ەلباسى- قازاقستان رەسپۋبليكاسىنىڭ تۇڭعىش پرەزيدەنتى نۇرسۇلتان نازاربايەۆ ۇسىنعان «100 ناقتى قادام» ۇلت جوسپارىنىڭ بىردەن-بىر جەمىسى-ەلىمىزدە «ازاماتتارعا ارنالعان ۇكىمەت» مەملەكەتتىك كورپوراسياسىنىڭ قۇرىلۋى ەكەندىگى داۋسىز. بۇگىندە كورپوراسيا قالىپتاسىپ قانا قانا قويماي، از ۋاقىتتا-اق ءوز تيىمدىلىگىن دالەلدەپ ۇلگەردى.

«ازاماتتارعا ارنالعان ۇكىمەت» مەملەكەتتىك كورپوراسياسى» كوممەرسيالىق ەمەس اكسيونەرلىك قوعامىنىڭ دامۋ ستراتەگياسىن ورىنداۋ ماقساتىندا تاراز قالالىق №1 حالىققا قىزمەت كورسەتۋ ورتالىعى نەگىزىندە سيفرلىق حالىققا قىزمەت كورسەتۋ ورتالىعىنىڭ اشىلىپ، ىسكە كىرىستى. بۇل ورتالىقتا انىقتاما، قولجەتىمدىلىك پۋنكتى، وقىتۋ بولمەسى، وزىنە ءوزى قىزمەت كورسەتۋ سەكتورى، ەلەكتروندى سيفرلىق قولتاڭبا وتىلىمدەردى راستاۋ سەكتورى قىزمەت كورسەتەدى.

بۇل حالىققا قىزمەت كورسەتۋ ورتالىعى ەكى سەكتورعا بولىنگەن. مۇندا حالىققا سيفرلىق جۇيەدە قىزمەت كورسەتىلەدى. ءبىرىنشى سەكتور – «وقىتۋ بولمەسى». سەكتور 12 وقۋ ورىنعا ارنالعان. 2 قىزمەتكەر 2 اۋىسىمدا وقىتۋ ساباقتارىن جۇرگىزەدى. «سيفرلىق قازاقستان» باعدارلاماسى اياسىندا حالىققا ەلەكتروندىق قىزمەتتەردى پايدالانا ءبىلۋ ۇيرەتىلەدى.

ال ەكىنشى سەكتور – «وزىنە ءوزى قىزمەت كورسەتۋ سەكتورى». ول 16 ورىنعا جابدىقتالعان. 12 ورىن تۇرىپ جانە 4 ورىن وتىرىپ قىزمەت الۋعا ارنالعان. مۇندا 3 مامان تۇسىندىرمە جۇمىستارىن جۇرگىزەدى. سيفرلىق قولتاڭباسى بار ازاماتتار ءوزىنىڭ تەلەفون ءنومىرىن جەكە سايكەستەندىرۋ نومىرىنە بەكىتىپ، كەز كەلگەن ۋاقىتتا كومپيۋتەر ارقىلى قاجەتتى ەلەكتروندى انىقتاما الا الادى. وسىلايشا، كومپيۋتەردە وتىرىپ-اق قاجەتتى فورماتتا بەلگىلى ءبىر مەملەكەتتىك ورگاننان قۇجاتقا ءوتىنىم جولداپ، حالىققا قىزمەت كورسەتۋ ورتالىعىنىڭ مامانىمەن ونلاين-بايلانىسقا شىعا الادى.

-قازىرگى تاڭدا ەلىمىزدە «سيفرلىق قازاقستان» باعدارلاماسى جۇيەلى جۇزەگە اسۋدا. بۇل جاڭاشىلدىقتان حالىققا قىزمەت كورسەتۋ ورتالىعى دا قالىس قالعان جوق. بۇگىندە ءبىز تۇرعىنداردىڭ سيفرلىق ساۋاتتىلىعىن ارتتىرۋعا جاردەمدەسىپ، «ەلەكتروندى ۇكىمەت» پورتالىنىڭ مۇمكىندىكتەرىن كەڭىنەن پايدالانۋعا كۇش سالۋدامىز. بۇل باعىتتا كەڭ كولەمدە ءتۇسىندىرۋ جۇرگىزىلۋدە،-دەيدى تاراز قاالىق سيفرلىق حالىققا قىزمەت كورسەتۋ ورتالىعى ءبولىمىنىڭ باسشىسى شالقار ەلەمەس.

جاڭاشىلدىققا نەگىزدەلگەن جۇمىستار الداعى ۋاقىتتا دا جالعاسا بەرەتىن بولادى.