ەلباسى-قازاقستان رەسپۋبليكاسىنىڭ تۇڭعىش پرەزيدەنتى نۇرسۇلتان نازاربايەۆ «100 ناقتى قادام» ۇلت جوسپارىنىڭ 100-قادامىندا «كاناداداعى Canada Service جانە اۆسترالياداعى Centrelink ۇلگىسى بويىنشا مەملەكەتتىك قىزمەتتەردىڭ ءبىرىڭعاي پروۆايدەرىنە اينالاتىن "ازاماتتار ءۇشىن ۇكىمەت" مەملەكەتتىك كورپوراسياسىن قۇرۋ مىندەتىن جۇكتەگەن بولاتىن. بۇل تۇرعىدا ەلباسى «مەملەكەتتىك كورپوراسيا حالىققا قىزمەت كورسەتەتىن بارلىق ورتالىقتاردى ءبىر جۇيەگە ينتەگراسيالايدى قازاقستان ازاماتتارى مەملەكەتتىك قىزمەتتەردى ءبىر جەردەن الاتىن بولادى دەپ اتاپ كورسەتتى. سونىمەن قاتار مەملەكەتتىك قىزمەتتى ساپا مەنەدجمەنتى iso 9000 سەرياسىنا سايكەس حالىقارالىق سەرتيفيكاتتاۋ ماسەلەسىنە دە ايرىقشا نازار اۋدارىلدى.
مەملەكەتتىك كورپوراسيا «ءبىر تەرەزە» قاعيداتى بويىنشا جەكە جانە (نەمەسە) زاڭدى تۇلعالارعا مەملەكەتتىك قىزمەتتەر كورسەتۋ، جەكە جانە زاڭدى تۇلعالاردىڭ مىندەتتى مەملەكەتتىك تىركەۋىنە جاتپايتىن جىلجىمالى مۇلىك كەپىلىن تىركەۋ، عيماراتتاردى، قۇرىلىستاردى جانە (نەمەسە) ولاردىڭ قۇرامداستارىن تەحنيكالىق زەرتتەپ-قاراۋ، مەملەكەتتىك جەر كاداسترىن جۇرگىزۋ، زەينەتاقىمەن جانە الەۋمەتتىك قامسىزداندىرۋ سالاسىندا قىزمەتىن جۇزەگە اسىراتىن ءبىرىڭعاي پروۆايدەر بولىپ تابىلادى
قازىرگى تاڭدا جامبىل وبلىسى بويىنشا 22 بەك –وفيس جانە 16 فرونت-وفيس حالىققا ءوز قىزمەتىن كورسەتۋدە.
-مەملەكەتتىك كورپوراسيانىڭ ايىرىلماس بولىگى – «ەلەكتروندىق ۇكىمەت» ەلەكتروندى ۇكىمەت پورتالى جۇمىس ىستەي باستاعان ساتتەن بۇگىنگى كۇنگە دەيىن «ۇلتتىق اقپاراتتىق تەحنولوگيالار» اق ازاماتتاردىڭ ۇيدەن شىقپاي-اق الا الاتىن قىزمەتتەر مەن سەرۆيستەر تىزبەسىن ارتتىرۋ جۇمىستارىن جالعاستىرىپ كەلەدى. بۇگىنگى كۇنى، «ۇلتتىق اقپاراتتىق تەحنولوگيالار» اق-نىڭ eGov.kz پورتالى ينفراقۇرىلىمىنا 150-دەن اسا اقپاراتتىق جۇيەلەر مەن دەرەكتەر قورى ينتەگراسيالانعان. ياعني، «ءبىر تەرەزە» قاعيداسى بويىنشا كەشەندى قىزمەت كورسەتۋگە مۇمكىندىك بەرەدى جانە ازاماتتار بىرنەشە مەملەكەتتىك ورگاندارعا بارماي-اق ءبىر عانا سۇراۋ سالۋ ارقىلى قىزمەتتەردى پايدالانا الادى،-دەيدى «ازاماتتارعا ارنالعان ۇكىمەت» مەملەكەتتىك كورپوراسياسى جامبىل وبلىسى بويىنشا فيليالى ديرەكتورىنىڭ ورىنباسارى دانيار مەدەتبەكوۆ.
قازىرگى تاڭدا بۇل باعىتتا جۇيەدى جۇمىستار جالعاسىن تابۋدا.
پىكىر قالدىرۋ