ەلباسى- قازاقستان رەسپۋبليكاسىنىڭ تۇڭعىش پرەزيدەنتى نۇرسۇلتان نازاربايەۆتىڭ «100 ناقتى قادام» ۇلت جوسپارىندا ايقىندالعان مىندەتتەرگە سايكەس، «ازاماتتارعا ارنالعان ۇكىمەت» مەملەكەتتىك كورپوراسياسى قۇرىلعانى بەلگىلى. بۇگىندە كورپوراسيا جۇمىسى جامبىل وبلىسىندا دا جۇيەلى جۇزەگە اسۋدا. اسىرەسە، حالىقتىڭ سيفرلىق ساۋاتتىلىعىن ارتتىرۋعا باسىمدىق بەرىلىپ، «ەلەكتروندى ۇكىمەت» پورتالىنىڭ مۇمكىندىكتەرى كەڭىنەن پايدالانىلۋدا. حالىقتىڭ سيفرلىق ساۋاتتىلىعىن ارتتىرۋ ماقساتىندا كورپوراسيا ماماندارى 2019 جىلى 1388 مەكەمەگە شىعىپ، 145 695 تۇرعىنعا كەڭەس بەرگەن.

سونىمەن قاتار ەلەكتروندى نەگىزدەگى سەرۆيستىك قىزمەتتەردى جەتىلدىرۋ باعىتىندا دا ناتيجە جەتەرلىك. بىرىنشىدەن، ازاماتتاردىڭ رۇقسات بەرۋىمەن ءۇشىنشى تۇلعانىڭ انىقتامالاردى الۋىنا بولاتىن سەرۆيسى جۇزەگە استى. مىسالى، سەرۆيسكە ەنگىزىلگەننەن كەيىن، وقۋ ورنى نەمەسە جۇمىس بەرۋشى ەلەكتروندىق پورتال ارقىلى قاجەتتى قۇجاتتى سۇراتادى، ال قىزمەت الۋشى (بۇل جاعدايدا اتا-انا، جۇمىس بەرۋشى، ت.ب.) SMS-حابارلاما ارقىلى ءبىر رەت ەلەكتروندىق انىقتاما الۋعا ءوزىنىڭ رۇقساتىن بەرەدى.

ەكىنشىدەن، ۇيالى تەلەفون نومىرىنە جولدانعان ءبىر رەتتىك ءسمس-پارولدى ەنگىزۋ ارقىلى ەلەكتروندىق سيفرلىق قولتاڭباسىز 53 قىزمەت قولجەتىمدى بولدى. بۇل قىزمەت ءتۇرىن پايدالانۋ ءۇشىن ەڭ باستىسى «ءموبيلدى ۇكىمەتتە» تىركەلۋ كەرەك. تولىعىراق ايتساق، ءموبيلدى قوسىمشانى اكتيۆتەندىرگەن سوڭ قولدانۋشىعا قىزمەتتىڭ كەڭ سپەكترى قولجەتىمدى بولادى. 2019 جىلى جامبىل وبلىسى موبيلدى ۇكىمەت پورتالىنا تىركەلگەن ازاماتتاردىڭ سانى 242 008 ادامدى قۇرادى.

ۇشىنشىدەن، 20 مينۋت ىشىندە مەكەنجاي بويىنشا ونلاين تىركەلۋ قىزمەتى قولجەتىمدى.

تورتىنشىدەن، «كولىك قۇرالىنىڭ سايكەستەندىرۋ ءنومىرى بويىنشا كولىك قۇرالدارىنىڭ جەكەلەگەن تۇرلەرىن مەملەكەتتىك تىركەۋ جانە ەسەپكە الۋ» جانە «جۇرگىزۋشى كۋالىكتەرىن بەرۋ» قىزمەتەرىن ونلاين رەجيمدە الۋعا بولادى. ستاتيستيكالىق مالىمەت بويىنشا بۇل قىزمەتتەر جاقسى كورسەتكىش كورسەتۋدە. 2019 جىلدىڭ سەگىز ايىندا جۇرگىزۋشى كۋالىگىن اۋىستىرۋ بويىنشا 4 744، اۆتوكولىكتەردى تىركەۋ جانە تىركەۋدەن شىعارۋ بويىنشا 3 895 قىزمەت كورسەتىلدى.

بەسىنشىدەن، @EgovKzBot Telegram-بوت ارقىلى قول جەتىمدى سەرۆيستەر مەن قىزمەتتەردىڭ سانى 26 -عا جەتتى.

بۇل باعىتتا دا جۇيەلى جۇمىستار جاندانۋدا.