مەملەكەتتىك قىزمەتتەردىڭ ساپاسىن ارتتىرۋ- ەلباسى- قازاقستان رەسپۋبليكاسىنىڭ تۇڭعىش پرەزيدەنتى نۇرسۇلتان نازاربايەۆتىڭ «100 ناقتى قادام» ۇلت جوسپارىندا ايقىندالعان مىندەتتەردىڭ ءبىرى. وسى ورايدا نۇرسۇلتان ءابىش ۇلى «ازاماتتارعا ارنالعان ۇكىمەت» مەملەكەتتىك كورپوراسياسىن قۇرۋدى مىندەتتەگەن بولاتىن. بۇگىندە كورپوراسيا قالىپتاسىپ قانا قانا قويماي، از ۋاقىتتا-اق ءوز تيىمدىلىگىن دالەلدەپ ۇلگەردى. اسىرەسە، حالىقتىڭ سيفرلىق ساۋاتتىلىعىن ارتتىرۋعا باسىمدىق بەرىلىپ، «ەلەكتروندى ۇكىمەت» پورتالىنىڭ مۇمكىندىكتەرى كەڭىنەن پايدالانىلۋدا.

مىسالى، بۇگىندە @EgovKzBot Telegram-بوت ارقىلى قول جەتىمدى سەرۆيستەر مەن قىزمەتتەردىڭ سانى 26 -عا جەتتى. بوت ارقىلى مەكەنجاي انىقتاماسىن، جىلجىمايتىن مۇلىكتىڭ بولۋى نەمەسە بولماۋى تۋرالى انىقتامانى، سوتتالعاندىعى بولۋى نە بولماۋى تۋرالى انىقتامانى، جەكە تۇلعانىڭ باسقا زاڭدى تۇلعالاردا قاتىسۋى تۋرالى انىقتامانى، جىلجىمايتىن مۇلىككە تىركەلگەن قۇقىقتار (اۋىرتپالىقتار) تۋرالى انىقتامانى الۋعا بولاتىنىن، ەستەرىڭىزگە سالامىز. بۇدان باسقا بازالىق زەينەتاقى تولەمىنىڭ مولشەرى تۋرالى اقپاراتتى الۋعا جانە الەۋمەتتىك مارتەبەسىن تەكسەرۋگە بولادى.

-قىزمەتتى الۋ ءۇشىن «موبيلدىك ازاماتتار بازاسىندا» تىركەلۋ قاجەت، ياعني ءوز تەلەفون ءنومىرىن eGov.kz پورتالىنىڭ جەكە كابينەتىندە تىركەپ، ءوزىنىڭ گادجەتىندە، Telegram مەسسەندجەردەگى بوتتى ىسكە قوسۋ جۇزەگە اسىرىلسىن. بۇدان ءارى الدىن-الا بەلگىلەنگەن بۇيرىقتاردى جولداۋ جانە سۇرانىستى SMS-كود ارقىلى راستاۋ ارقىلى مەملەكەتتىك قىزمەتتەردى الۋعا بولادى، ءارى سۇراۋلاردىڭ ناتيجەسىن بىردەن پايدالانۋشىنىڭ ەلەكتروندىق پوشتاسىنا جىبەرۋگە بولادى.

جالپى، فيليال قىزمەتكەرلەرى مەملەكەتتىك قىزمەتتەر كورسەتۋ جولىندا جۇيەلى جۇمىستار اتقارۋدا. قوعاممەن بايلانىس ماسەلەسى ءبىز ءۇشىن وزەكتى تاقىرىپ، سەبەبى حالىقتى مەملەكەتتىك قىزمەتتەر تۋرالى قۇلاعدار ەتۋ، ۇسىنىستارىن قابىلداۋ، ءوتىنىش-شاعىمدارىن قاراستىرىپ، شۇعىل جاۋاپ بەرۋدەمىز. بۇل تۇرعىدا جۇمىستاردىڭ ۋاقتىلى ورىندالۋىن ۇزدىكسىز قامتاماسىز ەتۋدەمىز.،- دەيدى «ازاماتتارعا ارنالعان ۇكىمەت» مەملەكەتتىك كورپوراسياسى جامبىل وبلىسى بويىنشا فيليالى ديرەكتورىنىڭ ورىنباسارى دانيار مەدەتبەكوۆ.

بۇل باعىتتاعى جۇمىستار جۇيەلى جالعاسا بەرەتىن بولادى.