسشىسى باياندادى.
تالاس اۋدانى اكىمدىگىنىڭ ۆەتەرينارلىق ءبولىمى بويىنشا اۋىلدىق وكرۋگتەر مەن قاراتاۋ قالاسىندا 14 ۆەتەرينارلىق پۋنكت قىزمەت ەتەدى. ونىڭ ىشىندە، 5 ۆەتەرينارلىق پۋنكت اۋىلدىق وكرۋگ اكىمى اپپاراتىنىڭ عيماراتىندا ورنالاسقان، قىسقى ماۋسىمدا اكىمشىلىكتىڭ ورتالىق قازاندىقتارىنان جىلىتىلادى. 2 ۆەتەرينارلىق پۋنكت كوممۋنالدىق مەنشىكتە، اۋىل اكىمشىلىگىنە ءتيىستى بولىپ، كەلىسىم-شارت ارقىلى پايدالانىلىپ وتىر. اتالعان ۆەتەرينارلىق پۋنكتتەرگە قىسقى وتىن (كومىر) ءتۇسىرىپ بەرۋ تۋرالى اۋىلدىق وكرۋگ اكىمدەرىمەن كەلىسىلىپ، قامتاماسىز ەتىلدى. قالعان 7 ۆەتەرينارلىق پۋنكت جەكە تۇلعالارعا ءتيىستى، كەلىسىم-شارتپەن جالعا الىنعان. بارلىق ۇيلەردەگى وت جاعاتىن پەشتەر مەن مۇرجالارىنا تەكسەرۋ جۇرگىزىلىپ، اعىمداعى جوندەۋ جۇمىستارى جۇرگىزىلگەن. الداعى ۋاقىتتا 2019 جىلدىڭ 1 قاراشاسىنا دەيىن ۆەتەرينارلىق پۋنكت ەسەبىندە پايدالانىپ وتىرعان ۇيلەردى وتىنمەن (كومىر) تولىق قامتاماسىز ەتۋ تالاس اۋدانى اكىمدىگىنىڭ ۆەتەرينارلىق قىزمەتنىڭ باسشىسىنا مىندەتتەلدى. ءاربىر ۆەتەرينارلىق پۋنكتتە 1 توننادان كومىر قورى جاساقتالاتىندىعىن ءبولىم باسشىسى حابارلادى. قوسىمشا ماسەلەلەر قارالىپ ءتيىستى ءبولىم باسشىلارىنا حاتتامالىق تاپسىرمالار بەرىلدى.
